यूहन्‍ना 12:27 - जिरेल

²⁷ थाल्‍ला ङाला आउदी पीर लाला दुक। थेमे च्‍यि ङे ‘आबा, ङाला दोक दुक्‍पा ओङ माज्‍युत,’ सिन सिरच्‍या? अहँ, मेन। दोक खाला दुक्‍पा भोगे खितालाराङ ङा दुरू वाबाते ईन।

यूहन्‍ना 12:27 ပူးပေါင်းရင်းမြစ်များ

मत्ती 11:25

थेमे थे बेलालाराङ गाङेकी थोच्‍या खाईन येशूकी “आबा, खो दि स्‍वर्गताङ पृथ्‍वीते मालिक ईन। ङा खुईते जय जय खिओ। च्‍यिला सासीन स्‍वर्गे राज्‍य बात खुई पढे माक्‍याबाते थेमे काल्‍बा बात छ्या मेस्‍येकान्‍ते मिओनला लेमु खाईन खो च्‍युत्‍सुङ। दि बातनी खुई आउदी बुद्धि ओतातेताङ काल्‍बेई पढे खाबाते छ्ये छ्ये मिलाङ खो च्‍युता मेतान।

मत्ती 11:26

आबा, खोल्‍ला दोक खिताराङ लेमु लासुङ। दोक खाईन खुई खिता चालाते च्‍योकराङ ओङसुङ,” सिन सासुङ।

मत्ती 26:42

थेमे थे याङराङ गाल्‍गीन “आबा, ङे दि दुक्‍पा भोगे माक्‍याबाला ओङराङ मेङगो सासीन खुई साबा च्‍योकराङ ओङस्‍यीत,” सिन प्रार्थना खासुङ।

मत्ती 26:45

थेमे चेलातेबा ओत्‍सादु ग्‍युरला ओङजीन थोरूमोङ थेबा सुमबो ङ्याल्‍गीनराङ देता ओता थोङगीन थेकी “च्‍यि ख्‍योकोन थोरूमोङ ङ्याल्‍गीनराङ देता ओत? लो थाचेन ख्‍योकोन ङ्याल्‍ला देत्‍सीनोङ देत। थानी ङेते दुक्‍पे बेलाङ लेपा खासुङ। था परमेश्‍वर ओत्‍सादुई वाबाते मि ङा पापीओन लाःक्‍तु फाप्‍कीन सिन्‍सुङ।

लूका 22:44

था भोगे खिता फाप्‍च्‍येते दुक्‍पे पीरगी खित्‍सादु थे सेम छोकीन सिन्‍दा ओतान। थेमे थेकी झन झन परमेश्‍वरला प्रार्थना खासुङ। थोक खाला प्रार्थना खित्‍जीन थे जीउदुकी ठागी थोपो थिक्‍पा च्‍योकराङ खाला ठोतकी थोपो थिगीन ओतान।

लूका 22:53

ङीमे ठाङमा ङानी ख्‍योकोनताङराङ परमेश्‍वर मन्‍दिर नाङला देता ओतान। थेजीनराङ ख्‍योकोनगी ङाला जिन्‍दा थुप्‍च्‍या ओतान तर माजुम्‍सुङ। थाचेन ख्‍योकोनते ङाला जुम्‍ला दुक्‍पा तेरच्‍येते बेला लेप्‍सुङ। च्‍यिला सासीन मुन्‍दाक राज्‍य गेल्‍बो शैतानगी थे खोरोङते ओतातेबरी शक्ति चले खित्‍च्‍येते बेला दिराङ ईन,” सिन सिदुक।

यूहन्‍ना 11:41

थेमे थेबेकी थे फुगी गोदु ओताते दो थेन्‍सुङ। थेमे थेकी नामने ताकीन “आबा, ङा खोल्‍ला धन्‍यवाद सिओ। खुई ङे खाबाते बिन्‍ती ङेन्‍सुङ।

यूहन्‍ना 12:23

थेमे थेकी थेबाला “था परमेश्‍वर ओत्‍सादुई वाबाते मि चुक छ्ये ईन्‍दे सिन परमेश्‍वरगी मिओनला छ्या स्‍ये ज्‍युत्‍च्‍ये बेला लेपा खासुङ।

यूहन्‍ना 13:21

दि बात खाईन सिन्‍नामेई थेला आउदी मेलेबा लाबा ओतान। थेमे थेकी “दि बात ङेन। ख्‍योकोन नाङ दोक्‍पोईकी था ङाला धोका तेरग्‍यो,” सिन सिदुक।

यूहन्‍ना 18:37

थेमे थेकी “थोक ईन्‍सीनका खो गेल्‍बोराङ दुका ओना, मेन?” सिन सिरजीन येशूकी “ङा गेल्‍बो दुका सिन खुई साबाते ठीकराङ ईन। सत्‍यते बात च्‍यि ईन्‍दे सिन लोपालाराङ ङा देमा वाकीन क्‍या फापाते ईन। सत्‍यते बात थोला दि पक्‍काराङ ईन्‍दाते बात ईन सिन पत्ते खित्‍कान्‍ते मिकी ङे बात ङेन्‍ग्‍यो,” सिन सिदुक।

१ तिमोथी 1:15

येशू ख्रीष्‍ट पापीओनला पापकी सजायदुकी डेलाला दि सा लुङबादु वाबाते ईन सिन सिरच्‍येते बात साँच्‍चीराङ ईन्‍दाते थेमे मिओनगी पत्ते खिता फाप्‍च्‍येते बातराङ ईन। थेमे पापीओन नाङ आउदी खाला पाप खित्‍कान्‍ते मि ङाराङ ईन।

हिब्रू 2:14

थे खोरोङगी परमेश्‍वर फुज्‍युङ फुमु साबाते मिओन च्‍योकराङ खाईन येशूङ मि स्‍या ठाक खुराते जुनी लाकीन केसुङ। मिला स्‍यिर ज्‍युत्‍कान्‍तेला ग्‍यालालाराङ थे दोक खाईन मि जुनी लाकीन केकीन स्‍या फापाते ईन। मिला स्‍यिर ज्‍युत्‍कान्‍तेचेन शैतान ईन।

हिब्रू 5:7

दुरू ओत ओतसाक येशूकी कालगी लाःक्‍तुकी थे खोरोङला जोए खिता थुप्‍कान्‍ते परमेश्‍वरला ङुइन थेमे ङोरोराङ तेन्‍गीन प्रार्थना खासुङ। थेकी थे खोरोङ लाईदु परमेश्‍वरला बिन्‍तीङ खासुङ। थे परमेश्‍वरगी जस्‍तो खिता चाल्‍ला दुक थोकराङ ओङस्‍यीत सिरकान्‍ते ईन्‍देकी परमेश्‍वरगी थे प्रार्थना ङेन्‍सुङ।