यूहन्‍ना 11:47 - जिरेल

⁴⁷ थेमे छ्ये छ्ये पूजारीताङ फरिसी पाटी मिओनगी यहूदीओन छ्ये छ्ये मि ज्‍येनलाङ काताङगीन च्‍याकीन “था ङुरूङगी चुक खित्‍च्‍ये? दि मिकीनी अचम्‍बते काम काल्‍बेई खिदुक।

यूहन्‍ना 11:47 ပူးပေါင်းရင်းမြစ်များ

मत्ती 26:3

थेमे थे बेले नाङपाराङ छ्ये छ्ये पूजारीताङ यहूदीओन छ्ये छ्ये मि कैयाफा सिराते गाङे भन्‍दा छ्येते पूजारी खाम्‍बादु जम्‍मा ओङसुङ।

मत्ती 5:22

ङाचेन ख्‍योकोनला च्‍यि सिते सासीन सुइँदा दाक्‍पोन आज्‍यो न्‍वाताङ स्‍येदाङ खासुङ सासीनकामाङ थेलाङ सजाय तेरा फाप्‍क्‍यो। थेमे आज्‍यो न्‍वाला खो ङ्येबे ङ्येस्‍यु सिन सिरकान्‍ते मिला सजाय बिन सिन छ्ये छ्ये मि रूसादु खेरा फाप्‍क्‍यो। थेमे आज्‍यो न्‍वाला खोनी ठुङराङ माठुङसीन ओङच्‍या ओतान सिन सिरकान्‍ते मिनी झन सजाय ङेत्‍ला नरककुण्‍डमा मे नाङराङ स्‍यूइओ।

मर्कूस 14:1

थेमे निस्‍तार चाडताङ सोडा मुलुबा खाला स्‍योबेन स्‍येला साच्‍येते चाड ओङाला ङीमा ङिकामा बाँकी ओतान। थे बेलालाराङ छ्ये छ्ये पूजारीताङ धर्मे गुरूओनचेन चुक खाला मि सुङगीङ थाहा मेङेता खाला येशूला जुम्‍ला सेता थुबोङा सिन मौका तेइन ओतान।

लूका 22:2

थे बेलालाराङ छ्ये छ्ये पूजारीताङ धर्मे गुरूओनचेन चुक खाला मि सुङगीङ थाहा मेङेता खाला येशूला जुम्‍ला सेता थुबोङा सिन मौका तेइन ओतान। मिओन ज्‍यीबेकी थेबेकी थेला थोक खाला खाराक्‍पा सेता छोल्‍गीन ओतान।

यूहन्‍ना 11:57

छ्ये छ्ये पूजारीताङ फरिसी पाटी मिओनगी सुइँदेकी येशूला खइँसाला ओता थोङसीन वाला थेबाला लोबा सिन कोता ओतान। थेबा खोपरोङगी थेला जिन्‍दा थुप्‍स्‍यीत सिन थेबेकी मिओनला थोक साबा ओतान।

यूहन्‍ना 12:19

दोक ओङा थोङनामेई फरिसी पाटी मिओनगी “खोइ ङुरूङगी च्‍यि खिता थुप्‍सुङारो? ओताते मि जति गाङे दि छ्य्‌वापा लै खाईन सिन्‍सुङ,” सिन खोपरोङ नाङ बात खासुङ।

यूहन्‍ना 2:11

येशूकी खाबाते अचम्‍बते कामओन नाङ गाङे भन्‍दा गोमा खाबाते अचम्‍बते दि कामचेन गालील अञ्‍चल काना सारदु खाबा ओतान। थेरू थोक खाईन थेकी थे खोरोङताङ छ्येज्‍यीक शक्ति ओत सिन तेन्‍सुङ। थेमे थे चेलाओनगी थेला परमेश्‍वरगीराङ ताङाते दुका सिन विश्‍वास खिताला स्‍यूसुङ।

यूहन्‍ना 6:2

थे थेपा ड्वा थोङगीन मि काल्‍बेई थे तिङ ङ्याकीन गाल्‍सुङ। च्‍यिला सासीन थेबेकी येशूकी नाबाते मिओनला ठाक्‍पा खाबाते अचम्‍ब अचम्‍बतेन्‍दे काम थोङा ओतान।

यूहन्‍ना 7:32

थोक खाईन मिओनगी स्‍यापस्‍यापताङ स्‍युपस्‍युप खिन होथोक सिन येशू बात खाबाते फरिसी पाटी मिओनगी थोसुङ। थेमे छ्ये छ्ये पूजारीताङ फरिसी पाटी मिओनगी येशूला जुम्‍ला खोरच्‍योक सिन मन्‍दिरदु देत्‍कान्‍ते पुलिसओन ताङसुङ।

यूहन्‍ना 7:45

थोक थोक ओङनामेकी येशूला जिन ताङाते पुलिसओन ग्‍युरगीन छ्ये छ्ये पूजारीताङ फरिसी पाटी मिओन ओत्‍सापा गाल्‍सुङ। थेमे थेबेकी पुलिसओनला “खोइ ख्‍योकोनगी थेला च्‍यिला जुम्‍गीन खुला माबे?” सिन ठिसुङ।

शक्ति काम 5:21

थेमे थेबाङ ङारो च्‍योक्‍ते ङोमुका मन्‍दिरपा गाल्‍गीन थे दूतकी साबा च्‍योकराङ खाईन मिओनला लोपाला स्‍यूसुङ। थेमे गाङे भन्‍दा छ्येते पूजारीताङ थे र्‍वाओनगी छ्ये छ्ये पूजारी, धर्मे गुरूओन थेमे ज्‍येनोङ छ्ये छ्ये मि गाङेला काताङसुङ। दोक खाईन थेबेकी इस्राएलीओन छ्ये छ्ये मि गाङेला जम्‍मा खासुङ। थेमे थेबेकी येशू ख्रीष्‍टकी खटे खाबाते मिओनला खोपरोङ दोन्‍दु खोरच्‍योक सिन पुलिसओनला जेलदु ताङसुङ।

शक्ति काम 5:24

थे बात थोकीन परमेश्‍वर मन्‍दिरदु देत्‍कान्‍ते पुलिसते छ्येते मित्ताङ छ्ये छ्ये पूजारी गाङेराङ च्‍यि ओङा ईन्‍ताका ओना सिन ख्‍यारा खिरा गाल्‍सुङ।