यूहन्‍ना 11:38 - जिरेल

³⁸ येशूला याङराङ खपेराङ खिता मुथुप्‍च्‍या आउदी मेलेबा लासुङ। थेमे थे लाजरस रो ज्‍याक्‍पाते फुकनापा लेप्‍सुङ। थे फुकचेन रो ज्‍य्‌वाबाला ठाःक ठुकीन जोबा ओतान। थेमे थे फुगी गोनापा दोज्‍यीक क्‍योरगीन ज्‍याक्‍पा ओतान।

यूहन्‍ना 11:38 ပူးပေါင်းရင်းမြစ်များ

मत्ती 27:60

फुकदु खेरगीन ज्‍याक्‍सुङ। थे फुकचेन यूसुफ थे खोरोङ स्‍यिनामेई ज्‍य्‌वाबाला सिन ठाःक ठुकीन जोबा ओतान। थे नाङ गोमा सुङगीङ रो ज्‍याक्‍पा मेतान। येशू रो ज्‍याक्‍नामेई थेकी जोदाज्‍यीक दो रिल्‍गीन थे फुगी गो टाले खाईन ज्‍यागीन च्‍याकीन गाल्‍सुङ।

मत्ती 27:66

थोगी थेबेकी मिल्‍टेरीओन खेरगीन फुगी गोनापा ज्‍याक्‍पाते दो सुइँदेकी थेन्‍सीन थाहा छ्येत्‍स्‍यीत सिन थेरू छाप ग्‍याप्‍कीन च्‍याकीन थेबाला स्‍युङ च्‍युत्‍कीन ज्‍याक्‍सुङ।

मर्कूस 15:46

थेमे यूसुफकी गाल्‍गीन कार्मुते खोलाक ङ्योसुङ। थेमे येशू रो स्‍यिङगी थामदुकी थेन्‍गीन थे खोलाककी ठील्‍गीन फुकज्‍यीक्‍तु खेरगीन ज्‍याक्‍सुङ। थे फुक स्‍याप्‍ते मि ज्‍य्‌वाबाला ठाःक ठुकीन जोबा ओतान। येशू रो ज्‍याक्‍नामेई थेकी जोदाज्‍यीक दो रिल्‍गीन थे फुगी गो टाले खाईन ज्‍याक्‍सुङ।

मर्कूस 8:12

थोक सिरजीन येशूला मेलेबा लासुङ। थेमे हुईरा खिन थेकी “ख्‍योकोन था समय मिओन च्‍यिला खालि अचम्‍बते काम खाला तेन खिते? ख्‍योकोनगी साबाच्‍योक ङा खितराङ मिक्‍किओ। ङात्ताङ परमेश्‍वर शक्ति ओत सिराला ङा ख्‍योकोनला कामज्‍यीगोङ खाला मेतेनो,” सिन सिदुक।

लूका 24:2

थेरू लेप्‍नामेकी थेबेकी थे फुगी गोदु ज्‍याक्‍पाते दो थेन्‍दा ओता थोङसुङ।

यूहन्‍ना 11:33

मरियम ङुबाते थेमे थेत्ताङ वाबाते यहूदीओनोङ ङुबा थोङजीन येशूलाङ खपेराङ खिता मुथुप्‍च्‍या आउदी मेलेबा लासुङ।

यूहन्‍ना 20:1

थेमे आदेरी छोमु साला नाम्‍दाक माफोक्‍पालाराङ मरियम मग्‍दलिनी येशू रो ज्‍याक्‍पाते फुकनापा गाल्‍सुङ। थेपा लेप्‍नामेकी थेकी थेरू फुगी गोदु ज्‍याक्‍पाते दो थेरूकी थेन्‍दा ओता थोङसुङ।