यूहन्ना 10:28 - जिरेल28 ङा थेबाला नोमुङ मिसिन्च्येते जुनी तेरग्यो। थोगी थेबा नरककुण्डमा स्यूक्पा माफाबो। थेमे ङे लाःक्तुकी सुङगीङ थेबाला ठ्वाला खेरा मुथुबो। အခန်းကိုကြည့်ပါ။ |
यूहन्ना 10:28
60 ပူးပေါင်းရင်းမြစ်များ
खालि साच्या थुङच्ये विचारकामा माकेत। दिनी दि जुनी लाईदुकामा ईन। बरू ख्योकोनगी चुक खाला नोमुङ मिसिन्च्येते जुनी ङेत्च्येते साप ङेदोङा सिरच्येते विचार खि। ख्योकोनला थे साप तेरकान्तेचेन परमेश्वर ओत्सादुई वाबाते मि ङाराङ ईन। आबा परमेश्वरगीराङ ङाला थोक खित्च्येते अधिकार बिन्दा ओत,” सिन सिदुक।
थेकी खित्सादुराङ परमेश्वरगी थे खोरोङला विश्वास खित्कान ङुरूङला दया खाईन थे खोरोङताङ डिक च्युताते ईन। था थेकी ङुरूङला दया खिता नोमुङ मोतोङो। दोक ईन्देकी थाचेन परमेश्वरगी ङुरूङला मान बिन्ला थे खोरोङगी ज्वा चाला च्योकराङ लेमु जोइओ साबाते बात ङुरूङगी आश खाईन गुकीन देता च्योकराङ खिओ सिन गा खिन देता थुप्क्यो।
दोक ईन्सीनोङ आज्यो न्वावे, ख्योकोनलाचेन प्रभु येशू ख्रीष्टकी आउदी ङिङज्ये खाबा ओत। थेमे ङ्योकोन जहिलेङ ख्योकोन लाईदु परमेश्वरला धन्यवाद सिओ। परमेश्वर आत्मेकी खित्सादु ख्योकोन सेम खुदुक गालाते मि ओङला थेमे सत्यते बात ङेन्ला ख्योकोनगी पापकी सजाय भोगे खिता माफाप्स्यीत सिन परमेश्वरगी ख्योकोनला दि सा नाम ज्वा भन्दा गोमाकाराङ छाने खाबा ओतेकी ङ्योकोनगी थेला धन्यवाद सिरा फाप्च्येतेराङ ईन।
ङा थोक्ते मि ईन्सीनोङ पापीओनला थे खोरोङगी चुक खिते सिरच्येते बात गाङेकी छ्या स्येस्यीत सिन येशू ख्रीष्टकी ङा च्योक्ते मिलाङ स्येदाङ सिराते बान्दा मिक्किता खाईन दया खासुङ। ङे तिरी थे खोरोङला विश्वास खाला नोमुङ मिसिन्च्येते जुनी ङेत्कान्ते मिओनगीङ थेकी थेबा खोपरोङला ङाला खाबा च्योकराङ स्येदाङ खिता साटोला दया खिओ सिन छ्या स्येस्यीत सिन थेकी ङाला थोक खाबा ओतान।
दि काम खाबेकीराङ ङाला जेलदु लुक्पेकी दोक खाला दुक्पा भोगे खिन ओत। ईन्सीनोङ दोक खिता फापाते ङाला छ्याःङ ङोचा मेत। च्यिला सासीन ङे सुला विश्वास खाबा ओते थेमे थे चुक्ते ईन्दे सिन ङाला लेमु खाला छ्या ओत। थेमे ङे थे लाःक्तु जे सोम्पे खाला दुक थे खोरोङ दुरू ग्युरला ओङे छोमुसाकराङ थेकी थे लेमु खाला तेइओ सिरच्येते बातला ङाला छ्याःङ शंका मेत।
ကြော်ငြာတွေ