यूहन्ना 10:27 - जिरेल27 ङा ङाराङ लुकओन लेमु खाला छ्या स्येक्यो। थेमे थेबेकीङ ङे ङोरो थोला ङे तिङ ङ्याला ख्याम्ग्यो। အခန်းကိုကြည့်ပါ။ |
यूहन्ना 10:27
26 ပူးပေါင်းရင်းမြစ်များ
थेकी थोक सिरजीन येशूला ङिङज्ये लासुङ। थेमे थेकी थेला “नोमुङ मिसिन्च्येते जुनी ङेता सेम लासीन थोरूमोङ खुई खिता फाप्च्येते कामज्यीक ओत। था खुई गाल्ला खोरोङते ओताते जति जेसुकै च्वाला पैसाचेन दुक्पा ङेताते मिओनला गोला बिन। थोक खासीन खुई मिनला स्वर्गने नोमुङ सिन्ला तोरला मोन्डोच्येते स्वर्गे सम्पत्ति जम्मा ओङला देत्क्यो। ङे थाल्ला साबाच्योक खाला खोरोङचेन ङात्ताङ ख्योम,” सिन सिदुक।
थेमे येशूकी चेलातेबाताङ थेरू मि गाङेला दोन्दु काताङसुङ। थेमे थेबा गाङेताङ बात खिन “ङात्ताङ ख्याम्बा सेम खित्कान्ते मिकीचेन दाक्पोन खुशीला ख्याम्बा तोङा फाप्क्यो। जस्तो दुक्पा ओङसीनोङ ओङस्यीत सिन थेकी दाक्पोन टाँए खाला स्या फाप्च्येते स्यिङगी थाम खुरला ङे तिरी ख्याम्बा फाप्क्यो।
थाचेन ख्योकोनगी परमेश्वर सु ईन्दे, चुक्ते ईन्दे सिन लेमु खाईन छ्या स्येबा ओत। ख्योकोनगी थेला छ्या स्येबाते ईन सिरा भन्दाङ बरू परमेश्वर थे खोरोङगीराङका ख्योकोनला थे खोरोङ सु ईन्दे, चुक्ते ईन्दे सिन छ्या स्ये च्युत्कीन बिन्दाते ईन सिरा डिगीतासीन। बात दोक ईन्गीन ईन्गीनोङ परमेश्वरला माने खिता ताङगीन ख्योकोनगी चुक खाईन थाङबोमेई चले खिन वाबाते रीतिथिति लोक्ला माने खिताला स्यूबे? थोक खाला छ्याःङ फाइदा मेत्सीनोङ ख्योकोन च्यिला याङराङ स्याप स्याप खाला थे रीतिथिति माने खिता छोल्गीते?
तर परमेश्वर सत्यते बातचेन नोमुङ माराम्च्या खाईन तिङाते खाम्बे जग च्योकराङ ईन। थे बात नोमुङ खुदुक मोन्डोओ। खइँदा खाम्बा च्यि लाईदु जोबाते ईन्दे सिन खाम्बे दोज्यीकला कोरगीन टिबाते बात च्योक खाईन परमेश्वर सत्यते बातला दोक दोक सिन टिबा ओत। चुक सासीन “थे खोरोङ मि सु सु ईन्दे सिन प्रभु परमेश्वरगी लेमु खाला छ्या स्येक्यो,” थेमे “प्रभु परमेश्वर मि ईन सिन सिरकान गाङेकी मेलेबा काम खिता तोङा फाप्क्यो,” सिन टिबा ओत।
थेबेकी नोमुङ थे जन्तु छ्य्वापा लै खित्च्येते थेमे मेलेबा काम खित्च्येते माक्यासुङ। थेबाचेन कर्नेते फेम्मे फिजा च्योकराङ चङगेते ईन। लुई रीउ जता जता डुइदुक थेबा थे तिङ ङ्याला ख्याम्गीन देत्क्यो। मि नाङदुकी पापकी सजायदुकी टालाते होदिबाचेन परमेश्वरताङ लुई रीउला चढे खाबाते साम्बाते बाली च्योक्ते ईन।
ကြော်ငြာတွေ