यूहन्‍ना 1:49 - जिरेल

⁴⁹ थेमे नथानेलगी “गुरू, खोनी परमेश्‍वर फुज्‍युङराङ ईन, खो इस्राएलीओनला राज्‍य खिताला ओङगो साबाते गेल्‍बो ईन,” सिन सिदुक।

यूहन्‍ना 1:49 ပူးပေါင်းရင်းမြစ်များ

मत्ती 14:33

थोक थोक ओङनामेई डुङ्गाला ओताते चेलातेबेकी थेला मान खिन “प्रभु, खो परमेश्‍वर फुज्‍युङराङ दुका,” सिन से खासुङ।

मत्ती 2:2

थेमे थेबेकी थेरू मिओनला “ङ्योकोनचेन ख्‍योकोन यहूदीओन गेल्‍बो ओङाला केबाते फिजाला छोलाला वाबाप। च्‍यिला सासीन थे केसुङ सिन छ्या स्‍ये ज्‍युत्‍च्‍येते कार्मा थेन्‍दाते ङ्योकोनगी ङेराङ लुङबापेकी थोङसुङ। थोगी थेला ठेत्‍ला मान खिताप सिन ङ्योकोन दुरू वाबाते ईन। थे फिजा खापा दुका सिन ङ्योकोनला लाःप्‍ला नाङ,” सिन सासुङ।

मत्ती 21:5

“सियोन सारगी मिओनला दि बात सि। चुक सासीन ख्‍योकोन गेल्‍बोचेन गेल्‍बो च्‍योक छ्ये मिक्‍किता खाला गधे लाक्‍तु जेला थेपा ओङगीन ओत। थे गधे कीउकी लाक्‍तुङ जेला ख्‍याम्‍ग्‍यो,” सिन साबा ओतान।

मत्ती 23:7

थेमे मि छ्वासा रूसाला युक्‍जीन मिओनगी खोपरोङला मान खिन नमस्‍ते सिरजीन थेबा आउदी गा खिदुक। मिओनगी खोपरोङला गुरू सिरजीन थेबा झन गा खिदुक।

मत्ती 23:8

ङा ख्‍योकोनला च्‍यि सिते सासीन थेबेकी च्‍योक खाला ख्‍योकोनगीचेन सुङलाङ खेराङला गुरू साला मान खित माज्‍युत। च्‍यिला सासीन ख्‍योकोन गाङेते गुरू दोक्‍पोईकामा ओत। ख्‍योकोनबरीचेन सुङ छ्ये टेक्‍टे मेन, गाङेराङ आज्‍यो न्‍वा ईन।

मत्ती 27:11

थेमे येशूला थे खोरोङ दोन्‍दु क्‍याल्‍नामेकी रोमी गेल्‍बो हाकिम पिलातसकी थेला “च्‍यि खो यहूदीओन गेल्‍बो ईन?” सिन ठिसुङ। ठिजीन थेकी “ङा यहूदीओन गेल्‍बो ईन सिन खुईराङ सासुङ,” सिन सिदुक।

मत्ती 27:42

“दिला तोना, दिकी ज्‍येन ज्‍येनलानी सोन च्‍युत्‍सुङ। तर थे खोरोङला सोन्‍दा खिता थुपाते खोइ? लो दि पक्‍काराङ इस्राएलीओन गेल्‍बोराङ ईन्‍सीन था दि स्‍यिङगी थामदुकी सानामा फाप्‍ला थे खोरोङला सोन्‍दा खित्‍स्‍यीत। थोक खासीन ङुरूङ दिला थेराङ ईन्‍दा दुका सिन पत्ते खिताप।

मत्ती 4:3

थे थोक खाईन त्‍वाबेकी स्‍याप खाबा ओते बेलालाराङ पाप खित ज्‍युता छोल्‍कान्‍ते शैतानगी वाकीन थेला ल्‍वा छोल्‍गीन “खो परमेश्‍वर फुज्‍युङ ईन, मेन ओना? लो परमेश्‍वर फुज्‍युङ ईन सासीन खो उदि दोओनला साप डोर छ्युत,” सिन सिदुक।

मर्कूस 15:32

दिकी थे खोरोङला परमेश्‍वरगी तोङगो साबाते ख्रीष्‍ट ईनलो। लो दि पक्‍काराङ इस्राएलीओन गेल्‍बोराङ ईन्‍सीन था दि स्‍यिङगी थामदुकी सानामा फाप्‍ला थे खोरोङला सोन्‍दा खित्‍स्‍यीत। थोक खासीन ङुरूङ दिला थेराङ ईन्‍दा दुका सिन पत्ते खिताप,” सिन खिस्‍यी खितासम्‍म खासुङ। थेत्ताङ ङ्योम्‍बुराङ टाँए खाबाते डाँका ङिबोकीङ येशूला खाला थेन्‍दा जति मनपरी सासुङ।

लूका 1:35

थे दूतकी “था खुई परमेश्‍वर आत्‍मा ङेत्‍ला गाङे भन्‍दा छ्येते परमेश्‍वर शक्तिकी खित्‍सादु फुज्‍यीमा खुरग्‍यो। थोगी खुई केबाते थे फिजाला सेमला पाप सिराते छ्याःङ मेताते थेमे परमेश्‍वर फुज्‍युङ ईन सिन सिओ।

लूका 19:38

थेबा गाङेराङ “प्रभु परमेश्‍वरगी देमा ताङाते गेल्‍बो काल्‍बेईसाक सोन्‍स्‍यीत। थेते जय जय ओङस्‍यीत। स्‍वर्गदु देत्‍ला लेमु खित्‍कान्‍ते परमेश्‍वरते जय जय ओङस्‍यीत,” सिन छेरा खिताला स्‍यूसुङ।

यूहन्‍ना 1:18

परमेश्‍वर दोकस्‍यिकराङ दुक सिन सुङगीङ नोमुङ थोङा मेत। आबातेताङ ङ्योम्‍बुराङ देताते दोक्‍पोईकामा ओताते थे खोरोङ फुज्‍युङगीकामा परमेश्‍वर सु ईन्‍दे, चुक्‍ते ईन्‍दे सिन ङुरूङला छ्या स्‍ये च्‍युत्‍कीन बिन्‍दा ओत।

यूहन्‍ना 1:34

थोक खाईन ङाराङला गोमाका साबाच्‍योक ओङा थोङेकी परमेश्‍वर फुज्‍युङचेन दिराङ ईन सिन ङा ख्‍योकोनला ठोके खाला सिओ,” सिन सासुङ।

यूहन्‍ना 1:38

ल्‍हाकनापा ग्‍युरला ताजीन येशूकी थेबा ङिबो तिङ ङ्योगीन वाबा थोङगीन “ख्‍योकोनगी च्‍यि चाले?” सिन ठिसुङ।

यूहन्‍ना 1:50

थेकी थोक सिरजीन येशूकी “खोल्‍ला ङे नेभारे दोङबो चावादु थोङाप सिरजीनराङ खुई ङाला विश्‍वास खासुङ। खुई था झन आउदी अचम्‍बतेन्‍दे काम थोङा ङेत्‍क्‍यो,” सिन सिदुक।

यूहन्‍ना 18:37

थेमे थेकी “थोक ईन्‍सीनका खो गेल्‍बोराङ दुका ओना, मेन?” सिन सिरजीन येशूकी “ङा गेल्‍बो दुका सिन खुई साबाते ठीकराङ ईन। सत्‍यते बात च्‍यि ईन्‍दे सिन लोपालाराङ ङा देमा वाकीन क्‍या फापाते ईन। सत्‍यते बात थोला दि पक्‍काराङ ईन्‍दाते बात ईन सिन पत्ते खित्‍कान्‍ते मिकी ङे बात ङेन्‍ग्‍यो,” सिन सिदुक।

यूहन्‍ना 4:31

थे मिओन येशू ओत्‍सापाला ओङगीनराङ ओतान। थेजीनराङ चेलातेबेकी येशूला “गुरू, टिक्‍पीस्‍यिक खइँदा साप सोना,” सिन सासुङ।