यूहन्ना 1:29 - जिरेल29 ङारो च्योक्ते येशूला थे खोरोङ ओत्सापा ओङगीन ओता थोङगीन यूहन्नेकी मिओनला “लो तो, परमेश्वरगी मि लाईदु बिन्दाते लुई रीउ उथेराङ ईन। सा लुङबा खाङगी मिओनगी खाबाते पापकी सजाय भोगे खाला मिओनला पापदुकी डेल्कान्तेचेन थेराङ ईन। အခန်းကိုကြည့်ပါ။ |
यूहन्ना 1:29
65 ပူးပေါင်းရင်းမြစ်များ
थेकी पढे खिन ओताते परमेश्वर बातलाचेन दोक सिन टिबा ओतान। चुक सासीन “सेताला टीबाते लुक सेत्सापा खेरजीन सरासर गालाच्योक खाईन सेत खेरजीन थेङ खाराक्पाराङ गाल्सुङ। थेमे फाल ठेक्पाला ठाकीन रिलाते लुई रीउकी छ्याःङ खिता मुथुपा च्योकराङ खाईन दुक्पा तेरजीन गाङे दुक्पा भोगे खाईन थेकीङ खानामा ङोरोज्यीगोङ मातेन्सुङ।
तर ख्रीष्टकीचेन परमेश्वर नियमला तोके खाबाते परमेश्वरगी ङुरूङला सराप बिन्ला तेरच्येते सजाय थे खोरोङगीराङ भोगे खाईन स्यिइन ङुरूङला थे सजायदुकी टाल्सुङ। दोक खाईन ङुरूङ साटोला परमेश्वरगी थेला सराप बिन्गीन सजाय बिन्दाते ईन सिन परमेश्वर बातला “स्यिङगी थामला टाँए खाबाते मिचेन परमेश्वर सराप लै खाईन सजाय ङेत्कीन स्याप्ते ईन,” सिन टिबा ओत।
परमेश्वर फुज्युङला ताला परमेश्वरताङ चुक छ्येज्यीक शक्ति ओता ईन्दा सिन छ्या स्येक्यो। परमेश्वरताङ थेला छ्याःङ फरक मेत, परमेश्वर जस्तो दुक थेङ उस्तोराङ ओत। दि सा नाम थेमे सा नाम खाङ ओताते जति गाङेला तेइन दि दोक ओङस्यीत, थे थोक ओङस्यीत साला ओताते जति गाङे चुक चुक ओङा फाप्च्येते ईन्दे थोकराङ ओङ ज्युत्कान्ते थेराङ ईन। मि पापदुकी ठाल्च्येते लाम जोकीन थे स्वर्गने छ्येज्यीक शक्ति ओताते परमेश्वर सामे छ्य्वापा देता ओत।
थोक ईन्देकी मि काल्बेईला थेबेकी खाबाते गाङे पापदुकी डेलाला ख्रीष्टोङ बाजिईकामा थे खोरोङ ज्यान बिन्गीन स्याप्ते ईन। था थे लोक्ला देमा ग्युरला ओङगो। थोक खाला ओङच्येते लोक्ला गोमा च्योकराङ मि पापकी सजाय भोगे खाला स्याप्ला मेन। थानी ङीमाई थे ग्युरला ओङगो सिन गुकीन देताते मिओनला पूरो खाला पापदुकी टाल्ला स्वर्गने देत खेराला लिन्दालाका ओङच्येते ईन।
मिओनला पापदुकी डेलाला ख्रीष्ट पापकी सजाय भोगे खाईन थे खोरोङ ज्यान बिन्गीन स्या ओतान। दोक खाईन छ्याःङ गल्ती मेताते ख्रीष्ट परमेश्वरगी माकेत साबा साबा खित्कान्ते मिओन लाईदु स्या ओतान। थे थोक खाईन बाजिई मि गाङे लाईदु स्यिइन सिन्दा ओतेकी था लोक्ला नोमुङ दोक खिता माफाबो। थे थोक खाईन स्याप्की खित्सादु ख्योकोन परमेश्वर दोन्दु ड्वा थुपा ओत। मिओनगी थेला सेता ओतान। ईन्सीनोङ परमेश्वरगी थेला थे खोरोङ आत्मे छ्य्वापेकी सोम्बो लोक्पा ओत।
थेबेकी नोमुङ थे जन्तु छ्य्वापा लै खित्च्येते थेमे मेलेबा काम खित्च्येते माक्यासुङ। थेबाचेन कर्नेते फेम्मे फिजा च्योकराङ चङगेते ईन। लुई रीउ जता जता डुइदुक थेबा थे तिङ ङ्याला ख्याम्गीन देत्क्यो। मि नाङदुकी पापकी सजायदुकी टालाते होदिबाचेन परमेश्वरताङ लुई रीउला चढे खाबाते साम्बाते बाली च्योक्ते ईन।
थेमे थेबाचेन परमेश्वर काम खित्कान्ते मोशेकी थे खोरोङ पालोला परमेश्वरते जय जय खिन लाबाते लु लिन्गीन ओतान। थेमे दोक सिन लुई रीउला छ्ये जोच्येते लुङ लिन्गीन ओतान। चुक सासीन “गाङे भन्दा छ्येज्यीक शक्ति ओताते प्रभु परमेश्वर, खुई खाबाते कामओन चुक छ्ये छ्येताङ अचम्ब लाङच्या ईन्दाका। खो सधैँभरि सोन्ला राज्य खिन देत्कान्ते गेल्बो ईन। खुई खित्च्येते काम गाङे लेमुतेकामा ईन।
थेबा गाङेराङ ङ्योम्बुराङ डिक्ला लुई रीउताङ लडाइँ खिओ। लडाइँ खित्जीन लुई रीउकी थेबाला ग्याल्ग्यो। च्यिला सासीन लुई रीउचेन गाङे छ्येतेबेतेङ छ्येते थेमे गेल्बोओनतेङ गेल्बो ईन। परमेश्वरगी थे खोरोङ दोन्दु स्योक सिन काताङाते मिओनचेन लुई रीउताङ ङ्योम्बु देत्क्यो। थेबाचेन परमेश्वरगी छाने खाबाते थेमे जस्तो ओङसीनोङ थेला विश्वास खिन देत्कान्ते मिओन ईन,” सिन सिदुक।
परमेश्वरला मन परे मिक्किच्येते सिराते थे सारगी नाङ छ्याःङ मेङगो। खिता मेङच्येते ङोचा लाङच्येते काम खित्कान्ते थेमे ढाँर खित्कान्तेबाचेन बान्दा थे सारगी नाङ स्यूक्पा मेङेदो। खालि नोमुङ मिसिन्च्येते जुनी ङेत्कान्ते मिओन मिन टिबा ओताते किताब नाङ खोपरोङ मिन ओताते मिओनकामा थे सारगी नाङ स्यूक्पा ङेत्क्यो। थे मिन टिबाते किताबचेन लुई रीउते ईन।
थेमे दि तिरी परमेश्वर दूतज्यीगी ङाला “देपा स्योक, खोल्ला ङा थे बेउली तेन्ला तेरग्यो। लुई रीउ फेम्मे थेराङ ईन,” सिन सिदुक। थे दूतचेन आउदी मेलेबा मेलेबा रोगताङ अनिकाल लाङ ज्युत्च्येते थेमे ज्यीबा लाङच्या दुक्पा ओङ ज्युत्च्येते जिम्मा खुराते कचौरा दुईनबो खुरकान्ते परमेश्वर दूत दुईनबो नाङ दोक्पोई ओतान।
थेरूई ङे थे सिंहासन दोन्दु लाकीन देताते लुई रीउज्यीक थोङसुङ। थे सिंहासनताङ थे लुई रीउकी फेरोलाचेन थे ङेपाक ओताते थरी स्यीबो थेमे थे मेरा खालज्यीकताङ स्यीबो छ्ये छ्येतेबा देता ओतान। थेला थोताते मा ताजीन थे लुई रीउ सेताते च्योकराङ थोङगीन ओतान। थेते रोज्यो दुईनताङ मिक दुईन ओतान। थे मिक दुईनचेन दि सा लुङबा खाङ खुदुक खुदुक काम खिताला ताङाते परमेश्वर आत्मा दुईनबो ईन।
ကြော်ငြာတွေ