थेकी चुक चुक खाका सिरच्येते दि बात गाङे थाहा छ्येत्नामेकी धनीतेकी थेला ‘बिई, खुई चुक च्याङबो खाका। ङा ओत्सादुई थेन्नामेई खोल्ला था थे मिओनगीराङ सोइओ,’ सिन सादुक्लो। दि जुनी विचारकामा खित्कान्ते मिओनगी खोपरोङ काम आउदी च्याङबो खाला खिओ। बरू परमेश्वर बात ङेन्कान्ते मिओनगीङ दोक च्याङबो खाला काम खिता मेस्येओ।
याकूब 3:15 - जिरेल15 ख्योकोनगी बात खाबा च्योक्ते बुद्धिनी परमेश्वरगी बिन्दाते ईनराङ मेन। दिनी दि सा लुङबे मिओनगी बात खित्च्येते च्योक्ते बुद्धि बात ईन। दोक्ते बुद्धिनी दाक्पोन खुशी खित्कान्ते मित्ताङ ओङच्येते बुद्धि ईन। थेमे शैतानगी कोता कोता ङेन्कान्ते मिओनताङ ओङच्येते बुद्धि ईन। အခန်းကိုကြည့်ပါ။ |
याकूब 3:15
30 ပူးပေါင်းရင်းမြစ်များ
ख्योकोनचेन खेराङ आबा शैतानताङ डिक्कान्ते मि ईन। थेमे ख्योकोन खेराङ आबेकी खित्च्येते कामकामा खिता सेम खिदुक। थेकीनी च्याक दि जुग शुरू ओङजीनमेईराङ मि सेत्च्येतेकामा खिन ओत। ईन्दाते बातला थेकी बान्दा गा मिक्किओ। साँचोते बात सिरातेचेन थेकी नोमुङ मिक्किओ। ढाँर खित्च्येतेनी थेते बानीराङ ईन्देकी थेचेन ढाँर खित्कान्ते ईन। ढाँर खित्च्येते सिराते गाङे थे छ्य्वापेईराङ ओङच्येते ईन।
परमेश्वर आत्मा ङेता मेताते मिओनगीनी परमेश्वर आत्मेकी लापाते बातओन ङेनराङ मेङेनो। दोक्ते बातनी थेबे लाईदु कामराङ लै मिक्किच्या लेम्बे बात च्योकका ओङगो। परमेश्वर आत्मे छ्य्वापेईकामा थे बात चुक्ते ईन्दे सिन छ्या स्येबा थुप्च्येते ईन्देकी परमेश्वर आत्मा ङेता मेताते मिओनगी दोक्ते बात छ्याःङ खोबाराङ मुथुबो।
थेमे दि बात ङ्योकोन छ्याःङ ज्यीबा मिक्किता खाला सिरा थुप्क्यो। च्यि सासीन ज्येनगी दोन्दु ईन्स्यीत, ख्योकोन दोन्दु ईन्स्यीत जे खासीनोङ जहिलेङ ङ्योकोनगी सेमला पाप सिराते छ्याःङ मोज्योबा खाईन परमेश्वरगी खि साबा च्योकराङ खाईन लेमुते कामताङ साँचोते बातकामा खाबा ओत। ङेराङ स्येतताङ बुद्धिकी खित्सादु ङ्योकोनगी थोक खिता थुपाते मेन। परमेश्वर दयेकी खित्सादुराङ थोक खिता थुपाते ईन।
थोक्ते मिओननी तिरी सजाय ङेत्ला नरककुण्डमा स्यूक्पा फाप्क्यो। थेबेकीचेन खालि साच्या थुङच्ये बातताङ खोपरोङला जे खिता सेम लाङगीदुक थेराङ खिदुक। थोक मेलेबा काम खासीनोङ छ्याःङ ङोचा मिक्किता खाला खोपरोङगी आउदी लेमु काम खाबाप सिरा च्योकका खिदुक। थेबेकी खालि दि जुनीला च्यि च्यि गोच्या दुका थेतेकामा विचार खिदुक।
तर परमेश्वरगी बिन्दाते बुद्धि ङेता ओताते मिओनगीचेन काम बात जे खित्जीनोङ लेमुतेकामा खिओ, थेबा ज्येनताङ डिक्ला थुन्ला देता छोल्ग्यो, गाङेताङ खा छ्येत लेमु खिओ, दाक्पोन भन्दा छ्येकी साबाते ङेन्ग्यो, ज्येनला ङिङज्ये खाला लेमु लेमु काम खिओ, सुङलाङ काका पाका मिक्किओ थेमे सेमला मेलेबा विचार मोज्योओ।
थेमे थिआटीरादु देत्कान्ते ज्येनगी च्योक मिक्किकान ख्योकोनलाचेन ङा खेराङगी खिन ओताते लाक्तु ज्येन ल्हाक्पा दुक्पा मेतेरो। ख्योकोनचेन ज्येन च्योकराङ जिजेबेलगी साबाते बात मेङेन्कान्ते थेमे कोई कोई मिकी साबाच्योक शैतानगी कोई कोई मिलाकामा छ्या स्ये ज्युत्च्येते बात मेङेन्कान्ते मि ईन।
ကြော်ငြာတွေ