याकूब 2:26 - जिरेल

²⁶ बातचेन दिराङ ईन, ङेपाक छ्येताते मिकी छ्याःङ खिता माथुपा च्‍योकराङ सुइँदेकी येशू ख्रीष्‍टकी खि साबाच्‍योक खाला काम मिक्‍किता खाला खेकीकामा थेला विश्‍वास खिओ साला छ्याःङ काम लै मिक्‍किओ।

याकूब 2:26 ပူးပေါင်းရင်းမြစ်များ

लूका 23:46

थेमे येशूकी कस्‍स्‍ये खाईन “आबा, ङा ङे आत्‍मा खुई लाःक्‍तुराङ सोम्‍पे खिओ,” सिन साकीन ग्‍याङ स्‍यिसुङ।

गलाती 5:6

च्‍यिला सासीन येशू ख्रीष्‍टताङ जीउज्‍यीकराङ ओङाते मिओनगी खतकी चिनु जोसीनोङ माजोसीनोङ छ्याःङ फरक परे मिक्‍किओ। छ्येते बातचेन थेबेकी येशू ख्रीष्‍टला विश्‍वास खाला ज्‍येनतेबालाङ ङिङज्‍ये खिकाना मिक्‍किका सिरच्‍येतेकामा ईन।

याकूब 2:14

आज्‍यो न्‍वावे, सुइँदा मिकी ङा येशू ख्रीष्‍टला विश्‍वास खित्‍कान्‍ते मि ईन खिदुक तर थेकी खि साबाते काम मिक्‍किदुक सासीन थे मिला च्‍यि लेमु ओङगीतेरो? च्‍यि थोक्‍ते मि पापकी सजायदुकी थारा थुप्‍क्‍योतरो?

याकूब 2:17

दोक ईन्‍देकी सुइँदेकी ङा येशू ख्रीष्‍टला विश्‍वास खित्‍कान्‍ते मि ईन साला थेकी खि साबाते कामचेन मिक्‍किदुक सासीन थे मिकी थेला विश्‍वास खिओ साबाते छ्याःङ काम लै मिक्‍किओ।

याकूब 2:20

खो चुक लेम्‍बा ईन्‍दाका। येशू ख्रीष्‍टला विश्‍वास खिओ सिन खेकीकामा साला थेकी साबाच्‍योक खाईन काम माक्‍यासीन खुई थेला विश्‍वास खिओ सिन साबातेनी छ्याःङ कामराङ लै मिक्‍किओ।