याकूब 2:20 - जिरेल

²⁰ खो चुक लेम्‍बा ईन्‍दाका। येशू ख्रीष्‍टला विश्‍वास खिओ सिन खेकीकामा साला थेकी साबाच्‍योक खाईन काम माक्‍यासीन खुई थेला विश्‍वास खिओ सिन साबातेनी छ्याःङ कामराङ लै मिक्‍किओ।

याकूब 2:20 ပူးပေါင်းရင်းမြစ်များ

रोमी 1:21

थे सु ईन्‍दे, चुक्‍ते ईन्‍दे सिन छ्या स्‍येकीन स्‍येकीनोङ मिओनगी थेला खोराङ परमेश्‍वर ईन सिन मान माक्‍यासुङ। थेकी चुक लेमु खासुङा सिन धन्‍यवादोङ माबिन्‍सुङ। दोक खाईन थेबेकी थेला छ्याःङ वास्‍ता माक्‍याबेकी थेबा लेम्‍बा गाल्‍गीन थेबे सेमगी नाङ पापताङ लोभकामा ठुङाला स्‍यूसुङ।

रोमी 3:28

परमेश्‍वर नियम ङेन्‍ला मि सुङलाङ परमेश्‍वरगी दोषी मेन मिसिरो। येशू ख्रीष्‍टकी खाबाते कामगी खित्‍सादु खोपरोङला दोषी मेन सिओ सिन थेला विश्‍वास खित्‍कान्‍ते मिओनलाकामा थेकी दोषी मेन सिओ। दि बात ङुरूङगी लेमु खाईन छ्या स्‍येबा ओत।

रोमी 9:20

ख्‍योकोन दोक सिरकान्‍तेबाला ङा च्‍यि सिते सासीन परमेश्‍वरगी ठीक काम माक्‍यासुङ सिन थेला खा खित्‍कान्‍ते खोका सु ईन्‍देरो? च्‍यि सबी स्‍यीकी कुमालेला खुई ङाला च्‍यिला दोकस्‍यिक खाईन जोबे सिन सिओतरो?

गलाती 5:6

च्‍यिला सासीन येशू ख्रीष्‍टताङ जीउज्‍यीकराङ ओङाते मिओनगी खतकी चिनु जोसीनोङ माजोसीनोङ छ्याःङ फरक परे मिक्‍किओ। छ्येते बातचेन थेबेकी येशू ख्रीष्‍टला विश्‍वास खाला ज्‍येनतेबालाङ ङिङज्‍ये खिकाना मिक्‍किका सिरच्‍येतेकामा ईन।

गलाती 6:3

दोक खाला दोक्‍पोईकी ज्‍येनज्‍यीकला मद्धत खिता साटोला सुइँदा मि ङानी ज्‍येन च्‍योक मेन सिराच्‍योक खाला छ्ये खिदुक सासीन थोक्‍ते मि लेम्‍बा ईन। थेचेन थे खोरोङगी विचार खाबा च्‍योक्‍ते मि मेन।

कलस्‍सी 2:8

ख्‍योकोन च्‍याङबो खाला देत। सुइँदेकी दोक दोक खासीन लेमु ओङगो सिरजीन थेबे बात माङेन। थेबेकी लोप्‍च्‍येते बातनी छ्याःङ काम लै मिक्‍किच्‍येते ईनराङ मेन्‍दे बात ईन। थोक्‍ते बातनी दि सा लुङबा खाङ मिओनगी खोपरोङ ज्‍युज्‍यु पुर्खे पालोमेई माने खिन वाबाते रीतिथिति बातकामा ईन। थोक्‍ते बात ख्रीष्‍ट सु ईन्‍दे, चुक्‍ते ईन्‍दे सिरच्‍येते बातताङ बान्‍दा मिडिगो।

१ तिमोथी 1:6

होदोक दोक खिता ताङगीन थेबा खालि छ्याःङ काम लै मिक्‍किच्‍येते बातकामा खाला दिन तोङगीन दुक।

तीतस 1:10

थरिङोला थेपा थोक खाला ङेन्‍दा फाप्‍च्‍येते बातताङ मिडिक्‍च्‍येते बात लोप्‍कान्‍ते मि काल्‍बेई दुक। थेबेकी सुङगीङ बात मेङेन्‍दा खाला खालि छ्याःङ काम लै मिक्‍किच्‍येते बातओन लाप्‍ला येशूला विश्‍वास खित्‍कान्‍ते मिओनला छक्‍के खिओ। दोक खित्‍कान्‍तेबा काल्‍बा च्‍योक्‍ते जीउला खतकी चिनु जोकान्‍ते यहूदीराङ ईन।

याकूब 1:26

सुइँदेकी ङानी परमेश्‍वरगी खि साबाच्‍योक खित्‍कान्‍ते मि ईन खिदुक तर खोपरोङ खाचेन थाताला मोज्‍योदुक सासीन थोक्‍ते मिकीनी दाक्‍पोनगी ठुबाते डालुमला दाक्‍पोनराङ स्‍यूक्‍च्‍येते काम खाबाते ईन। थोक्‍ते मिकी जस्‍तोराङ लेमु काम खासीनोङ थोक खाबेकी थेला छ्याःङ फाइदा मेङगो।

याकूब 2:17

दोक ईन्‍देकी सुइँदेकी ङा येशू ख्रीष्‍टला विश्‍वास खित्‍कान्‍ते मि ईन साला थेकी खि साबाते कामचेन मिक्‍किदुक सासीन थे मिकी थेला विश्‍वास खिओ साबाते छ्याःङ काम लै मिक्‍किओ।

याकूब 2:26

बातचेन दिराङ ईन, ङेपाक छ्येताते मिकी छ्याःङ खिता माथुपा च्‍योकराङ सुइँदेकी येशू ख्रीष्‍टकी खि साबाच्‍योक खाला काम मिक्‍किता खाला खेकीकामा थेला विश्‍वास खिओ साला छ्याःङ काम लै मिक्‍किओ।