हिब्रू 9:26 - जिरेल26 दुरू पूजारीकी खिता च्योकराङ खिता फाप्च्या ईन्दा ईन्सीन दि सा नाम जोबा छुरला बाजि थोई थोई ख्रीष्टकी थे खोरोङ ज्यान तेरा फाप्च्या ओतान। तर मिकी खाबाते गाङे पापदुकी थेबाला डेलाला थे दि जुग सिन्दे खाला दुरू वाकीन बाजिईकामा थे खोरोङ ज्यान बिन्गीन स्याप्ते ईन। အခန်းကိုကြည့်ပါ။ |
हिब्रू 9:26
36 ပူးပေါင်းရင်းမြစ်များ
थे खोरोङगी तोके खाबाते ठीक समय छाङनामेईचेन गोमामेईराङ येशू ख्रीष्ट छ्य्वापेकी खिओ सिन थे खोरोङगी खिता चालाते काम थेकी खासुङ। दि काम च्यि ईन्दे सासीन स्वर्गने ओताते ईन्स्यीत, पृथ्वीदु ओताते ईन्स्यीत, जो ईन्सीनोङ जे ईन्सीनोङ गाङेला येशू ख्रीष्ट छ्य्वापेकी डिक्पा खाला थे अधीनलाराङ ज्य्वाच्येते ईन।
थेमे ख्रीष्टकी ङुरूङला चुक ङिङज्ये खाईन थे खोरोङ ज्यानराङ बिन्गीन स्या ओताने सिन सम्झे खाला काम बात जे खासीनोङ ख्योकोनगीङ ज्येनला ङिङज्ये खाला खि। परमेश्वरला भोग बिन्दाते स्येक्जीन खाच्येते ठीमा थेला मन परे खिन ओतान। ख्रीष्टकी ङुरूङ लाईदु ज्यान बिन्गीन स्याप्तेचेन परमेश्वरला मन परे खित्च्येते होथे ठीमा च्योक्ते ईन।
परमेश्वरगी चुक साला दुका सासीन “ङाला स्येदाङ लाबेकी ङे ‘ङा दिबाला ङाराङगी देत ज्युता चालाच्योक खाला ढुक्क खाला देतराङ मुज्युदो,’ सिन ना क्यालाप,” सिन साला दुक। ईन्सीनोङ थेकी जमान खाबाच्योक पक्काराङ खिओ सिन ङुरूङगी थेला विश्वास खिन देत्सीन थेकी ङुरूङलाचेन थे खोरोङगी साबा च्योकराङ खाला ढुक्क खाला देत ज्युत्क्यो। विचार खित्जीन सा नाम जोला सिन्जीनराङ परमेश्वरगी खिता फाप्च्येते काम जति खाईन सिन्दा ओतान।
गाङे भन्दा छ्येते पूजारीओन ज्येनगी ङीमे ठाङमा गोमा खोपरोङ पाप माफ नाङ सिराला थेमेकामा ज्येन मि पाप माफ नाङ सिराला भोग तेरा फापाच्योक खाला येशूकीचेन दोक खिता माफाबो। मि पाप माफ ओङाला भोग तेराच्योक खाईन थेचेन थे खोरोङ ज्यानराङ बिन्गीन स्यिसुङ। दोक खाईन मि पाप माफ ओङच्येते काम बाजिईला खाईन सिन्देकी था थेकी नोमुङ दोक खिता माफाबो।
थोक खानामेईनी बिटुले खाबाते मि चोके खिओ सासीन ख्रीष्ट स्यिजीन थे जीउदुकी थेन्दाते ठागी खित्सादु था ईन्सीन मेलेबाते कामगी सजाय ङेत्ला ङा नरककुण्डमा स्यूक्पा माफाबो सिन ख्योकोन ढुक्क खाला देता थुप्क्यो। दोक ओङला ख्योकोनगी सोम्बोते परमेश्वरगी खि साबा साबाते खिन थेला माने खिता थुप्क्यो। च्यिला सासीन छ्याःङ गल्ती खाबा मेताते ख्रीष्ट परमेश्वर आत्मे शक्ति ङेत्कीन परमेश्वरला थे खोरोङ ज्यानराङ बिन्गीन स्या ओत।
मिओनला पापदुकी डेलाला ख्रीष्ट पापकी सजाय भोगे खाईन थे खोरोङ ज्यान बिन्गीन स्या ओतान। दोक खाईन छ्याःङ गल्ती मेताते ख्रीष्ट परमेश्वरगी माकेत साबा साबा खित्कान्ते मिओन लाईदु स्या ओतान। थे थोक खाईन बाजिई मि गाङे लाईदु स्यिइन सिन्दा ओतेकी था लोक्ला नोमुङ दोक खिता माफाबो। थे थोक खाईन स्याप्की खित्सादु ख्योकोन परमेश्वर दोन्दु ड्वा थुपा ओत। मिओनगी थेला सेता ओतान। ईन्सीनोङ परमेश्वरगी थेला थे खोरोङ आत्मे छ्य्वापेकी सोम्बो लोक्पा ओत।
खुई थोङाते दि जन्तु गोमा पालोई ओतान, थाल्ला मेत। थे था तिरी खापान खापान तीङ ओताते डालुममेकी थेन्ला ओङगो। तर थेन्गीन वानामेकी थे सजाय ङेत्ला नरककुण्डमा ड्वा फाप्क्यो। दि सा नाम ज्वा भन्दा गोमामेकीराङ नोमुङ मिसिन्च्येते जुनी ङेत्कान्ते मिओन मिन टिबा ओताते किताबला खोपरोङ मिन टिबा मेताते मिबरीचेन थे जन्तुला थोङजीन छक्क परे खिओ। च्यिला सासीन थे जन्तु गोमा ओतान, थाल्ला मेत थेमे था ङीमाई याङराङ थे दुरू ओङगो।
ကြော်ငြာတွေ