हिब्रू 9:23 - जिरेल23 थोगीराङ परमेश्वरला देताला सिन जोबाते पालचेन स्वर्गने ओतातेते नक्कलकामा ईन्देकी होथोक खाला ठाक थोरला चोके खिता फाप्कीन ओतान। तर स्वर्गने बात दोक मेन। दुरू पाल चोके खाबाच्योक मेन्देकी थेने चोके खितालाचेन दुरू जोबाते पालदु तेरच्येते भन्दा खुदुकराङ छ्येज्यीक भोग तेरा फाप्च्या ओतान। အခန်းကိုကြည့်ပါ။ |
हिब्रू 9:23
14 ပူးပေါင်းရင်းမြစ်များ
दोक्ते साच्या थुङच्याताङ चाड माने खित्च्येते बाततेबा गाङे परमेश्वरला माने खिताला ख्रीष्ट मावाथुप ङेन्दा फाप्च्येते बातकामा ओतान। थोगी दि बाततेबा खालि ख्रीष्ट वानामेई चुक चुक खिते सिन थेकी खित्च्येते कामगी नक्कलकामा ओतान। ख्रीष्ट वानामेई परमेश्वरला चुक खाला माने खिता फाप्कीते सिरच्येते गाङे बात पूरो ओङा ओत।
परमेश्वरगी मि नाङ थे खोरोङ नियम छ्य्वापेई खिता चालाते कामताङ तिरी थेबाला लेमु खिओ साबाते काम दोक्पोईराङ मेतान। थे नियमचेन तिरी थेकी लेमु खिओ साबाते कामगी नक्कलकामा ओतान। थोगीराङ थे नियमला साबाच्योक खाईन पूजारीओनगी लोई ठाङमा परमेश्वरला याङ याङ पशुतेबा भोग तेरगीन देत्सीनोङ थेला माने खिताला थे दोन्दु डोकान सुङगीङ नोमुङ था ईन्सीन ङे पाप गाङे माफ ओङसुङ सिन सिरा थुपा मेतान।
थोक खानामेईनी बिटुले खाबाते मि चोके खिओ सासीन ख्रीष्ट स्यिजीन थे जीउदुकी थेन्दाते ठागी खित्सादु था ईन्सीन मेलेबाते कामगी सजाय ङेत्ला ङा नरककुण्डमा स्यूक्पा माफाबो सिन ख्योकोन ढुक्क खाला देता थुप्क्यो। दोक ओङला ख्योकोनगी सोम्बोते परमेश्वरगी खि साबा साबाते खिन थेला माने खिता थुप्क्यो। च्यिला सासीन छ्याःङ गल्ती खाबा मेताते ख्रीष्ट परमेश्वर आत्मे शक्ति ङेत्कीन परमेश्वरला थे खोरोङ ज्यानराङ बिन्गीन स्या ओत।
ကြော်ငြာတွေ