हिब्रू 9:19 - जिरेल

¹⁹ चुक सासीन परमेश्‍वरगी बिन्‍दाते नियमओन मोशेकी मि गाङेकी थोच्‍या खाईन पढे खाबा ओतान। थेमे रोबोताङ फौकी ठाकला छ्यु स्‍येकीन फाल मोर्मुते म्‍वाबा ओतान। थेमे थे फाल हिसप सिराते दोङबो हाँगाला ठील्‍गीन थे ठाकनामा नोगीन परमेश्‍वर नियम टिबाते किताबताङ मिओनला

हिब्रू 9:19 ပူးပေါင်းရင်းမြစ်များ

मत्ती 27:28

थेमे थेबेकी येशूकी खोन्‍दा ओताते खोलाक टोल्‍गीन आउदी मोर्मुते लाक्‍तु खोन्‍च्‍येते खोलाक कोन्‍सुङ।

मर्कूस 15:17

थेमे थेबेकी येशूला लाक्‍तु खोन्‍च्‍येते मोर्मुज्‍यीक खोलाक कोन्‍सुङ। थोकराङ खाईन चाङगी बुटे श्रीपेज जोकीन गोःला कोन्‍गीन बिन्‍सुङ।

मर्कूस 15:20

थोक खाईन खिस्‍यी खाईन सिन्‍नामेकी थेबेकी थेला कोन्‍दाते मोर्मुते खोलाक टोल्‍गीन थे खोरोङ खोलाकराङ कोन्‍गीन बिन्‍सुङ। थेमे थेरूकी थेला स्‍यिङगी थामला टाँए खाला सेताला खेरसुङ।

यूहन्‍ना 19:2

मिल्‍टेरीओनगीचेन चाङगी बुटे श्रीपेज जोकीन येशू गोःला कोन्‍गीन बिन्‍सुङ। थोकराङ खाईन मोर्मुते रंग ग्‍यापाते लाक्‍तु खोन्‍च्‍येते खोलाक कोन्‍सुङ।

यूहन्‍ना 19:5

येशू थे खोरोङला कोन्‍दाते चाङगी श्रीपेजताङ थे खोलाक खोन खोनबाराङ फिनामा वानामेई पिलातसकी “लो तो मि दिराङ ईन,” सिन सिदुक।

हिब्रू 1:1

परमेश्‍वरगी थाङबो थाङबोबा ङुरूङ ज्‍युज्‍यु पुर्खाताङ पालोताङ पालो थरी थरी खाईन परमेश्‍वर बात खित्‍कान्‍तेबे छ्य्‌वापेई बात खाबा ओतान।

हिब्रू 10:22

बात दोक दोक ईन्‍देकी छ्याःङ शंका मिक्‍किता खाला परमेश्‍वरला विश्‍वास खिन सेमदु पाप सिराते छ्याःङ मोज्‍योबा खाला ङुरूङ थे दोन्‍दु ड्वा फाप्‍क्‍यो। च्‍यिला सासीन येशू ख्रीष्‍टकी खाबाते कामगी खित्‍सादु ङुरूङ पाप गाङे माफ ओङेकी था ईन्‍सीन ङे पाप पूरो खाईन माफ ओङसुङ सिन ङुरूङ ढुक्‍क खाला देता थुप्‍च्‍या ओङा ओत। थेमे चङगेते छ्युईकी ठु खाईन चोके खाबाते मि ओङा ओत।

हिब्रू 10:4

च्‍यिला सासीन लाङताङ रोबोतेबे ठाक थोरलानी मि पाप नोमुङ माफ ओङराङ मेङगो।

हिब्रू 12:24

येशू देत्‍सादुराङ ख्‍योकोन ख्‍योलाते ईन। थेकी खित्‍सादुराङ परमेश्‍वरगी मिओनताङ तिरी खिओ साबाते जमान पूरो ओङाते ईन। येशू स्‍यिजीन थे जीउदुकी थेन्‍दाते ठागी खित्‍सादु परमेश्‍वरगी मि पाप माफ तेरच्‍या खाबाते ईन। थोगी येशू स्‍याप्‍तेचेन हाबिल स्‍याप्‍ते च्‍योक मेन, दिनी खापान खापान छ्येते बात ईन।

हिब्रू 9:12

थे ठाउँदु स्‍यूक्‍जीन थेचेन ज्‍येन पूजारी च्‍योक रोबोताङ फौकी ठाक खुरगीन स्‍यूबाते मेन। था नोमुङ थोक खिता माफाप्‍च्‍या खाईन थेनी थे खोरोङ स्‍यिजीन थे खोरोङ जीउदुकी थेन्‍दाते ठागी खित्‍सादु मि पूरो खाला पापदुकी ठाल्‍च्‍येते लाम जोकीन परमेश्‍वर देत्‍सादु स्‍यूबा ओत।

हिब्रू 9:13

रोबोताङ लाङतेबे ठाक थेमे कोरली भोग बिन्‍गीन स्‍येबाते थालाला छ्यु स्‍येकीन थोरनामेई बिटुले खाबाते मि चोके खिओ।

हिब्रू 9:18

बात दोक ईन्‍देकीराङ परमेश्‍वरगी गोमा खाबाते जमान बादोङ ठाक माथोराला पक्‍का ओङा मेतान।

१ पत्रुस 1:2

थे खोरोङगी गोमामेई खिता चाला च्‍योकराङ खाईन आबा परमेश्‍वरगी ख्‍योकोनला थे खोरोङ मि सिन छाने खाबा ओत। ख्‍योकोनगी येशू ख्रीष्‍टकी खि साबा साबा ङेन्‍स्‍यीत सिन परमेश्‍वर आत्‍मेकी ख्‍योकोन सेम खुदुक जोबा ओत। थेमे येशू ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु ख्‍योकोन पाप माफ ओङा ओत। आबा परमेश्‍वरताङ प्रभु येशू ख्रीष्‍टकी ख्‍योकोनला झन झन दया खाला लेमु खिनराङ देत्‍स्‍यीत।