हिब्रू 9:11 - जिरेल11 तर ख्रीष्टचेन मिला पूरो खाला पापदुकी टाल्ला लेमु खिताला वाबा ओतान। दि काम खित्कान्ते थे गाङे भन्दा छ्येते पूजारी ईन्देकी था थे गाल्गीन मि लाईदु पूजारी काम खित्च्येते ठाउँचेन मिकी जोबाते ठाउँ मेन। थोगी थे ठाउँ दि सा लुङबादु मेत। थे ठाउँनी थाङबो मिओनगी जोबाते पाल भन्दा खापान खापान लेमुते ठाउँ ईन। အခန်းကိုကြည့်ပါ။ |
हिब्रू 9:11
30 ပူးပေါင်းရင်းမြစ်များ
थे बात सिरातेचेन मि जुनी लाकीन केकीन ङ्योकोनताङराङ देता ओतान। थोक खाला ङ्योम्बुराङ देत्जीन परमेश्वर आउदी खाला दया खित्कान्ते ईन, थे सत्यते ईन सिन थेकी ङ्योकोनला लेमु खाईन तेन्गीन बिन्दा ओतान। थेला आबातेकी देमा ताङा ओतान। थेते दोक्पोईकामा ओताते फुज्युङ ईन्देकी थेत्ताङ छ्येज्यीक शक्ति ओताते ङ्योकोनगी थोङा ङेत्सुङ।
थोगी ङ्योकोनचेन थरिङोला ओङगीन ओताते होदोक्ते बातला मेन, था तिरी ओङच्येते होथोक्ते लेमुते बातकी विचारकामा खाला देत्क्यो। च्यिला सासीन थरिङोला ओङगीन ओताते मिकी थोङा थुप्च्येते होदोक्ते पीरताङ दुक्पा ङीमाई गाङे सिन्ला तोरला डुइओ। तर थोरूमसाक सुङगीङ थोङा मेताते तिरी परमेश्वरगी तेरच्येतेचेन नोमुङ सिन्ला तोरला मोन्डोओ।
थरिङोले ङुरूङ जीउ ङीमा ङि सुम देताला टाँए खाबाते पाल च्योक्तेकामा ईन। स्यिनामेकी ङुरूङ दाक रूल्ला डुइओ सिन ङुरूङला छ्या ओत। ईन्सीनोङ था तिरी परमेश्वरगी ङुरूङला नोमुङ स्यिला रूल्ला मोन्डोच्येते जीउ तेरग्यो। थे जीउचेन मिकी जोबाते खाम्बा च्योक मेन्देकी नोमुङ माराम्च्येते स्वर्गे खाम्बा च्योक्ते ईन।
परमेश्वरगी मि नाङ थे खोरोङ नियम छ्य्वापेई खिता चालाते कामताङ तिरी थेबाला लेमु खिओ साबाते काम दोक्पोईराङ मेतान। थे नियमचेन तिरी थेकी लेमु खिओ साबाते कामगी नक्कलकामा ओतान। थोगीराङ थे नियमला साबाच्योक खाईन पूजारीओनगी लोई ठाङमा परमेश्वरला याङ याङ पशुतेबा भोग तेरगीन देत्सीनोङ थेला माने खिताला थे दोन्दु डोकान सुङगीङ नोमुङ था ईन्सीन ङे पाप गाङे माफ ओङसुङ सिन सिरा थुपा मेतान।
बात दोक दोक ईन्देकी आज्यो न्वावे, ख्योकोनचेन स्वर्गने देताला परमेश्वरगी थे खोरोङ दोन्दु स्योक सिन काताङाते मि ईन्देकी येशू चुक छ्ये ईन्दे सिरच्येते बातकीतेकामा ध्यान खिन देत। थेचेन परमेश्वरगीराङ खटे खाईन ताङाते थेमे गाङे भन्दा छ्येते पूजारी ईन। थे पक्काराङ होदोक छ्ये ईन सिन ङुरूङ थेला विश्वास खिओ।
ङुरूङगी चुक सजिलो खाला दाक पाप खिता थुप्कीते सिन थेला छ्या मेताते मेन। दि बात थेला लेमु खाला छ्या ओतेकी लो था ईन्सीनचेन ङा ख्योकोनताङ डासुङ सिन नोमुङ मिसिरो। शैतानगी ङुरूङला चुक खाला पाप खित ज्युता छोल्गीते सिनोङ थेला छ्या ओत। च्यिला सासीन थेलाङ शैतानगी परी परी खाईन लुकीन पाप खित ज्युता चाला ओतान। शैतानगी थोक खित्जीनोङ थेकी नोमुङ छ्याःङ पाप खाबा मेतान।
ङुरूङला ज्येनोङ बात च्यि छ्या ओते सासीन परमेश्वर फुज्युङगी दुरू वाकीन परमेश्वर सु ईन्दे, चुक्ते ईन्दे सिन ङुरूङला छ्या स्ये च्युत्सुङ। थेकी दोक खानामेई ङुरूङ सत्यते परमेश्वरताङ डिक्पा थुप्सुङ थेमे परमेश्वर फुज्युङ येशू ख्रीष्टताङ डिक्पा थुप्सुङ। येशू ख्रीष्टचेन सत्यते परमेश्वर ईन, नोमुङ मिसिन्च्येते जुनी तेरकान्तेङ थेराङ ईन।
ကြော်ငြာတွေ