हिब्रू 9:10 - जिरेल10 च्यिला सासीन थे नियमलाचेन खालि दि सो थे मासा, दि थुङ थे माथुङ सिरच्येते बातताङ ठु खाला चोके खित्च्येते बातओनकामा ओतान। थे खोरोङगी खिता चालाच्योक खित्च्येते समय मालेपथुपकामा परमेश्वरगी थे नियम चले खित्च्या खाबा ओतान। အခန်းကိုကြည့်ပါ။ |
हिब्रू 9:10
32 ပူးပေါင်းရင်းမြစ်များ
थाचेन ख्योकोनगी परमेश्वर सु ईन्दे, चुक्ते ईन्दे सिन लेमु खाईन छ्या स्येबा ओत। ख्योकोनगी थेला छ्या स्येबाते ईन सिरा भन्दाङ बरू परमेश्वर थे खोरोङगीराङका ख्योकोनला थे खोरोङ सु ईन्दे, चुक्ते ईन्दे सिन छ्या स्ये च्युत्कीन बिन्दाते ईन सिरा डिगीतासीन। बात दोक ईन्गीन ईन्गीनोङ परमेश्वरला माने खिता ताङगीन ख्योकोनगी चुक खाईन थाङबोमेई चले खिन वाबाते रीतिथिति लोक्ला माने खिताला स्यूबे? थोक खाला छ्याःङ फाइदा मेत्सीनोङ ख्योकोन च्यिला याङराङ स्याप स्याप खाला थे रीतिथिति माने खिता छोल्गीते?
थे खोरोङगी तोके खाबाते ठीक समय छाङनामेईचेन गोमामेईराङ येशू ख्रीष्ट छ्य्वापेकी खिओ सिन थे खोरोङगी खिता चालाते काम थेकी खासुङ। दि काम च्यि ईन्दे सासीन स्वर्गने ओताते ईन्स्यीत, पृथ्वीदु ओताते ईन्स्यीत, जो ईन्सीनोङ जे ईन्सीनोङ गाङेला येशू ख्रीष्ट छ्य्वापेकी डिक्पा खाला थे अधीनलाराङ ज्य्वाच्येते ईन।
चुक खाईन सासीन ख्रीष्टकी थे खोरोङ ज्यान बिन्गीन स्यिइन ङ्योकोन इस्राएलीला दोक खि, थोक माकेत सिन बिन्दाते परमेश्वर नियम काम लै मिक्किच्या जोसुङ। थे नियमचेन ङुरूङ फारदु मिडिक्च्येते बात ओतान। दोक खाईन थेकी गोमा खुदुक खुदुक जात ओताते मि ङुरूङला थे खोरोङताङराङ डिक्पा खाईन जातज्यीगी मिराङ जोसुङ।
बात दोक दोक ईन्देकी छ्याःङ शंका मिक्किता खाला परमेश्वरला विश्वास खिन सेमदु पाप सिराते छ्याःङ मोज्योबा खाला ङुरूङ थे दोन्दु ड्वा फाप्क्यो। च्यिला सासीन येशू ख्रीष्टकी खाबाते कामगी खित्सादु ङुरूङ पाप गाङे माफ ओङेकी था ईन्सीन ङे पाप पूरो खाईन माफ ओङसुङ सिन ङुरूङ ढुक्क खाला देता थुप्च्या ओङा ओत। थेमे चङगेते छ्युईकी ठु खाईन चोके खाबाते मि ओङा ओत।
बात दोक ईन्देकी परमेश्वर बात ईन सिन थे बातताङ डिकराङ मिडिक्च्येते खुदुक खुदुकते बात ङेन्ला छक्के माकेत। परमेश्वरगी दया खाबा ओतेकी खित्सादु होथोक्ते बातला नामज्योक मेसेता खाला छ्याःङ शंका मिक्किता खाला थेला विश्वास खिन देता लेमु ईन। दि सा ओङगो, थे सा मेङगो सिरच्येते नियम ङेन्ला सुङलाङ छ्याःङ फाइदा मेत।
ကြော်ငြာတွေ