हिब्रू 7:27 - जिरेल

²⁷ गाङे भन्‍दा छ्येते पूजारीओन ज्‍येनगी ङीमे ठाङमा गोमा खोपरोङ पाप माफ नाङ सिराला थेमेकामा ज्‍येन मि पाप माफ नाङ सिराला भोग तेरा फापाच्‍योक खाला येशूकीचेन दोक खिता माफाबो। मि पाप माफ ओङाला भोग तेराच्‍योक खाईन थेचेन थे खोरोङ ज्‍यानराङ बिन्‍गीन स्‍यिसुङ। दोक खाईन मि पाप माफ ओङच्‍येते काम बाजिईला खाईन सिन्‍देकी था थेकी नोमुङ दोक खिता माफाबो।

हिब्रू 7:27 ပူးပေါင်းရင်းမြစ်များ

रोमी 6:10

येशू ख्रीष्‍टचेन मिओनगी ङेत्‍च्‍येते पापकी सजाय भोगे खाईन स्‍यिसुङ। पालोई थे थोक खाईन स्‍यिइन सिन्‍दा ओतेकी था थेकी दि काम याङराङ खिता माफाबो। स्‍यिसादुकी सोम्‍बो लोगीन थेनी परमेश्‍वरताङ नोमुङ ठाला माफाप्‍च्‍या खाईन देता ओत।

एफिसी 2:22

ज्‍येनतेबा च्‍योकराङ थेत्ताङ जीउज्‍यीकराङ ओङाते ख्‍योकोनोङ दोक खाला जोइन ओताते मन्‍दिर ईन। थे खोरोङ आत्‍मे छ्य्‌वापेई परमेश्‍वर दि मन्‍दिरदु देत्‍क्‍यो।

एफिसी 5:2

थेमे ख्रीष्‍टकी ङुरूङला चुक ङिङज्‍ये खाईन थे खोरोङ ज्‍यानराङ बिन्‍गीन स्‍या ओताने सिन सम्‍झे खाला काम बात जे खासीनोङ ख्‍योकोनगीङ ज्‍येनला ङिङज्‍ये खाला खि। परमेश्‍वरला भोग बिन्‍दाते स्‍येक्‍जीन खाच्‍येते ठीमा थेला मन परे खिन ओतान। ख्रीष्‍टकी ङुरूङ लाईदु ज्‍यान बिन्‍गीन स्‍याप्‍तेचेन परमेश्‍वरला मन परे खित्‍च्‍येते होथे ठीमा च्‍योक्‍ते ईन।

तीतस 2:14

ङुरूङ पापकी सजाय थे खोरोङगीराङ भोगे खाईन थे ङुरूङ लाईदु ज्‍यान बिन्‍गीन स्‍यिसुङ। ङुरूङला पाप खित्‍च्‍येते बानीदुकी पूरो खाला टाल्‍ला सेम लेमु जोला काम बात लेमुकामा खिता छोल्‍कान्‍ते थे खोरोङ मि सिरा थुप्‍स्‍यीत सिन थे थोक खाईन स्‍या ओतान।

हिब्रू 5:1

जो ईन्‍सीनोङ गाङे भन्‍दा छ्येते पूजारीचेन मि नाङदुईराङ छाने खिओ। थेमे थेकीचेन मिओनगी खाबाते पाप माफ नाङ सिन भोग तेरच्‍येतेताङ मिओनगी परमेश्‍वरला चढे खिताला खुलाबातेबा चढे खिता फाप्‍क्‍यो।

हिब्रू 5:3

थोगीराङ ज्‍येनगी लाईदुकामा मेन्‍देकी थे खोरोङगी खाबाते पाप माफ नाङ सिराला थेकीङ परमेश्‍वरला भोग तेरा फाप्‍क्‍यो।

हिब्रू 8:4

स्‍वर्गने मेन्‍गीन थेङ दुरू ओता ईन्‍सीन थेकी पूजारी काम खिता ङेत्‍च्‍या मेतान। मोशेकी टिबाते परमेश्‍वर नियमला साबा ओताच्‍योक खाला दुरू काम खित्‍कान्‍ते पूजारीओननी ओत्‍कीन ओत।

हिब्रू 9:12

थे ठाउँदु स्‍यूक्‍जीन थेचेन ज्‍येन पूजारी च्‍योक रोबोताङ फौकी ठाक खुरगीन स्‍यूबाते मेन। था नोमुङ थोक खिता माफाप्‍च्‍या खाईन थेनी थे खोरोङ स्‍यिजीन थे खोरोङ जीउदुकी थेन्‍दाते ठागी खित्‍सादु मि पूरो खाला पापदुकी ठाल्‍च्‍येते लाम जोकीन परमेश्‍वर देत्‍सादु स्‍यूबा ओत।

हिब्रू 9:14

थोक खानामेईनी बिटुले खाबाते मि चोके खिओ सासीन ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु था ईन्‍सीन मेलेबाते कामगी सजाय ङेत्‍ला ङा नरककुण्‍डमा स्‍यूक्‍पा माफाबो सिन ख्‍योकोन ढुक्‍क खाला देता थुप्‍क्‍यो। दोक ओङला ख्‍योकोनगी सोम्‍बोते परमेश्‍वरगी खि साबा साबाते खिन थेला माने खिता थुप्‍क्‍यो। च्‍यिला सासीन छ्याःङ गल्‍ती खाबा मेताते ख्रीष्‍ट परमेश्‍वर आत्‍मे शक्ति ङेत्‍कीन परमेश्‍वरला थे खोरोङ ज्‍यानराङ बिन्‍गीन स्‍या ओत।

हिब्रू 9:25

मिओनगी पालगी नाङ जोबाते गाङे भन्‍दा चङगेते परमेश्‍वरराङ देत्‍च्‍येते कोठादु लोई ठाङमा स्‍यूक्‍जीन गाङे भन्‍दा छ्येते पूजारीचेन भोग बिन्‍दाते ठाक खुरला स्‍यूइओ। दुरू गाङे भन्‍दा छ्येते पूजारी लोई ठाङमा भोग बिन्‍दाते ठाक खुरगीन थे कोठे नाङ स्‍यूबाच्‍योक मेन्‍देकी ख्रीष्‍टचेन बाजिईकामा थे खोरोङ ज्‍यान बिन्‍गीन स्‍यिइन स्‍वर्गने परमेश्‍वर दोन्‍दुराङ गाला ओत।

हिब्रू 9:26

दुरू पूजारीकी खिता च्‍योकराङ खिता फाप्‍च्‍या ईन्‍दा ईन्‍सीन दि सा नाम जोबा छुरला बाजि थोई थोई ख्रीष्‍टकी थे खोरोङ ज्‍यान तेरा फाप्‍च्‍या ओतान। तर मिकी खाबाते गाङे पापदुकी थेबाला डेलाला थे दि जुग सिन्‍दे खाला दुरू वाकीन बाजिईकामा थे खोरोङ ज्‍यान बिन्‍गीन स्‍याप्‍ते ईन।

हिब्रू 9:28

थोक ईन्‍देकी मि काल्‍बेईला थेबेकी खाबाते गाङे पापदुकी डेलाला ख्रीष्‍टोङ बाजिईकामा थे खोरोङ ज्‍यान बिन्‍गीन स्‍याप्‍ते ईन। था थे लोक्‍ला देमा ग्‍युरला ओङगो। थोक खाला ओङच्‍येते लोक्‍ला गोमा च्‍योकराङ मि पापकी सजाय भोगे खाला स्‍याप्‍ला मेन। थानी ङीमाई थे ग्‍युरला ओङगो सिन गुकीन देताते मिओनला पूरो खाला पापदुकी टाल्‍ला स्‍वर्गने देत खेराला लिन्‍दालाका ओङच्‍येते ईन।

हिब्रू 9:7

ईन्‍सीनोङ थे फारनापे कोठे नाङचेन गाङे भन्‍दा छ्येते पूजारीकामा लोईते बाजिई स्‍यूक्‍पा ङेत्‍कीन ओतान। थे लाक्‍तुङ भोग बिन्‍दाते ठाक माखुराला थेङ थे कोठे नाङ स्‍यूगीन मेतान। थे कोठे नाङ स्‍यूला थेकी थे खोरोङ पाप थेमे ज्‍येनगी दोक खाबातेनी पाप खाबातेका ईन सिन छ्या मेस्‍येबा खाईन खाबाते पाप माफ नाङ सिराला थे ठाक परमेश्‍वरला चढे खिन ओतान।