हिब्रू 7:24 - जिरेल

²⁴ तर येशूचेन सधैँ देत्‍कान्‍ते ईन्‍देकी थे ठाउँदु ज्‍येन पूजारी ओङा माफाबो। थेकी थे खोरोङ काम सधैँ खिनराङ देत्‍क्‍यो।

हिब्रू 7:24 ပူးပေါင်းရင်းမြစ်များ

यूहन्‍ना 12:34

दि बात थोकीन थेरू ओताते मिओनगी “परमेश्‍वरगी तोङगो साबाते ख्रीष्‍ट नोमुङ मिस्‍यिओ सिन परमेश्‍वर नियमला साबा ओताते बात ङ्योकोनगी थोबा ओत। परमेश्‍वर ओत्‍सादुई वाबाते मिला स्‍यिङगी थामला टाँए खिओ सिन खो चुक खाला सिते? थोक ईन्‍सीन परमेश्‍वर ओत्‍सादुई वाबाते मि सु ईन्‍दे ओना?” सिन सासुङ।

रोमी 6:9

चुक खाला सासीन परमेश्‍वरगी ख्रीष्‍टला स्‍यिसादुकी सोम्‍बो लोक्‍पा ओत। थे याङराङ नोमुङ मिस्‍यिओ। था थेला कालगी छ्याःङ खिता मुथुबो।

रोमी 9:5

दोस्‍यिककामा मेन, थेबाचेन अब्राहाम, इसहाक थेमे याकूब सन्‍तानराङ ईन। थेमे परमेश्‍वरगी तोङगो साबाते ख्रीष्‍टोङ मि जुनी लाला दुरू ओङजीन थेबे जातकी नाङराङ केबा ओतान। थेचेन सा नाम खाङ गाङेपा गाङेला राज्‍य खित्‍कान्‍ते परमेश्‍वर ईन। थेते सधैँभरि जय जय ओङस्‍यीत। आमेन।

हिब्रू 13:8

येशू ख्रीष्‍टचेन थोङला जस्‍तो ओतान थरिङोलाङ थोकराङ ओत। थेमे सधैँभरि थोकराङ देत्‍क्‍यो, थे नोमुङ खुदुक मोन्‍डोओ।

हिब्रू 7:28

परमेश्‍वरगी बिन्‍दाते नियम अनुसार छाने खित्‍च्‍येते गाङे भन्‍दा छ्येते पूजारीचेन परमेश्‍वरगी खि साबा च्‍योकराङ खिता मुथुप्‍कान दाक पाप खिता थुप्‍कान्‍ते मि ओङगो। तर थे नियम बिन्‍नामेई तिरीचेन परमेश्‍वरगी ना क्‍याल्‍गीन थे खोरोङ फुज्‍युङला गाङे भन्‍दा छ्येते पूजारी छाने खाबा ओत। थेकीचेन परमेश्‍वरगी खि साबाते जति गाङे सधैँभरि लाईदु पूरो खाबा ओत।

छ्या स्‍ये च्‍युताते बात 1:18

ङा सोन्‍लाराङ देत्‍क्‍यो। ङा पालोई स्‍यापनी ओतान, थाचेन ङा याङराङ नोमुङ मिस्‍यिओ। स्‍यिच्‍येते कालला ङे ग्‍याला ओत। थेमे सुइँदाला सजाय बिन्‍ला नरककुण्‍डमा लुबा फाप्‍सीन थोक खित्‍च्‍येते अधिकारोङ ङात्ताङ ओत।