हिब्रू 7:19 - जिरेल19 च्यिला सासीन थे नियमला खि साबाच्योक खासीनोङ मि सुङ पूरो खाईन पापकी छ्य्वापेई ठाला माथुप्सुङ। तर नियम साटोला थानी परमेश्वरगी पूरो खाला पापदुकी ठाल्च्येते ज्येन लाम जोबा ओतेकी ङुरूङते आश ओत। थेकी दोक खाबा ओतेकी थाचेन ङुरूङ थे दोन्दु ड्वा थुप्क्यो। အခန်းကိုကြည့်ပါ။ |
हिब्रू 7:19
29 ပူးပေါင်းရင်းမြစ်များ
थेकी खित्सादुराङ परमेश्वरगी थे खोरोङला विश्वास खित्कान ङुरूङला दया खाईन थे खोरोङताङ डिक च्युताते ईन। था थेकी ङुरूङला दया खिता नोमुङ मोतोङो। दोक ईन्देकी थाचेन परमेश्वरगी ङुरूङला मान बिन्ला थे खोरोङगी ज्वा चाला च्योकराङ लेमु जोइओ साबाते बात ङुरूङगी आश खाईन गुकीन देता च्योकराङ खिओ सिन गा खिन देता थुप्क्यो।
ङे दि बात सिरजीन थोक ईन्सीनका परमेश्वर नियमराङ मेलेबा दुका ओना सिरच्येते बात थेन्ग्यो। तर थे नियमनी मेलेबा ईनराङ मेन। परमेश्वरगी थे खोरोङ नियम माबिन्दा ईन्सीन पाप सिराते च्यि ईन्दे सिन ङे छ्याःङ छ्या स्येच्या मेतान। चुक खाला सासीन परमेश्वर नियमला “ज्येनगीते सिराते छ्याःङगीतेङ लोभ माकेत,” साबा मेता ईन्सीन ङाराङगी लोभ खिन ओत सिन ङे छ्याराङ स्येच्या मेतान।
ङुरूङ परमेश्वरगी खि साबाच्योक खिता मुथुप्कान्ते मि ईन्देकी ङुरूङला पापदुकी डेल्च्येते थेमे स्यिसादुकी जोए खित्च्येते काम परमेश्वर नियम छ्य्वापेकी ओङा थुपा मेतान। थोगी दि काम खिताला मि जुनीराङ लाला केला च्याला स्याप्ला परमेश्वरगी थे खोरोङ फुज्युङराङ देमा ताङसुङ। मि जुनी लासीनोङ थेकी नोमुङ छ्याङ पाप खाबा मेतान। थेमे पापकी सजाय जति परमेश्वरगी थेलाराङ भोगे खित च्युत्सुङ। थे थोक खाईन स्याप्की खित्सादु परमेश्वरगी मिओनला पाप खित्च्येते बानीदुकी टाल्गीन बिन्सुङ।
यहूदी ईन्सीनोङ परमेश्वर नियमला खि साबाते ङेन्ला सुङलाङ परमेश्वरगी दोषी मेन सिरच्येते मेन, खालि येशू ख्रीष्टला विश्वास खित्कान्ते मिओनलाकामा थेकी दोषी मेन सिओ सिन ङुरूङगी लेमु खाईन छ्या स्येबा ओत। थोगी ङुरूङोङ परमेश्वर नियम ङेन्नामेई थेकी दाक्पोनला दोषी मेन सिओ सिन मिसिरो। बरू येशू ख्रीष्टकी खाबाते कामगी खित्सादुका थेकी ङुरूङला दोषी मेन सिओ सिन ङुरूङगी येशू ख्रीष्टला विश्वास खाबाते ईन। च्यिला सासीन परमेश्वर नियमला खि साबाते ङेन्लानी सुङ परमेश्वर दोन्दु गल्ती मिक्किकान्ते मि ओङाराङ मुथुबो।
दोक ईन्सीन च्यि थे नियमचेन परमेश्वरगी आशी तेरग्यो सिन खाबाते जमान बातताङ बान्दा मिडिक्च्येते ईन ओना? मेन मेन, दोक पक्काराङ मेन। मिओनगी नोमुङ मिसिन्च्येते जुनी ङेत्स्यीत सिन परमेश्वरगी थे नियम बिन्दा मेतान। थोक ईन्दा ईन्सीन थे नियमला खि साबाते ङेन्कान्तेबाला थेकी दोषी मेन सिरच्या ओतान।
ज्येन ज्येन जातकी मिला चुक अचम्ब खाला आशी बिन्ला लेमु खिते सिरच्येते बात थे खोरोङ सन्तानओनगी छ्या स्येबा फाप्क्यो सिन परमेश्वरगी थेबाला छ्या स्ये च्युत्कीन बिन्सुङ। परमेश्वरगी गोमा छ्या स्ये च्युता मेताते होथे बात च्यि ईन्दे सासीन ख्रीष्टचेन ख्योकोन ज्येन ज्येन जातकी मि सेमगी नाङ देत्क्यो। थे थोक खाईन ख्योकोन सेमगी नाङ देत्नामेई परमेश्वरगी तिरी ख्योकोनला मान बिन्ला थे खोरोङगी ज्वा चाला च्योकराङ लेमु जोइओ सिरच्येते बात पक्काराङ दुका सिन आश खाला गुला देता थुप्क्यो।
परमेश्वरगी मि नाङ थे खोरोङ नियम छ्य्वापेई खिता चालाते कामताङ तिरी थेबाला लेमु खिओ साबाते काम दोक्पोईराङ मेतान। थे नियमचेन तिरी थेकी लेमु खिओ साबाते कामगी नक्कलकामा ओतान। थोगीराङ थे नियमला साबाच्योक खाईन पूजारीओनगी लोई ठाङमा परमेश्वरला याङ याङ पशुतेबा भोग तेरगीन देत्सीनोङ थेला माने खिताला थे दोन्दु डोकान सुङगीङ नोमुङ था ईन्सीन ङे पाप गाङे माफ ओङसुङ सिन सिरा थुपा मेतान।
परमेश्वरला छ्या स्येबा छोल्कान्ते मिकी परमेश्वर पक्काराङ ओत थेमे थे सु ईन्दे, चुक खिते सिन पक्काराङ खाला छ्या स्येबा छोल्कानला थेकी लेमु खिओ सिन थेला विश्वास खिताराङ फाप्क्यो। होदोकराङ खाला थेला विश्वास खित्कान्ते मि थेला मन परे खिओ। होदोक खाला थेला विश्वास मिक्किकान्ते मिचेन थेला मन परे मिक्किओ।
ख्रीष्टकीङ थे खोरोङ काम लेमु खाईन खाबा ओतान। तर थेचेन मोशा च्योक्ते मेन। मोशा सुइँदे खाम्बादु काम खित्कान्ते मि च्योक ओतान सासीन ख्रीष्टचेन होथे खाम्बे धनी फुज्युङ च्योकराङ ईन। थेमे ङुरूङचेन थे खाम्बे मि ईन। थोक ईन्सीनोङ जस्तो ओङजीनोङ ज्यीबा मिक्किता खाईन थेमे सेम मेसेता खाईन परमेश्वरगी था तिरी दाक्पोनला तेरग्यो साबाते गाङे ङेत्क्यो सिन थेला विश्वास खिन देत्सीनकामा ङुरूङ थे खाम्बे मि ईन।
परमेश्वरगी पालोई खाबाते बात बान्दा फरक परे मिक्किओ सिन छ्या स्येबाला बात ङि ओत। बातज्यीकचेन परमेश्वरगी मिओनला ङा दोक दोक खिओ सिन जमान खाबा ओतान। थेमे ज्येनतेचेन खाबाते जमान पक्काराङ पूरो खिओ सिन ना क्याला ओतान। दि बात ङि नोमुङ खुदुक ड्वा मुथुबो। परमेश्वरगी नोमुङ ढाँर मिक्किओ। दोक ईन्देकी थेकी खिओ साबाच्योक पक्काराङ खिओ सिन दाक्पोनगी आश खाईन देताते बातला ङुरूङ छ्याःङ शंका मिक्किता खाला देता थुप्क्यो।
लेवी थरगी पूजारीओनगी ङेन्ला काम खिता फाप्च्येते नियम विचार खाईन परमेश्वरगी इस्राएलीओनला थे खोरोङ नियम बिन्दा ओतान। पूजारीओनगी थे नियमला साबाच्योक खाईन काम खासीनोङ थेबेकी थोक खाबेकी मिओन पूरो खाला पापदुकी ठाला थुप्च्या ईन्सीन पूजारी हारून च्योकराङ मेन्देकी मल्कीसेदेक च्योकराङ ओङला लोक्ला ज्येनज्यीक पूजारी ओङा फाप्च्येते छ्याःङ खाँचो मेतान।
ကြော်ငြာတွေ