हिब्रू 6:8 - जिरेल

⁸ लै खाबाते बाली तोरगीन थेरू खालि जेकताङ सादुम चाङकामा केसुङ सासीन थे स्‍यीङ छ्याःङ काम लै मिक्‍किओ। थोक्‍ते स्‍यीङला परमेश्‍वरगी सराप तेरग्‍यो। थेमे थोक्‍ते स्‍यीङलाचेन मे कुरग्‍यो।

हिब्रू 6:8 ပူးပေါင်းရင်းမြစ်များ

मत्ती 25:41

थोकराङ खाला थे खोरोङ देब्रे छ्य्‌वापा ज्‍याक्‍पा ओताते मिओनलाचेन थेकी ‘ख्‍योकोनचेन सराप लै खाबाते मि ईन। ख्‍योकोन ङे मिगी दोन्‍दु मादेत। ख्‍योकोनगीचेन था शैतानताङ थे दूतओनला सिन ठीक खाबा ओताते सधैँ बारगीन देत्‍च्‍येते मे नाङमा स्‍यूक्‍पा फाप्‍क्‍यो।

मत्ती 3:10

बरू च्‍याङबो खि, फलफूल मोगोन्‍च्‍येते दोङबो चाप्रेनपाराङ टिलाला था परमेश्‍वरगी तरी मच्‍चे खाईन सिन्‍दा ओत। होथोक्‍ते दोङबो था गाङे टिल्‍ला स्‍येइओ।

मत्ती 7:19

लेमु खाला फलफूल मोगोन्‍च्‍येते दोङबो टिल्‍ला स्‍येइओ।

मर्कूस 11:14

दाम्‍माकामा ओता थोङनामेई थेकी थे दोङबोला “थानामेई खुईते सुङगीङ फलफूल गेडाईओङ सा माफाप्‍स्‍यीत। था खोल्‍ला फलफूल गेडाईओङ मोगोन्‍स्‍यीत,” सिन सिदुक। थेकी थे दोङबोला सराप बिन्‍दाते चेलातेबेकीङ थोसुङ।

मर्कूस 11:21

थे दोङबो स्‍या थोङजीन येशूकी थोङगी छोमु सराप बिन्‍दाते ठेम्‍बा लाकीन पत्रुसकी “लो तो गुरू, खुई सराप बिन्‍दाते दोङबोनी स्‍यिदुक,” सिन सिदुक।

यूहन्‍ना 15:6

ङात्ताङ डिक्‍लाराङ मेदेत्‍कान्‍ते मिचेन दोङबोदुकी लाछे खाईन क्‍युराते हाँगा च्‍योक्‍ते ईन। लाछे खाईन क्‍युराते थोक्‍ते हाँगा काम्‍ग्‍यो। थेमे रूला मे नाङमा क्‍युरग्‍यो। थेमे थे थेरूराङ छिइओ।

हिब्रू 10:27

दोक खाला पाप खित्‍कान्‍ते मिकीनी परमेश्‍वरगी मि गाङे न्‍याय खिते छोमु थे खोरोङ शत्रुओनला सजाय तेराला ठीक खाबाते आउदी ज्‍यीबा लाङच्‍येते मे नाङमा स्‍यूक्‍पा फाप्‍क्‍यो सिरच्‍येते बातकामा ठेम्‍बा खासीन ओङगो।

हिब्रू 12:17

थोक खाबेकी खित्‍सादु तिरी आबातेकी छ्येते फुज्‍युङतेला तेरच्‍येते आशी थेकी माङेत्‍सुङ। आबातेला आशी नाङ सिन ङुला फिरला खित्‍जीनोङ थेकी गोमा थे खोरोङगी थोक मेलेबा खाबाते बात खुदुक ज्‍वापराङ माथुप्‍सुङ। दि बात ख्‍योकोनला छ्याराङ ओत।

छ्या स्‍ये च्‍युताते बात 20:15

नोमुङ मिसिन्‍च्‍येते जुनी ङेत्‍कान्‍ते मिओन मिन टिबा ओताते किताब नाङ मिन मेताते मिलाचेन गाङेला थे मे धुनीमा क्‍युरसुङ।