हिब्रू 6:5 - जिरेल5 परमेश्वर बात सत्यते ईन सिन खोबा ओताते थेमे था ओङच्येते सत्य जुग चुक लेमु ओङगीते सिन छ्या ओताते मिओन အခန်းကိုကြည့်ပါ။ |
हिब्रू 6:5
13 ပူးပေါင်းရင်းမြစ်များ
च्यिला सासीन यूहन्ना परमेश्वरगी खि साबा साबा च्योकराङ खित्कान्ते लेमु मि ईन सिन हेरोदला छ्या ओतान। थोगी थेला मेलेबा खिता मेङगो सिन ज्यीबेकी यूहन्नाला सुङगीङ छ्याःङ मेलेबा खिता मुथुप्स्यीत सिन लेमु खाईन ज्याक्पा ओतान। बेला बेलाला यूहन्ने बात ङेन्जीन हेरोदला लेमु लाबा ओतान। थे खोरोङगी खाबाते मेलेबाते काम सम्झे खित्जीन यूहन्ने बात ङेन्नामेकी जहिलेङ थेला सेमला चुक ईन चुक ईन लाङगीन ओतान।
थेमे कोई कोईकी परमेश्वर बात थोबासात्तु आउदी गा खिन ङेन्ग्यो। ईन्सीनोङ थे बात लेमु खाला सेमगी नाङ मोज्योओ। थोगी परमेश्वर बात ङेन्देकी खित्सादु तिरी खइँदा दुक्पा ङेत्जीन थेबेकी थे बात ङेन्दा दाक तोङगो। टिक्पी टिक्पीकामा सबी थेमे दो काल्बेई ओत्साला फापाते सोन साबातेचेन होथोक्ते मिओनला साबाते ईन।
परमेश्वरला विश्वास खितेकी खित्सादु थेकी दुरू दोक ओङस्यीत, थेरू थोक ओङस्यीत सिन सानामेई साबा च्योकराङ खाईन दि सा नाम थेमे सा नाम खाङ ओताते जति गाङे उत्पन्न ओङा ओतान सिन ङुरूङ पत्ते खिओ। दोक खाईन जोबाते थरिङोला मि मिगी थोङच्येते जति गोमा ओतराङ मेत्सीनोङ परमेश्वरगी दुरू दोक ओङस्यीत, थेरू थोक ओङस्यीत साकीन जोबा ओतान।
च्यिला सासीन परमेश्वर बातकी छ्य्वापेई मिओनगी जुनी ङेत्क्यो। दि बातकी छ्य्वापेकी परमेश्वरगी मि नाङ काम खिओ। ठाउँ ङिकारपा धार खाबाते आउदी नोम्बोते तरवारगी मिला रोपे खासीन दोन्नापेई ल्हाकनापासाकराङ फोत तोला थुप्क्यो थेमे रूबाताङ जोर्नीतेबा टाल्ला नाङदु ओताते काङ समेत देन्दा थुप्क्यो। होदोक्ते तरवार भन्दाङ परमेश्वर बातकी छ्य्वापेई परमेश्वरगी खित्च्येते काम खापान खापान छ्ये ईन। दि बातकी छ्य्वापेईराङ सुइँदेकी खाबाते कामताङ बात मिकी दाक्पोनगी खाबाते ईन्दाना परमेश्वर आत्मेकी खित च्युताते ईन्दे सिन डेला थुप्क्यो थेमे सुई च्यि विचार खिन दुका, मि सेमगी नाङ लेमु मेलेबा चुक दुका सिनोङ गाङे लेमु खाला डेला थुप्क्यो।
ङुरूङला पापदुकी डेल्कान्ते प्रभु येशू ख्रीष्ट सु ईन्दे, चुक्ते ईन्दे सिन छ्या स्येकीन दि सा लुङबे मिओनगी खित्च्येते जेसुकै मेलेबाते काम खिता ताङगीन सिन्दाते मिओनगी लोक्ला गोमा खाबा च्योक्ते कामराङ खिताला स्यूला थोक खित्च्ये छ्य्वापेई ठालाराङ मुथुप्तुक सासीन थेबा गोमा भन्दाङ झन ज्यीबा लाङच्या मेलेबा डुइओ।
ကြော်ငြာတွေ