हिब्रू 6:19 - जिरेल19-20 दाक्पोनगी आश खाईन देताच्योक पक्काराङ ओङगो सिन छ्या ओतेकी दोक ओङगीता मेङता सिन ङुरूङ नोमुङ छ्याःङ ज्यीबा मिक्किता खाला देता थुप्क्यो। ङुरूङगी आश खाईन देता च्योकराङ खाला ङुरूङला परमेश्वर दोन्दु खेराला येशू गाङे भन्दा छ्येते पूजारी ओङगीन ङुरूङ भन्दा गोमाका पर्दे ल्हाकनापा परमेश्वर दोन्दु गाङे भन्दा छ्येते पूजारीकामा ड्वा ङेत्च्येते ठाउँदु गाल्गीन देता ओत। येशू मल्कीसेदेक च्योकराङ गाङे भन्दा छ्येते पूजारी ओङा ओत। थे सधैँभरि गाङे भन्दा छ्येते पूजारी ओङला देत्क्यो। အခန်းကိုကြည့်ပါ။ |
हिब्रू 6:19
33 ပူးပေါင်းရင်းမြစ်များ
थेरू जम्मा ओङाते यहूदीओन छ्ये छ्ये मि नाङ कोई सदुकी पाटी मि, कोईचेन फरिसी पाटी मि ओतान। थेरू पाटी ङि मि ओताते बात छ्या स्येकीन पावलगी गाङेकी थोच्या खाईन “आज्यो न्वावे, ङाङ फरिसी पाटी मि ईन। ङे आबाबा गोप्पोबाङ फरिसी पाटी मिराङ ओतान। ङा परमेश्वरगी स्याप्ते मिला तिरी सोम्बो लोइओ सिन पत्ते खित्कान्ते मि ईन्देकीराङ ङाला मुद्धा चले खाईन दोक खाईन थरिङ ख्योकोन गाङे दोन्दु खुलाबाते ईन,” सिन सिदुक।
थेबेकी थे जहाज आरे खाईन ज्याक्पाते थे अङ्कुसे च्योक्ते ताबाते थाक्पातेबा तुप्कीन समुन्द्रमाराङ क्युरसुङ। पानीजहाज क्योक्च्येते दबी ठाबाते थाक्पाङ टोल्सुङ। थेमे पानीजहाजला ल्हाबेकी समुन्द्रे छेउनापा खेरस्यीत सिन दोनगी छ्य्वापे पालोङ टाँए खासुङ। थोक खानामेई पानीजहाज छेउनापा ड्वाप्ला स्यूसुङ।
थोगी बात चुक ईन्दे सासीन अब्राहामगी परमेश्वरला विश्वास खाबेकीकामा थेकी थेत्ताङ जमान खाबाते ईन। परमेश्वरगीनी थे खोरोङ दयेकीकामा दोक खाला जमान खित्च्येते ईन। थोगी थेकी थोक खाईन अब्राहामताङ खाबाते जमान थे लाईदुकामा मेन्देकी थे सन्तानओन लाईदुङ ईन। अब्राहाम सन्तान साबातेचेन परमेश्वर नियम ङेताते यहूदीओनकामा मेन, अब्राहामगी च्योकराङ खाला परमेश्वरला विश्वास खित्कान्ते मि गाङेराङ ईन। परमेश्वरला विश्वास खित्कान्ते ङुरूङ गाङेते ज्युज्युचेन अब्राहामराङ ईन।
थे खोरोङ सन्तान छ्येत थोङा ङेत्क्यो सिरच्येते अब्राहामला छ्याःङ आश मेता ईन्सीनोङ परमेश्वरगी थेते थोक काल्बेई सन्तान ओङगो सिन साबाते बात पत्ते खाईन साबा च्योकराङ ओङगो सिन थे गुकीन देत्सुङ। थोगी परमेश्वरगी साबा च्योकराङ खाईन थे जात जातकी मि ज्युज्यु ओङसुङ। दोकराङ ओङगो सिन परमेश्वरगी अब्राहामला “खुई सखा सन्तान नामगी कार्मा छेतराङ ङोला ङ्वा मुथुप्च्या ओङगो,” सिन साबा ओतान।
ज्येनतोक गाङे ङीमा लेनज्यीक छ्याःङ काम लै मिक्किच्या गाल्सीनोङ परमेश्वरला विश्वास खित्च्येते, थेकी ङुरूङला तेरग्यो साबाते ङेत्क्यो सिन खित्च्येते आश थेमे ज्येनला ङिङज्ये खित्च्येते दि बात सुमचेन नोमुङ छ्याःङ काम लै मिक्किच्या मोन्डोओ। दि बात सुमगी नाङदुङ छ्येते बातचेन ज्येनला ङिङज्ये खित्च्येतेराङ ईन।
ज्येन ज्येन जातकी मिला चुक अचम्ब खाला आशी बिन्ला लेमु खिते सिरच्येते बात थे खोरोङ सन्तानओनगी छ्या स्येबा फाप्क्यो सिन परमेश्वरगी थेबाला छ्या स्ये च्युत्कीन बिन्सुङ। परमेश्वरगी गोमा छ्या स्ये च्युता मेताते होथे बात च्यि ईन्दे सासीन ख्रीष्टचेन ख्योकोन ज्येन ज्येन जातकी मि सेमगी नाङ देत्क्यो। थे थोक खाईन ख्योकोन सेमगी नाङ देत्नामेई परमेश्वरगी तिरी ख्योकोनला मान बिन्ला थे खोरोङगी ज्वा चाला च्योकराङ लेमु जोइओ सिरच्येते बात पक्काराङ दुका सिन आश खाला गुला देता थुप्क्यो।
तर परमेश्वर सत्यते बातचेन नोमुङ माराम्च्या खाईन तिङाते खाम्बे जग च्योकराङ ईन। थे बात नोमुङ खुदुक मोन्डोओ। खइँदा खाम्बा च्यि लाईदु जोबाते ईन्दे सिन खाम्बे दोज्यीकला कोरगीन टिबाते बात च्योक खाईन परमेश्वर सत्यते बातला दोक दोक सिन टिबा ओत। चुक सासीन “थे खोरोङ मि सु सु ईन्दे सिन प्रभु परमेश्वरगी लेमु खाला छ्या स्येक्यो,” थेमे “प्रभु परमेश्वर मि ईन सिन सिरकान गाङेकी मेलेबा काम खिता तोङा फाप्क्यो,” सिन टिबा ओत।
ईन्सीनोङ थे फारनापे कोठे नाङचेन गाङे भन्दा छ्येते पूजारीकामा लोईते बाजिई स्यूक्पा ङेत्कीन ओतान। थे लाक्तुङ भोग बिन्दाते ठाक माखुराला थेङ थे कोठे नाङ स्यूगीन मेतान। थे कोठे नाङ स्यूला थेकी थे खोरोङ पाप थेमे ज्येनगी दोक खाबातेनी पाप खाबातेका ईन सिन छ्या मेस्येबा खाईन खाबाते पाप माफ नाङ सिराला थे ठाक परमेश्वरला चढे खिन ओतान।
ကြော်ငြာတွေ