हिब्रू 6:18 - जिरेल18 परमेश्वरगी पालोई खाबाते बात बान्दा फरक परे मिक्किओ सिन छ्या स्येबाला बात ङि ओत। बातज्यीकचेन परमेश्वरगी मिओनला ङा दोक दोक खिओ सिन जमान खाबा ओतान। थेमे ज्येनतेचेन खाबाते जमान पक्काराङ पूरो खिओ सिन ना क्याला ओतान। दि बात ङि नोमुङ खुदुक ड्वा मुथुबो। परमेश्वरगी नोमुङ ढाँर मिक्किओ। दोक ईन्देकी थेकी खिओ साबाच्योक पक्काराङ खिओ सिन दाक्पोनगी आश खाईन देताते बातला ङुरूङ छ्याःङ शंका मिक्किता खाला देता थुप्क्यो। အခန်းကိုကြည့်ပါ။ |
हिब्रू 6:18
46 ပူးပေါင်းရင်းမြစ်များ
फरिसी पाटीताङ सदुकी पाटी मिङ काल्बेई थे ओत्सादु वाबा ओतान। थेबेकीङ खोपरोङला छ्युला लुक्ला बप्तिस्मा नाङ सिरजीन यूहन्नेकी थेबाला “छ्यि ख्योकोन ङोचा क्ये मेतातेबा, छ्युला स्यूला बप्तिस्मा लालाकामा परमेश्वरगी था तिरी स्येदाङगी चूर गाल्ला तेरच्येते सजायदुकी थारग्यो सिन खेल्ला सुई सिका? थोक सजिलो खाला थे सजायदुकी माथारो।
मिओन पाप माफ ओङस्यीत सिन स्याप्ला परमेश्वरगी येशू ख्रीष्टला देमा ताङाते ईन। थेमे येशू ख्रीष्ट स्यिजीन थे जीउदुकी थेन्दाते ठागी खित्सादु खोपरोङ पाप माफ ओङगो सिन थेला विश्वास खित्कान्ते मिओन पाप परमेश्वरगी माफ तेरग्यो। परमेश्वरचेन मिओनगी गोमामेकी खाबाते पापकी सजाय मेतेरा खाईन देता ओतान। येशू ख्रीष्टकी खाबाते कामगी खित्सादु थेबे पाप माफ तेराप सिन थे थोक खाईन देत्कीन थेकी थे खोरोङ जे खित्जीनोङ ठीक खाला खित्कान्ते ईन सिन मिओनला छ्या स्ये च्युत्सुङ।
थोकनी थेकी खितराङ मिक्किओ। ओताते मिबरी गाङेकी खोपरोङगी खिओ साबाच्योक मिक्किता खाईन ढाँर खासीनोङ परमेश्वरगीचेन नोमुङ दोक मिक्किओ। थेकी जहिलेङ थे खोरोङगी साबा च्योकराङ खिओ। थे खिओ साबा च्योकराङ खित्कान्ते ईन सिन परमेश्वर बातलाङ दोक सिन टिबा ओत। चुक सासीन “परमेश्वर खोरोङगी खिओ साबाच्योक पक्काराङ खित्कान्ते ईन सिन मि गाङेकी लेमु खाला छ्या स्येक्यो। खुई साबा च्योकराङ माक्यासुङ सिन सुङगीङ खोल्ला दोष लै खिता मुथुबो,” सिन साबा ओत।
ख्रीष्टताङ जीउज्यीकराङ ओङनामेई थेकी ख्योकोनला आँट तेरगीन देत्क्यो। थेमे परमेश्वरगी ख्योकोनला ङिङज्ये खित्च्येते ईन्देकी ख्योकोन सेम ढुक्क खाला देता थुप्क्यो। थोकराङ खाला परमेश्वर आत्मेकी खित्सादु ख्योकोन थेत्ताङ ङ्योम्बुराङ डिक्ला देता थुप्क्यो। थेमे ख्योकोनगी खेराङ नाङ पीर फापा ओतातेबाला पीर माकेत सिन सिरच्येते थेमे दुक्पा ङेता ओतातेबाला ताच्येते खिओ। ख्योकोन नाङ बात दोकराङ मेन ओना?
थोगी था ख्योकोनगी येशूला विश्वास खाईन ङेन्दाते बात ङेन्दा नोमुङ तोङा मेङगो, थे बातला खि साबा च्योकराङ खिन देता फाप्क्यो थेमे होथे गा लाङच्येते बात थोनामेई तिरी खेराङगी परमेश्वरगी तेरग्यो साबाते जति ङेत्क्यो सिन आश खाईन गुकीन देताते बातला ज्येनगी जे सासीनोङ छ्याःङ शंका मिक्किता खाला देत। होथे बात ख्योकोनलाकामा मेन, सा लुङबा खाङगी मिला लाप्कीन बिन्दा ओत। थेमे ङा पावललाचेन मिओनला होथे बात लोप्च्येते जिम्मा बिन्दा ओत।
ज्येन ज्येन जातकी मिला चुक अचम्ब खाला आशी बिन्ला लेमु खिते सिरच्येते बात थे खोरोङ सन्तानओनगी छ्या स्येबा फाप्क्यो सिन परमेश्वरगी थेबाला छ्या स्ये च्युत्कीन बिन्सुङ। परमेश्वरगी गोमा छ्या स्ये च्युता मेताते होथे बात च्यि ईन्दे सासीन ख्रीष्टचेन ख्योकोन ज्येन ज्येन जातकी मि सेमगी नाङ देत्क्यो। थे थोक खाईन ख्योकोन सेमगी नाङ देत्नामेई परमेश्वरगी तिरी ख्योकोनला मान बिन्ला थे खोरोङगी ज्वा चाला च्योकराङ लेमु जोइओ सिरच्येते बात पक्काराङ दुका सिन आश खाला गुला देता थुप्क्यो।
परमेश्वरगी था तिरी खेराङला स्वर्गने तेरग्यो सिन साबातेबा ङेत्क्यो सिन खेराङगी आश खाईन देताते पक्काराङ ङेत्क्यो सिन छ्या स्येबेकीराङ ख्योकोनगी थोक लेमु खिन ओताते ईन। परमेश्वरगी खेराङला तेरग्यो साबाते ङेत्क्यो सिनचेन ख्योकोनगी सत्यते बात थोनामेई छ्या स्येबा ओत। सत्यते बातचेन गा लाङच्येते बात ईन।
दोस्यिककामा मेन, थेबेकीचेन था स्वर्गनेकी ग्युरला ओङगो साबाते परमेश्वर फुज्युङ येशूला ख्योकोन गुकीनराङ देत्ला दुक्लो सिरच्येते बादोङ खिदुक। थेला परमेश्वरगी स्यिसादुकी सोम्बो लोक्पा ओत। मिओनला था तिरी परमेश्वरगी स्येदाङगी चूर गाल्ला तेरच्येते सजायदुकी ङुरूङला जोए खित्कान्ते थेराङ ईन।
येशू ख्रीष्टला विश्वास खाईन ङेन्दाते बात ङेन्दा मोतोङा खाला जति दुक्पा ओङसीनोङ थे बातला साबा च्योकराङ खि। नोमुङ मिसिन्च्येते जुनी ङेत्स्यीत सिन परमेश्वरगी खोल्ला थे खोरोङ दोन्दु स्योक सिन काताङाते ईन मेन? थेजीन खुई मि काल्बेई ङोन्दु ङा प्रभु येशू ख्रीष्टला विश्वास खिओ सिनोङ साबा ओत। था थे नोमुङ मिसिन्च्येते जुनी खुई खोरोङ लाःक्तुकी स्योर माज्युत।
नूहे बात विचार खि। छ्यार्बा ग्याप्ला भल ग्याक्यो सिरच्येते बात थे बेलासाक थेला छ्याःङ छ्या मेत्सीनोङ परमेश्वरगी साबाच्योक पक्काराङ खिओ सिन थेला विश्वास खाईन थेकी परमेश्वरगी कोताते ङेन्सुङ। थे खोरोङ थेमे थे खाम्बे मि सुङ भलगी नुप्ला स्या माफाप्स्यीत सिन थेकी पानीजहाजज्यीक जोसुङ। दोक खाईन परमेश्वरगी साबाते ङेन्गीन थेकी दि सा लुङबे मि ज्येनचेन दोषी ईन सिन तेन्गीन बिन्सुङ। थेमे थे खोरोङला विश्वास खाबेकी खित्सादु परमेश्वरगी थेला दोषी मेन सिन सासुङ।
ख्रीष्टकीङ थे खोरोङ काम लेमु खाईन खाबा ओतान। तर थेचेन मोशा च्योक्ते मेन। मोशा सुइँदे खाम्बादु काम खित्कान्ते मि च्योक ओतान सासीन ख्रीष्टचेन होथे खाम्बे धनी फुज्युङ च्योकराङ ईन। थेमे ङुरूङचेन थे खाम्बे मि ईन। थोक ईन्सीनोङ जस्तो ओङजीनोङ ज्यीबा मिक्किता खाईन थेमे सेम मेसेता खाईन परमेश्वरगी था तिरी दाक्पोनला तेरग्यो साबाते गाङे ङेत्क्यो सिन थेला विश्वास खिन देत्सीनकामा ङुरूङ थे खाम्बे मि ईन।
थोगी येशू परमेश्वर फुज्युङ ईन सिन थेला विश्वास खित्कान्ते मिकी थे परमेश्वर फुज्युङ ईन सिरच्येते बातला छ्याःङ शंका मिक्किओ। थे परमेश्वर फुज्युङ मेन सिन सिरकान्ते मिकीचेन परमेश्वरनी ढाँर खित्कान्ते ईन साबाते ईन। च्यिला सासीन थोक्ते मिकी परमेश्वरगी थे खोरोङ फुज्युङ चुक्ते ईन्दे सिन साबाते बात पत्तेराङ खाबा मेङगो।
ကြော်ငြာတွေ