हिब्रू 6:17 - जिरेल17 थे खोरोङगी जमान खाबाच्योक पक्काराङ खिओ थेमे थे बात बान्दा खुदुक मोजोओ सिन सिराला परमेश्वरगीङ ना क्याला ओतान। အခန်းကိုကြည့်ပါ။ |
हिब्रू 6:17
31 ပူးပေါင်းရင်းမြစ်များ
थे फुज्युङ फुमु ओङनामेई थे खोरोङ फुज्युङ फुमुला तेरग्यो साबाते जेसुकै परमेश्वरगी ङुरूङला तेरग्यो। थोक खाला येशू ख्रीष्टकी ङेत्च्येते ङुरूङगीङ ङेत्क्यो। ईन्दालाचेन येशू ख्रीष्टकी खाबा च्योकराङ ङुरूङगीङ थरिङोला दुक्पा भोगे खिता फाप्क्यो। थेमे थेला छ्येज्यीक मान बिन्दा च्योकराङ परमेश्वरगी ङुरूङलाङ मान बिन्ला थे खोरोङगी ज्वा चाला च्योकराङ लेमु जोइओ।
नूहे बात विचार खि। छ्यार्बा ग्याप्ला भल ग्याक्यो सिरच्येते बात थे बेलासाक थेला छ्याःङ छ्या मेत्सीनोङ परमेश्वरगी साबाच्योक पक्काराङ खिओ सिन थेला विश्वास खाईन थेकी परमेश्वरगी कोताते ङेन्सुङ। थे खोरोङ थेमे थे खाम्बे मि सुङ भलगी नुप्ला स्या माफाप्स्यीत सिन थेकी पानीजहाजज्यीक जोसुङ। दोक खाईन परमेश्वरगी साबाते ङेन्गीन थेकी दि सा लुङबे मि ज्येनचेन दोषी ईन सिन तेन्गीन बिन्सुङ। थेमे थे खोरोङला विश्वास खाबेकी खित्सादु परमेश्वरगी थेला दोषी मेन सिन सासुङ।
परमेश्वरगी तेरग्यो साबाते लुङबादु लेप्नामेकीङ अब्राहामचेन थे लुङबे मि च्योक खाईन मेन्देकी पालकामा टाँए खाईन देत्सुङ। थोक ईन्सीनोङ ङीमाई थे लुङबा परमेश्वरगी दाक थे खोरोङला तेरग्यो सिन थेकी थेला विश्वास खिनराङ देत्सुङ। थे फुज्युङ इसहाकताङ नातिते याकूबोङ थोकराङ खाईन पालकामा टाँए खाईन देत्सुङ। थेबा ङिबोलाङ परमेश्वरगी अब्राहामला च्योकराङ खाईन थे लुङबा तेरग्यो सिन साबा ओतान।
परमेश्वरगी पालोई खाबाते बात बान्दा फरक परे मिक्किओ सिन छ्या स्येबाला बात ङि ओत। बातज्यीकचेन परमेश्वरगी मिओनला ङा दोक दोक खिओ सिन जमान खाबा ओतान। थेमे ज्येनतेचेन खाबाते जमान पक्काराङ पूरो खिओ सिन ना क्याला ओतान। दि बात ङि नोमुङ खुदुक ड्वा मुथुबो। परमेश्वरगी नोमुङ ढाँर मिक्किओ। दोक ईन्देकी थेकी खिओ साबाच्योक पक्काराङ खिओ सिन दाक्पोनगी आश खाईन देताते बातला ङुरूङ छ्याःङ शंका मिक्किता खाला देता थुप्क्यो।
ङिङज्येते आज्यो न्वावे, दि बात लेमु खाला ङेन। येशू ख्रीष्टला विश्वास खित्कान्ते मि ओङला थे खोरोङ राज्यदु देताला च्यि परमेश्वरगी ज्येनगी छ्याःङज्यीक खाङज्यीक मेताते मि ईन सिरच्येते मिओनलाराङ छाने खाबाते मेनरो? था थेबा परमेश्वरगी थे खोरोङला ङिङज्ये खित्कान्ते मिओनला तेरग्यो साबाते राज्यदु देता ङेत्क्यो।
थेमे ख्योओ मिवे, फेम्मे मि खेराङ छेत ङार्मा मेङगो सिरच्येते बात टोक मेज्येता खाला ख्योकोनगी दाक्पोन फेम्मेला लेमु खि। परमेश्वरगी थेबालाङ ख्योकोनला च्योकराङ खाला दया खाला नोमुङ मिसिन्च्येते जुनी तेरग्यो सिरच्येते बादोङ टोक माज्येत। ख्योकोन खेराङ खेराङगी चुक खिता फाप्च्या ईन्दाका थोकराङ खासीन परमेश्वरगी ख्योकोनगी खाबाते प्रार्थना ङेन्ग्यो।
ကြော်ငြာတွေ