थोक सिरजीन थेकी “था समय मि ख्योकोन परमेश्वरला विश्वास खितराङ मिक्किकान थेमे थे बात ङेनराङ मेङेन्कान्ते ईन। परमेश्वरताङ छ्येज्यीक शक्ति ओत सिरच्येते बात था ख्योकोनगी नामचेन खोच्ये? थेमे था थोईसाक ङा दोक्ते काम खिन ख्योकोनताङराङ देत्च्ये?” सिन साकीन च्याकीन “खुई फुज्युङला दुरू ङा ओत्सादु खोरच्योक,” सिन सिदुक।
हिब्रू 5:12 - जिरेल12 ईन्दानी दि बेलासाकला ख्योकोन ज्येनला परमेश्वर बात लोपा थुप्कान ड्वा फाप्च्येते ईन। थोरूमसाकोङ ख्योकोनलानी परमेश्वर बातला च्यि साबा ओते, थोक साबाते च्यि ईन्दे सिन शुरू शुरूला लोपा फाप्च्येते बातओनका लोपा फाप्कीदुक। ख्योकोनगी परमेश्वर बात खजो खोकीका सिन विचार खासीन ख्योकोननी थोरूमोङ नुमा लुता फाप्च्येते बालकते फिजा च्योकराङ दुक। नामचेन ख्योकोन दाक्पोनगी मुरला साच्येते साप पच्चे खित्कान डुइते? အခန်းကိုကြည့်ပါ။ |
हिब्रू 5:12
23 ပူးပေါင်းရင်းမြစ်များ
थेमे ङुरूङ पुर्खाओन थोक खाला ठाःकताङ बालुवा बाई छ्याःङ मेत्सादु सीनै बोमगी चावादु जम्मा ओङला देते बेलाला मोशाङ थेरू ओतान। थेमे मोशा सीनै बोमने गाल्नामेकी परमेश्वर दूतज्यीगी थेत्ताङ ठेत्कीन बात खाबा ओतान। थेजीनराङ परमेश्वर दूतकी थेला नोमुङ फरक परे मिक्किच्येते बात ओताते नियम बिन्दा ओतान। थे नियम ङुरूङ पुर्खाओन लाईदुकामा मेन्देकी ङुरूङ लाईदुङ बिन्दा ओतान।
थेमे ज्येन बात च्यि सासीन आज्यो न्वावे, ख्योकोन प्रभु ख्रीष्टताङ जीउज्यीकराङ ओङा ओताते मि ईन्देकी गा खि। ङा ख्योकोनला ङे गोमामेई याङ याङ सिन वाबाते बातराङ टिगीन ओत। बातज्यीकराङ याङ याङ टिक्पा फाप्सीनोङ ङाला छ्याःङ दिक्क लाबा मेत। ङे टिबाते बात पढे खाला ख्योकोनगी चुक खिता फाप्च्या ईन्दाका सिन लेमु खाला छ्या स्येक्यो।
थेमे खेराङगी ख्रीष्टकी बात झन झन लेमु खाला छ्या स्येबा थुप्स्यीत सिन थे बात ख्योकोनगी सेमगी नाङ गुने खिनराङ देत। चुक सासीन परमेश्वरगी बिन्दाते बुद्धिकी ख्योकोनगी थे बात खेराङ नाङ लोप्कीन देत, थेरू साबा च्योकराङ खिन देता फाप्क्यो सिन दोक्पोईकी ज्येनज्यीकला सिनराङ देत। थेमे परमेश्वरगी खेराङला चुक दया खासुङा सिन गा खिन थेला धन्यवाद सिनकामा खेराङ नाङ भजन लिन्च्येते, परमेश्वरला छ्ये जोच्येते लु लिन्च्येते थेमे परमेश्वर आत्मेकी लिन च्युताते ज्येनोङ लु लिन्च्येते खि।
बात दोक ईन्देकी था ङुरूङगी ख्रीष्ट सु ईन्दे, थेकी च्यि खासुङा सिन शुरू शुरूला लोपा फाप्च्येते बातओनकामा लोप्कीन मेदेता खाला होदोक्ते बात लेमु खाला खोबा थुप्कान्ते पाकोते मि च्योक ओङा फाप्क्यो। च्यि सासीन थाचेन ङुरूङगी नरककुण्डमा स्यूक्च्येते काम खिता ताङला परमेश्वर छ्य्वापा लै खाला थेला विश्वास खित्च्येते,
च्यि सासीन ज्येनला परमेश्वर बात लोप्कान्तेकी परमेश्वरगी जे साला दुक थेराङ लोप। थेमे ज्येनला ता फाप्कानगीङ परमेश्वरगी ङाला थोक खित्च्येते शक्ति बिन्दाते ईन सिन थे काम खि। दोक खाला जसकी जे खासीनोङ येशू ख्रीष्ट छ्य्वापेकी परमेश्वरते जय जय खित्च्येते काम खि। परमेश्वरते सधैँभरि जय जय ओङस्यीत। थेकी गाङेपा गाङेला राज्य खिनराङ देत्स्यीत। आमेन।
ကြော်ငြာတွေ