हिब्रू 4:15 - जिरेल

¹⁵ ङुरूङगी चुक सजिलो खाला दाक पाप खिता थुप्‍कीते सिन थेला छ्या मेताते मेन। दि बात थेला लेमु खाला छ्या ओतेकी लो था ईन्‍सीनचेन ङा ख्‍योकोनताङ डासुङ सिन नोमुङ मिसिरो। शैतानगी ङुरूङला चुक खाला पाप खित ज्‍युता छोल्‍गीते सिनोङ थेला छ्या ओत। च्‍यिला सासीन थेलाङ शैतानगी परी परी खाईन लुकीन पाप खित ज्‍युता चाला ओतान। शैतानगी थोक खित्‍जीनोङ थेकी नोमुङ छ्याःङ पाप खाबा मेतान।

हिब्रू 4:15 ပူးပေါင်းရင်းမြစ်များ

मत्ती 12:20

दिकीचेन फ्रेगीन सिन्‍दाते काँसकी छिज्‍यीकलाङ मोच्‍योओ। थेमे स्‍याप खाईन सिन्‍दाते बत्तीङ मेसेदो। दिकी खित्‍सादुराङ गाङेपा गाङेला लेमु खाला न्‍याय खित्‍च्‍येते समय ओङगो। थे दिन मालेपथुपसाक दिकी होदोक दोक खिनराङ देत्‍क्‍यो।

मत्ती 4:1

थेकी बप्‍तिस्‍मा लानामेकी येशूला परमेश्‍वर आत्‍मेकी री नाङपा टीकीन खेरसुङ। ल्‍हन्‍डीक गेल्‍बो शैतानगी थे सेम तारस्‍यीत सिन थेला थेङपा खेरा ओतान।

लूका 22:28

थेमे ख्‍योकोनचेन सधैँ ङात्ताङ ङ्योम्‍बुराङ देत्‍सुङ। ङे दुक्‍पा भोगे खिता फाप्‍जीन ख्‍योकोन ङाला ताङगीन मागाल्‍सुङ।

लूका 4:2

थेमे ङीमा खाल ङिसाक येशू थेङलाराङ देत्‍सुङ। थेजीन ल्‍हन्‍डीक गेल्‍बो शैतानगी थेला परी परी खाईन लुकीन पाप खित ज्‍युता चाल्‍सुङ। ङीमा खाल ङिसाक छ्याःङ मास्‍साबा खाईन देतेकी थेला आउदी त्‍वाबा लाबा ओतान।

यूहन्‍ना 8:46

ख्‍योकोन नाङ खाङगीचेन ङाला खुई दि दि पाप खासुङ सिन सिरा थुप्‍कीते? थोक मेन सासीन ङे साँचोते बात खित्‍जीन ख्‍योकोन च्‍यिला ङे बात पत्ते मिक्‍किते?

रोमी 8:3

ङुरूङ परमेश्‍वरगी खि साबाच्‍योक खिता मुथुप्‍कान्‍ते मि ईन्‍देकी ङुरूङला पापदुकी डेल्‍च्‍येते थेमे स्‍यिसादुकी जोए खित्‍च्‍येते काम परमेश्‍वर नियम छ्य्‌वापेकी ओङा थुपा मेतान। थोगी दि काम खिताला मि जुनीराङ लाला केला च्‍याला स्‍याप्‍ला परमेश्‍वरगी थे खोरोङ फुज्‍युङराङ देमा ताङसुङ। मि जुनी लासीनोङ थेकी नोमुङ छ्याङ पाप खाबा मेतान। थेमे पापकी सजाय जति परमेश्‍वरगी थेलाराङ भोगे खित च्‍युत्‍सुङ। थे थोक खाईन स्‍याप्‍की खित्‍सादु परमेश्‍वरगी मिओनला पाप खित्‍च्‍येते बानीदुकी टाल्‍गीन बिन्‍सुङ।

२ कोरिन्‍थी 5:21

ख्रीष्‍टकी खाबाते कामगी खित्‍सादु ङुरूङला दोषी मेन सिन सिरा थुप्‍स्‍यीत सिन ङुरूङ पापकी सजाय जति परमेश्‍वरगी गाङे पाप सिराते नोमुङ छ्याःङ खाबा मेताते ख्रीष्‍टला भोगे खित च्‍युत्‍सुङ।

हिब्रू 4:14

स्‍वर्गने गाल्‍गीन परमेश्‍वर दोन्‍दु देताते परमेश्‍वर फुज्‍युङ येशू ङुरूङते गाङे भन्‍दा छ्येते पूजारी ईन्‍देकी ङुरूङगी थेला विश्‍वास खाईन ङेन्‍दाते बात ङेन्‍दा मोतोङा खाला देता फाप्‍क्‍यो।

हिब्रू 5:2

थे खोरोङोङ दाक पाप खिता थुप्‍कान्‍ते ईन्‍देकी दोक खाबातेनी पाप खाबाते ईन्‍दासीन सिन छ्या मेस्‍येकानला थेमे मेलेबा काम खित्‍कानला थेकी खा छ्येत लेमु खाला लोपा कोता थुप्‍क्‍यो।

हिब्रू 7:26

ङुरूङला गोबाते गाङे भन्‍दा छ्येते पूजारीङ येशू च्‍योक्‍तेराङ ईन। थे सेमला पाप सिराते छ्याःङ मेत, सुङगीङ थेला दिकी दि दि गल्‍ती खासुङ सिन सिरा मुथुबो, थेकी मेलेबा सिराते छ्याःङ खाबा मेत। पापी मि च्‍योकराङ थे मेन, मि भन्‍दा खुदुकराङ ईन। थे छ्येज्‍यीक मान ङेत्‍कीन स्‍वर्गने देता ओत।

हिब्रू 9:28

थोक ईन्‍देकी मि काल्‍बेईला थेबेकी खाबाते गाङे पापदुकी डेलाला ख्रीष्‍टोङ बाजिईकामा थे खोरोङ ज्‍यान बिन्‍गीन स्‍याप्‍ते ईन। था थे लोक्‍ला देमा ग्‍युरला ओङगो। थोक खाला ओङच्‍येते लोक्‍ला गोमा च्‍योकराङ मि पापकी सजाय भोगे खाला स्‍याप्‍ला मेन। थानी ङीमाई थे ग्‍युरला ओङगो सिन गुकीन देताते मिओनला पूरो खाला पापदुकी टाल्‍ला स्‍वर्गने देत खेराला लिन्‍दालाका ओङच्‍येते ईन।

१ पत्रुस 2:22

“थेकी नोमुङ छ्याःङ पाप खाबा मेतान, ढाँरोङ खाबा मेतान।”

१ यूहन्‍ना 3:5

मिओनगी खाबाते पापकी सजाय भोगे खाला थेबाला पापदुकी डेलालाराङ येशू ख्रीष्‍ट दुरू वाबाते ईन सिन ख्‍योकोनला छ्याराङ ओत। थेकी नोमुङ पाप खाबा मेत।