तर परमेश्वरगी लेमुते जैतुन दोङबो हाँगे नाङ जैतुन मोगोन्च्येते हाँगाओनचेन दुम्गीन क्युरसुङ। थेमे दुम्गीन क्युराते ठाउँदुचेन छ्याङमे नाङला थाराङ केबाते जैतुन दोङबो हाँगा खुलाकीन जोरे खासुङ। थे खोरोङगी साबाते मेङेन्कान्ते इस्राएलीओनला ताङगीन थेबे साटोला परमेश्वरगी ख्योकोन ज्येन ज्येन जातकी मिला थे खोरोङ मि ईन साबाते ईन सिराला ङे दि दोङबो बात खाबाते ईन। थोक खाईन जोरे खाबाते हाँगाओनगी गोच्येते जेसुकै चाप्रेनमेकी ङेता च्योकराङ खाईन परमेश्वरगी थेबे ज्युज्यु पुर्खाला बिन्दाते आशी ख्योकोनलाङ तेरगीन ओत।
हिब्रू 3:14 - जिरेल14 च्यिला सासीन स्याप छोमुसाकराङ ङुरूङगी परमेश्वरगी खिओ साबाच्योक पक्काराङ खिओ सिरच्येते बातला गोमा खाबा च्योकराङ छ्याःङ शंका मिक्किता खाला देता फाप्क्यो। दोक खाईन देत्सीन ख्रीष्टताङ डिक्ला ङुरूङगी थेकी ङेत्च्येते आशी ङेत्क्यो। အခန်းကိုကြည့်ပါ။ |
हिब्रू 3:14
17 ပူးပေါင်းရင်းမြစ်များ
थोगी दि बात ताला परमेश्वरगी मिओनला कडा खित्च्येतेताङ ङिङज्ये खित्च्येते चुक खाला खित्च्या ईन्दाका सिन ख्योकोनगी लेमु खाला छ्या स्येबा खि। थेला विश्वास मिक्किकान्ते मिओनला थेकी सजाय बिन्सुङ। ख्योकोनलाचेन थेकी ङिङज्ये खिन ओत। थेला विश्वास खिन देत्सीनकामा थेकी ख्योकोनला दोक खिन देत्क्यो। थोक खिता ताङसीन थेकी ख्योकोनलाङ थे खोरोङ मि ईन सिरा तोङगो।
परमेश्वरगी खित्सादुकामा ख्योकोन येशू ख्रीष्टताङ जीउज्यीकराङ ओङाते ईन। येशू ख्रीष्टला ताला परमेश्वर चुक बुद्धि पुरे खाला काम खित्कान्ते ईन्दे सिन छ्या स्येक्यो। च्यि सासीन ख्रीष्टकी खित्सादु परमेश्वरगी ङुरूङला दोषी मेन सिओ, थेकी ङुरूङ सेम खुदुक जोबा ओत थेमे ङुरूङला पापकी सजायदुकी टाला ओत।
थे बातचेन दिराङ ईन। च्यि सासीन येशू ख्रीष्टकी खाबाते कामगी खित्सादु थाचेन परमेश्वरगी ज्येन ज्येन जातकी मिलाङ थे खोरोङगी छाने खाबाते इस्राएलीओनला तेरच्येते जति गाङे तेरच्या ओङा ओत, थेबालाङ ज्येन गाङेताङ डिक्पा खाईन जीउज्यीकराङ जोबा ओत थेमे गोमा थेकी थे खोरोङ मिओनताङ लेमु खिओ सिन जमान खाबा ओताते जति गाङे थेबे लाईदुङ खाला तेरच्या ओङा ओत। दि बाततेबा थेबाला लोप्च्येते गा लाङच्येते बातला साबा ओत।
थेबे मालिकतेबाङ येशू ख्रीष्टला विश्वास खित्कान्ते ईन्सीन थानी आज्यो न्वाराङ ईन सिराच्योक खाला मालिकतेबाला मान खिता तोङा मेङगो। बरू मालिकओनलाङ परमेश्वरगी ङिङज्ये खिओ, थेबाङ येशू ख्रीष्टला विश्वास खित्कान ईन साला थेबाला लेमु ओङस्यीत सिन झन लेमु खाला काम खिता फाप्क्यो। ङे साबाते दि बाततेबा गाङे चुक खिता फाप्कीते सिन खुई गाङेला लाप्ला कोत्ला बिन।
बात दोक दोक ईन्देकी आज्यो न्वावे, ख्योकोनचेन स्वर्गने देताला परमेश्वरगी थे खोरोङ दोन्दु स्योक सिन काताङाते मि ईन्देकी येशू चुक छ्ये ईन्दे सिरच्येते बातकीतेकामा ध्यान खिन देत। थेचेन परमेश्वरगीराङ खटे खाईन ताङाते थेमे गाङे भन्दा छ्येते पूजारी ईन। थे पक्काराङ होदोक छ्ये ईन सिन ङुरूङ थेला विश्वास खिओ।
ख्रीष्टकीङ थे खोरोङ काम लेमु खाईन खाबा ओतान। तर थेचेन मोशा च्योक्ते मेन। मोशा सुइँदे खाम्बादु काम खित्कान्ते मि च्योक ओतान सासीन ख्रीष्टचेन होथे खाम्बे धनी फुज्युङ च्योकराङ ईन। थेमे ङुरूङचेन थे खाम्बे मि ईन। थोक ईन्सीनोङ जस्तो ओङजीनोङ ज्यीबा मिक्किता खाईन थेमे सेम मेसेता खाईन परमेश्वरगी था तिरी दाक्पोनला तेरग्यो साबाते गाङे ङेत्क्यो सिन थेला विश्वास खिन देत्सीनकामा ङुरूङ थे खाम्बे मि ईन।
थाचेन ङा ख्योकोन नाङ येशू ख्रीष्ट मिओनला ताकान्ते मिओनला बातज्यीक बात ङि सिरामीन। ङा ङाराङोङ ख्योकोन च्योकराङ येशू ख्रीष्ट मिओनला ताकान्ते मिज्यीक ईन। ख्रीष्टकी भोगे खाबाते दुक्पातेबा ङे गाङे ङाराङ मिगीराङ थोङाते ईन। था थे छ्येज्यीक शक्ति ङेत्ला ग्युरला ओङजीन ङाङ मान ङेत्ला थेत्ताङ देता ङेत्क्यो सिनोङ ङाला छ्या ओत। येशू ख्रीष्ट मिओनला ताकान्ते मिओन ख्योकोनगी ओर्च्ये दोक खि।
ကြော်ငြာတွေ