हिब्रू 3:1 - जिरेल1 बात दोक दोक ईन्देकी आज्यो न्वावे, ख्योकोनचेन स्वर्गने देताला परमेश्वरगी थे खोरोङ दोन्दु स्योक सिन काताङाते मि ईन्देकी येशू चुक छ्ये ईन्दे सिरच्येते बातकीतेकामा ध्यान खिन देत। थेचेन परमेश्वरगीराङ खटे खाईन ताङाते थेमे गाङे भन्दा छ्येते पूजारी ईन। थे पक्काराङ होदोक छ्ये ईन सिन ङुरूङ थेला विश्वास खिओ। အခန်းကိုကြည့်ပါ။ |
हिब्रू 3:1
63 ပူးပေါင်းရင်းမြစ်များ
तर परमेश्वरगी लेमुते जैतुन दोङबो हाँगे नाङ जैतुन मोगोन्च्येते हाँगाओनचेन दुम्गीन क्युरसुङ। थेमे दुम्गीन क्युराते ठाउँदुचेन छ्याङमे नाङला थाराङ केबाते जैतुन दोङबो हाँगा खुलाकीन जोरे खासुङ। थे खोरोङगी साबाते मेङेन्कान्ते इस्राएलीओनला ताङगीन थेबे साटोला परमेश्वरगी ख्योकोन ज्येन ज्येन जातकी मिला थे खोरोङ मि ईन साबाते ईन सिराला ङे दि दोङबो बात खाबाते ईन। थोक खाईन जोरे खाबाते हाँगाओनगी गोच्येते जेसुकै चाप्रेनमेकी ङेता च्योकराङ खाईन परमेश्वरगी थेबे ज्युज्यु पुर्खाला बिन्दाते आशी ख्योकोनलाङ तेरगीन ओत।
खोपरोङ खुशीकीराङ थेबेकी थोक खाबा ओतान। ईन्दाका थेबेकी दोक खिता फाप्च्येतेराङ ईन। च्यिला सासीन परमेश्वरगी खोपरोङला आशी बिन्गीन लेमु खानामेई यहूदी परमेश्वर सन्तानओनगी ज्येन ज्येन जातकी मिलाङ थे बात लाप्कीन बिन्देकी थेबेकीङ परमेश्वरगी तेरच्येते आशी ङेत्च्या ओङाते ईन। दोक खाईन थेबेकी यहूदीओनला परमेश्वरगी बिन्दाते आशी ङेत्नामेई थेबेकीङ खोपरोङताङ ओताते सम्पत्ति यहूदीओनताङ गोला साच्येते ठीकराङ ईन।
ङा दि चिट्ठी कोरिन्थ सारदु जम्मा ओङकान्ते परमेश्वर मिओन ख्योकोनला टिगीन ओत। येशू ख्रीष्टकी खित्सादु परमेश्वरगी ख्योकोन सेम खुदुक जोकीन थे खोरोङ सन्तान ईन सिन छाने खाबा ओत। दुरू टिबाते बातचेन ख्योकोन च्योकराङ प्रभु येशू ख्रीष्टला प्रभु सिन सिरकान्ते गाङेपे मिलाङ ईन। येशू ख्रीष्टचेन थेबेतेङ ङुरूङतेङ मालिक ईन।
थे बातचेन दिराङ ईन। च्यि सासीन येशू ख्रीष्टकी खाबाते कामगी खित्सादु थाचेन परमेश्वरगी ज्येन ज्येन जातकी मिलाङ थे खोरोङगी छाने खाबाते इस्राएलीओनला तेरच्येते जति गाङे तेरच्या ओङा ओत, थेबालाङ ज्येन गाङेताङ डिक्पा खाईन जीउज्यीकराङ जोबा ओत थेमे गोमा थेकी थे खोरोङ मिओनताङ लेमु खिओ सिन जमान खाबा ओताते जति गाङे थेबे लाईदुङ खाला तेरच्या ओङा ओत। दि बाततेबा थेबाला लोप्च्येते गा लाङच्येते बातला साबा ओत।
ख्योकोन गोमा थोक ओता ईन्सीनोङ ख्रीष्ट मि जुनी लाकीन स्याप्की खित्सादु थाचेन परमेश्वरगी ख्योकोनला थे खोरोङताङ डिक च्युता ओत। ख्योकोन थे खोरोङ दोन्दु सेम खुदुक गालाते, छ्याःङ गल्ती मेताते थेमे सुङगीङ दिबा दोक दोक गल्ती खित्कान्ते मि ईन सिरा मुथुप्च्या गालाते मि ओङस्यीत सिन थेकी ख्योकोनला दोक खाईन थे खोरोङताङ डिक च्युता ओत।
परमेश्वरगी ख्योकोनला थे खोरोङ सन्तान सिन छाने खाईन ख्योकोन सेम खुदुक जोबा ओत, थेकी ख्योकोनला आउदी खाला ङिङज्ये खिओ। ख्योकोन बात दोक ईन्देकी ख्योकोनगी चुक चुक खिता फाप्कीते सासीन पीर फापा ओतातेबाला पीर माकेत सिन सिरा फाप्क्यो, ज्येनगी दुक्पाला ता फाप्क्यो, ङा ङाराङ ईन सिराच्योक खिता मेङगो, गाङेताङ खा छ्येत लेमु खिता फाप्क्यो, होत्ताराङ स्येदाङ खिता मेङगो,
होदि बाततेबा टोक मेज्येता खाला ङ्योकोन ख्योकोन लाईदु जहिलेङ ङुरूङ परमेश्वरला दोक सिन प्रार्थना खिओ। चुक सासीन थेकी ख्योकोनला थे खोरोङ दोन्दु स्योक सिन काताङाते ईन्देकी ख्योकोन चुक ओङा फाप्च्येते ईन्दे थोकराङ ओङ ज्युत्स्यीत। दोक खाला ख्योकोनगी खिता चालाते लेमुते कामताङ बात थेमे प्रभु येशूला विश्वास खाईन खिताला स्यूबाते कामतेबा गाङे परमेश्वरगी ख्योकोनला थे खोरोङ शक्ति बिन्ला पूरो खित ज्युत्स्यीत सिन प्रार्थना खिओ।
येशू ख्रीष्टला विश्वास खाईन ङेन्दाते बात ङेन्दा मोतोङा खाला जति दुक्पा ओङसीनोङ थे बातला साबा च्योकराङ खि। नोमुङ मिसिन्च्येते जुनी ङेत्स्यीत सिन परमेश्वरगी खोल्ला थे खोरोङ दोन्दु स्योक सिन काताङाते ईन मेन? थेजीन खुई मि काल्बेई ङोन्दु ङा प्रभु येशू ख्रीष्टला विश्वास खिओ सिनोङ साबा ओत। था थे नोमुङ मिसिन्च्येते जुनी खुई खोरोङ लाःक्तुकी स्योर माज्युत।
थेबे मालिकतेबाङ येशू ख्रीष्टला विश्वास खित्कान्ते ईन्सीन थानी आज्यो न्वाराङ ईन सिराच्योक खाला मालिकतेबाला मान खिता तोङा मेङगो। बरू मालिकओनलाङ परमेश्वरगी ङिङज्ये खिओ, थेबाङ येशू ख्रीष्टला विश्वास खित्कान ईन साला थेबाला लेमु ओङस्यीत सिन झन लेमु खाला काम खिता फाप्क्यो। ङे साबाते दि बाततेबा गाङे चुक खिता फाप्कीते सिन खुई गाङेला लाप्ला कोत्ला बिन।
थेकीराङ ङुरूङला पापकी सजायदुकी टाल्गीन बिन्दा ओत। थेमे ङुरूङ सेम खुदुक गाल्ला मेलेबाते कामताङ बात सिराते छ्याःङ मिक्किस्यीत सिन थे खोरोङ दोन्दु स्योक सिन काताङा ओत। थेकी थोक खाबाते ङुरूङगी थेकी खि साबा साबाच्योक खाईन लेमु काम खाबेकी खित्सादु मेन, बरू थे खोरोङ दयेकी ङुरूङला थोक खिता चालेकी खित्सादुकामा ईन। येशू ख्रीष्ट छ्य्वापेकी ङुरूङ लाईदु दोक खिओ सिन थेकी दि सा नाम ज्वा भन्दा गोमाकाराङ टुङ्गो खाबा ओतान।
परमेश्वरगी बिन्दाते नियम अनुसार छाने खित्च्येते गाङे भन्दा छ्येते पूजारीचेन परमेश्वरगी खि साबा च्योकराङ खिता मुथुप्कान दाक पाप खिता थुप्कान्ते मि ओङगो। तर थे नियम बिन्नामेई तिरीचेन परमेश्वरगी ना क्याल्गीन थे खोरोङ फुज्युङला गाङे भन्दा छ्येते पूजारी छाने खाबा ओत। थेकीचेन परमेश्वरगी खि साबाते जति गाङे सधैँभरि लाईदु पूरो खाबा ओत।
तर ख्रीष्टचेन मिला पूरो खाला पापदुकी टाल्ला लेमु खिताला वाबा ओतान। दि काम खित्कान्ते थे गाङे भन्दा छ्येते पूजारी ईन्देकी था थे गाल्गीन मि लाईदु पूजारी काम खित्च्येते ठाउँचेन मिकी जोबाते ठाउँ मेन। थोगी थे ठाउँ दि सा लुङबादु मेत। थे ठाउँनी थाङबो मिओनगी जोबाते पाल भन्दा खापान खापान लेमुते ठाउँ ईन।
थोक खाईन स्यिइन ख्रीष्टचेन परमेश्वरगी तिरी खाबाते जमान पूरो खाला तेरकान्ते ओङा ओत। थे थोक खित्कान्ते ओङेकी खित्सादु परमेश्वरगी थे खोरोङ दोन्दु स्योक सिन काताङाते मिओनला नोमुङ मोतोरच्या खाला तेरग्यो सिन साबाते जति था थेबेकी गाङे ङेत्च्या ओङा ओत। परमेश्वरगी गोमे जमान खानामेई तिरी जमान खित खितसाक मिओनगी खाबाते गाङे पाप माफ तेराला थेबे पापकी सजाय ख्रीष्टकी भोगे खाईन स्याप्की खित्सादु थेबेकी ङेत्च्येते जति ङेत्च्या ओङाते ईन।
बात दोक ईन्सीनोङ ख्योकोनलाचेन परमेश्वरगी थे खोरोङ मि ईन सिन छाने खाबा ओत। ख्योकोनचेन परमेश्वर पूजारी ईन, थेचेन गेल्बो ईन। ख्योकोन परमेश्वरला माने खित्कान्ते मि ईन। ख्योकोन परमेश्वर मिराङ ईन। थेकी ख्योकोनला पापताङ लोभदुकी टाल्ला थे खोरोङ नाम्दाकला देताला थे खोरोङ दोन्दु स्योक सिन काताङा ओत। थेकी खाबाते अचम्ब अचम्बतेन्दे कामगी बात ख्योकोनगी ज्येनलाङ सिरस्यीत सिन थेकी ख्योकोनला दोक खाबाते ईन।
थाचेन ङा ख्योकोन नाङ येशू ख्रीष्ट मिओनला ताकान्ते मिओनला बातज्यीक बात ङि सिरामीन। ङा ङाराङोङ ख्योकोन च्योकराङ येशू ख्रीष्ट मिओनला ताकान्ते मिज्यीक ईन। ख्रीष्टकी भोगे खाबाते दुक्पातेबा ङे गाङे ङाराङ मिगीराङ थोङाते ईन। था थे छ्येज्यीक शक्ति ङेत्ला ग्युरला ओङजीन ङाङ मान ङेत्ला थेत्ताङ देता ङेत्क्यो सिनोङ ङाला छ्या ओत। येशू ख्रीष्ट मिओनला ताकान्ते मिओन ख्योकोनगी ओर्च्ये दोक खि।
टिक्पी दिन ख्योकोनगी दोक्ते दुक्पा खपे खिता फाप्सीनोङ ख्रीष्टकी खाबाते कामगी खित्सादु खितासम्म दया खित्कान्ते परमेश्वरगी ख्योकोनला सधैँभरि लाईदु मान तेराला थे खोरोङ दोन्दु स्योक सिन काताङा ओत। थेकीराङ ख्योकोनला सेम सेता ओत्सादुई लोक्ला आँट तेरग्यो, जस्तो ओङजीनोङ मेलेबा खित्सादुई जोए खाला ज्य्वाक्यो थेमे ख्रीष्टला विश्वास खिन देताला शक्ति तेरग्यो।
थेबा गाङेराङ ङ्योम्बुराङ डिक्ला लुई रीउताङ लडाइँ खिओ। लडाइँ खित्जीन लुई रीउकी थेबाला ग्याल्ग्यो। च्यिला सासीन लुई रीउचेन गाङे छ्येतेबेतेङ छ्येते थेमे गेल्बोओनतेङ गेल्बो ईन। परमेश्वरगी थे खोरोङ दोन्दु स्योक सिन काताङाते मिओनचेन लुई रीउताङ ङ्योम्बु देत्क्यो। थेबाचेन परमेश्वरगी छाने खाबाते थेमे जस्तो ओङसीनोङ थेला विश्वास खिन देत्कान्ते मिओन ईन,” सिन सिदुक।
ကြော်ငြာတွေ