हिब्रू 13:9 - जिरेल9 बात दोक ईन्देकी परमेश्वर बात ईन सिन थे बातताङ डिकराङ मिडिक्च्येते खुदुक खुदुकते बात ङेन्ला छक्के माकेत। परमेश्वरगी दया खाबा ओतेकी खित्सादु होथोक्ते बातला नामज्योक मेसेता खाला छ्याःङ शंका मिक्किता खाला थेला विश्वास खिन देता लेमु ईन। दि सा ओङगो, थे सा मेङगो सिरच्येते नियम ङेन्ला सुङलाङ छ्याःङ फाइदा मेत। အခန်းကိုကြည့်ပါ။ |
हिब्रू 13:9
35 ပူးပေါင်းရင်းမြစ်များ
था ङा ख्योकोन गाङेला परमेश्वर लाःक्तुराङ सोम्पे खिओ। थेमे थेकी दया खिओ सिन छ्या स्येच्येते गा लाङच्येते बात ङेन्गीन देत सिनोङ सिओ। दोक खिन देत्सीन ख्योकोनगी प्रभु येशूला झन लेमु खाला विश्वास खिता थुप्क्यो। थेमे परमेश्वरगी सेम खुदुक जोबाते मि गाङेला तिरी तेरग्यो साबाते जति गाङे ख्योकोनलाङ तेरग्यो।
दि बातओन ङे च्यिला खाबाते ईन्दे सासीन परमेश्वर राज्यदु स्यूबाते मिओन नाङ दि सा थुङा ओङगो, थे सा थुङा मेङगो सिरच्येते बात छ्याःङ छ्येते बात मेन। छ्येते बातचेन परमेश्वर आत्मे छ्य्वापेई परमेश्वरगी खि साबा साबाच्योक खित्च्येते, दाक्पोन नाङ डिक्ला थुन्ला देत्च्येते थेमे गा खिन देत्च्येतेराङ ईन।
प्रभु येशू ख्रीष्टला लेमु खाला माने खिताप सिनराङ कोईकी कोई दिनला ज्येन भन्दा खुदुक दिन ईन सिन माने खिओ। लोक्ला येशू ख्रीष्टला लेमु खाला माने खिताप सिनराङ कोईकी स्या सेइओ, कोईकी साराङ मास्साओ। स्या साकानगीङ परमेश्वरला धन्यवाद बिन्ला सेइओ, मास्साकान्तेबेकीङ खोपरोङगी जे सेइदुक थे लाईदु परमेश्वरला धन्यवाद बिन्ला सेइओ।
ख्योकोनगी “मिला साप थुङा गोक्यो, साप थुङा मेताला मि चुक खाला सोन्गीते?” सिरा ठीकराङ ईन। तर ङीमाई परमेश्वरगी मि जीउ साप थुङा मोगोच्या खुदुक जोइओ। बात च्यि सासीन परमेश्वरगी ङुरूङला दि जीउ बिन्दाते रन्डीबाजी थेमे होदि च्योक्ते खिता मेङच्येते काम खिताला मेन, प्रभु येशूला मन परे खित्च्येते काम खिताला ईन। ङुरूङला गोच्येते तेरकान्ते प्रभु येशूराङ ईन।
दोक ओङनामेकीचेन ङुरूङ पाको गाला मेताते मिकी च्योक मिक्किओ। पाको गाला मेताते मिकीचेन परमेश्वर बात ईन सिन सुइँदेकी मेन्दे बात लाप्सीन थे ङेन्ग्यो। लोक्ला ज्येनज्यीगी होथोक्ते ज्येनराङ बात लाप्सीन थेङ ङेन्ग्यो। होथोक्ते बात लोप्कान्ते मिओन ज्येनला छक्के खिताला आउदी च्याङबो ओङगो। थेबेकी चुक खाला ओङगीका पाको गाला मेताते मिओन मिकला छारो ग्याप्ला खोपरोङ लाःक्तु लिन्ग्यो।
सुइँदेकी प्रभु येशू ग्युरला ओङच्येते दिन नाम वाओङा सिन गुला देता माफाबो, थे लेप्कीन सिन्सुङ सिरजीनमेईराङ थेबे बात ङेन्ला दि बात पक्काराङ ईन्ताकाना च्यिन्ताका सिन ज्यीबेकी आते खाला अलमल्ल परे माकेत। थोक सिरकान्ते मिओनगी दि बातनी पावलबेकी परमेश्वर आत्मे छ्य्वापेई साबाते ईन सासीनोङ, पावलबा खोपरोङगीराङ साबाते ईन सासीनोङ कि पावलबेकी चिट्ठीला टिबाते बात ईन सासीनोङ थोक्ते बात ङेनराङ माङेन।
ङिङज्येते फिजावे, सुइँदेकी ङाला दि बात परमेश्वर आत्मेकी सिर च्युताते ईन सिन सिरजीनमेईराङ थोक्ते मि गाङे बात पत्ते माकेत। बरू थेबेकी साबाते बात परमेश्वर आत्मेकी सिर च्युताते ईन्दाकाना मेन्दाका सिन लेमु खाला छ्या स्येबा खि। च्यिला सासीन परमेश्वर बात खित्कान्ते मि ईन सिन मेन्दे बात लोप्कान्ते मिओन सा लुङबा खाङ ठाम्गीन सिन्दा ओत।
ख्योकोन संगति खिन भोज सा बेलाला छ्याःङ ङोचा मिक्किता खाला वाला थेबेकी ख्योकोनताङराङ देत्ला सेइओ। ज्येनला ता फाप्कान्ते मि ईन्सीनोङ थेबेकी सुङगीतेङ छ्याःङ वास्ता मिक्किता खाला भक्कुचूर सोला खोपरोङ सुबा गेङच्ये कामकामा खिओ। थेबानी छ्यार्बे थोपोज्यीगोङ मेताते ल्हाबेकी पुरगीन खेराते मुक्पा च्योक्ते ईन। थेमे फलफूल चिमाईओङ मागोन्दाते चाप्रेनराङ खोर लोगीन क्युरगीन स्याप्ते गुनगी बेले दोङबो च्योकराङ ईन।
ङिङज्येते आज्यो न्वावे, परमेश्वरगी ङुरूङला पापकी सजायदुकी चुक खाईन टाल्सुङा सिन ख्योकोनला चिट्ठी टिक्पाला ङाला आउदी सेम लाबा ओतान। थे बात मेन्देकी थाचेन ङाला ख्योकोनला दि बात टिक्पाराङ फाप्क्यो सिराच्योक लासुङ। च्यि सासीन ज्येनगी जे सासीनोङ, जति दुक्पा बिन्सीनोङ येशूला विश्वास खाईन ङेन्दाते बात ख्योकोनगी ङेन्दा मातोङ। दि बात परमेश्वरगी थे खोरोङ सन्तान गाङेला ङेन सिन बिन्दाते ईन।
ကြော်ငြာတွေ