थेजीनसाक ख्योकोन चुक खिन देता फाप्कीते सासीन मालिकतेकी कोत्कीन ज्याक्पाते ङेन्ला लेमु खाला काम खित्कान्ते मि च्योकराङ ओङा फाप्क्यो। थोक्ते मिलाचेन मालिकतेकी थे खोरोङ खइँसापा डोजीन थे खाम्बादुराङ काम खित्कान्ते ज्येनतेबाला लेमु खाला साप थुङा बिना सिन खाम्बे कामओन जिम्मा बिन्ला डुइओ।
हिब्रू 13:7 - जिरेल7 खेराङला ताकान्ते छ्ये छ्ये मि बात ठेम्बा खि। थेबेकी ख्योकोनला परमेश्वर बात लापा ओतान। दुक्पा किम्मु जस्तो ओङजीनोङ स्यि स्यिसाकराङ थेबेकी चुक खाईन परमेश्वरला विश्वास खाबा ओताने थे ताला ख्योकोनगीङ थेबेकी खाबा च्योकराङ खि। အခန်းကိုကြည့်ပါ။ |
हिब्रू 13:7
27 ပူးပေါင်းရင်းမြစ်များ
यहूदीओनगी थोक खित्जीन पावलताङ बारनाबासकी ज्यीबाराङ मिक्किता खाईन थेबाला “ङ्योकोनगी लोप्कीन ओताते परमेश्वर बात लोपाला ङ्योकोन गोमा ख्योकोन ओत्सादु वाबाते ईन। तर ख्योकोनगी दि बात ईनराङ मेन्दे बात ईन सिन ङेनराङ माङेन्सुङ। दोक खाईन ख्योकोनगी नोमुङ मिसिन्च्येते जुनी मोगोओ सिरा च्योकराङ खासुङ। थोक ईन्देकी था दि बात ङ्योकोन ज्येन ज्येन जातकी मिला लोप डुइओ।
थेमे दुक्पेकी कि खइँदा कारणगी खित्सादु मिला खइँदा दोक खिइ खिइ सिराच्योक लाङच्येते ख्योकोनलाकामा ओङच्येते मेन। परमेश्वर थे खोरोङगी खिओ साबा च्योकराङ खित्कान्ते ईन्देकी होथोक खाला खेराङला खिइ खिइ सिराच्योक लाबाते माक्याबाला ओङराङ मेङगो सिराच्योक ओङे बेलाला थेकी ख्योकोनला पाप खित्सादुकी रोके खिओ। दोक्ते बेलाला थेकी ख्योकोनला पाप खिता माफाप्च्येते शक्ति बिन्ला थार ज्युत्क्यो।
थेमे ङ्योकोन जहिलेङ दि बातकी लाईदुङ परमेश्वरला धन्यवाद सिओ। च्यि सासीन ङ्योकोनगी परमेश्वर बात लोप्जीन थे बात मिकी जोबाते मेन्दाक्वा, परमेश्वर बातराङ दुका सिन ख्योकोनगी ङेन्सुङ। ईन्दाबोङ थे बातचेन परमेश्वर बातराङ ईन। येशूला विश्वास खित्कान ख्योकोन नाङ परमेश्वरगी होथे बातकी छ्य्वापेईराङ काम खिन ओत।
थेमे ज्येन बात खेराङला ताकान्ते छ्ये छ्ये मिकी साबाते ङेन, थेबे अधीनला देत। खेराङला छ्याःङ मेलेबा मेङस्यीत सिन थेबेकी ख्योकोनला तेइनराङ देत्क्यो। थेबेकी चुक चुक खाबे, च्यि खाबे सिन ङीमाई परमेश्वर दोन्दु गाङे हर हिसाब तेरा फाप्क्यो। ख्योकोनगी थेबेकी लाःपा कोताते ङेन्सीन खोपरोङगी खित्च्येते काम थेबाला लेमु लाला गा खिन खिओ। ख्योकोनगी थोक माक्यासीन थेबाला थे काम खिता सेम मालाङो। थेमे ख्योकोनला च्यि फाइदा ओङगीते?
च्यि सासीन ज्येनला परमेश्वर बात लोप्कान्तेकी परमेश्वरगी जे साला दुक थेराङ लोप। थेमे ज्येनला ता फाप्कानगीङ परमेश्वरगी ङाला थोक खित्च्येते शक्ति बिन्दाते ईन सिन थे काम खि। दोक खाला जसकी जे खासीनोङ येशू ख्रीष्ट छ्य्वापेकी परमेश्वरते जय जय खित्च्येते काम खि। परमेश्वरते सधैँभरि जय जय ओङस्यीत। थेकी गाङेपा गाङेला राज्य खिनराङ देत्स्यीत। आमेन।
ङा ख्योकोन आज्यो यूहन्नाङ ख्योकोन च्योकराङ येशूताङ जीउज्यीकराङ ओङाते मि ईन। थोगी ङेङ ख्योकोनगी च्योकराङ खाईन दुक्पा ङेता ओत। थेमे ङाङ परमेश्वर राज्यदु ख्योकोनताङ ङ्योम्बुराङ देता ङेत्क्यो। जस्तो दुक्पा ङेत्सीनोङ ङाङ ख्योकोन च्योकराङ खपे खाईन देता ओत। ज्येनला परमेश्वर बात लापेकी थेमे येशू ख्रीष्ट सु ईन्दे, थेकी च्यि खिते सिन लापेकी खित्सादु ङाला समुन्द्रे किल्दु ओताते पत्मोस लुङबापा उरगीन ताङा ओतान।
थेमे दि तिरी ङे सिंहासनतेबा थेमे थे लाक्तु देत्कान्तेबाला थोङसुङ। थेबालाचेन न्याय खित्च्येते अधिकार बिन्दा ओतान। लोक्ला ङे येशू सु ईन्दे, थेकी च्यि खिते सिन ज्येनला लापेकी थेमे ज्येनला परमेश्वर बात लापेकी खित्सादु गोः तुप्कीन सेताते मिओन आत्मा थोङसुङ। थेबेकी थे जन्तु थेमे थे मूर्तिला माने खाबा मेतान। थेमे खोपरोङ टालाला कि सामे लाक्पाला थे जन्तु मिनगी छाप देक च्युता मेतान। थेबा गाङेराङ दाक सोम्बो लोक्सुङ। थेमे लो हजारज्यीकसाक ख्रीष्टताङ ङ्योम्बुराङ राज्य खासुङ।
ကြော်ငြာတွေ