हिब्रू 13:23 - जिरेल23 ज्येन बात च्यि सासीन ङुरूङ न्वा तिमोथी जेलदुकी थेन्गीन सिन्सुङ। था थे होत्ता ङा ओत्सादु वासीन ङ्योकोन ङिकाराङ ख्योकोन ओत्सापा ओङामीन। အခန်းကိုကြည့်ပါ။ |
हिब्रू 13:23
10 ပူးပေါင်းရင်းမြစ်များ
ङुरूङ न्वा तिमोथीला ख्योकोन ओत्सापा ताङा ओतान। तिमोथीङ ङ्योकोनताङराङ परमेश्वर काम खिन मिओनला ख्रीष्टते गा लाङच्येते बात लोप्कान्ते मिराङ ईन सिन ख्योकोनला सिरा माफाप्तासीन। ज्येनगी दुक्पा तेरजीन ख्योकोन सुङगीङ प्रभु येशूला विश्वास खिता तोङा मेङगो, बरू जति दुक्पा ओङसीनोङ सेम मेसेता खाला थेला विश्वास खिनराङ देता फाप्क्यो सिन आँट तेराला ङ्योकोनगी तिमोथीला थेपा ताङा ओतान। प्रभु येशूला विश्वास खाबेकी खित्सादु ङुरूङगी दुक्पा भोगे खिता फाप्क्यो सिन ख्योकोनला लेमु खाला छ्याराङ ओत।
येशू ख्रीष्टला विश्वास खाईन ङेन्दाते बात ङेन्दा मोतोङा खाला जति दुक्पा ओङसीनोङ थे बातला साबा च्योकराङ खि। नोमुङ मिसिन्च्येते जुनी ङेत्स्यीत सिन परमेश्वरगी खोल्ला थे खोरोङ दोन्दु स्योक सिन काताङाते ईन मेन? थेजीन खुई मि काल्बेई ङोन्दु ङा प्रभु येशू ख्रीष्टला विश्वास खिओ सिनोङ साबा ओत। था थे नोमुङ मिसिन्च्येते जुनी खुई खोरोङ लाःक्तुकी स्योर माज्युत।
थोक ईन्देकी ज्येनला ङुरूङ प्रभु येशू बात लोपा नोमुङ ङोचा माकेत। थेमे थे बात लापेकी ङाला जेलदु ज्याक्पा ओत्सीनोङ खो छ्याःङ ङोचा माकेत। बरू थे गा लाङच्येते बात लोप्जीन खुईङ ङे च्योकराङ खाला दुक्पा भोगे खिता फाप्च्या दुक सासीनोङ थोकराङ खि। थोक खिताला परमेश्वरगीराङ खोल्ला थे खोरोङ शक्ति तेरग्यो।
ကြော်ငြာတွေ