हिब्रू 13:20 - जिरेल20 परमेश्वरगी खाबाते नोमुङ खुदुक मोन्डोच्येते जमान येशूकी थे खोरोङ ज्यान बिन्ला स्यिजीन थे जीउदुकी थेन्दाते ठागी खित्सादु पूरो खाबा ओत। येशूचेन लुक लेमु खाला ताकान्ते छ्येते लुई गोठाला च्योक्ते ईन। मि सेम ढुक्क लोङकान्ते परमेश्वरगी ङुरूङ प्रभु येशूला स्यिसादुकी सोम्बो लोक्पा ओत। အခန်းကိုကြည့်ပါ။ |
हिब्रू 13:20
53 ပူးပေါင်းရင်းမြစ်များ
च्यिला सासीन थेकी ङीमा लेनज्यीक सुङलाङ काका पाका मिक्किता खाला मि गाङेते न्याय खिओ। थे छोमु सु सुला चुक चुक खिता फाप्कीका सिरच्येते टुङ्गोचेन थेकी छाने खाबाते मिज्यीगी खिओ। थे मि थे खोरोङगीराङ छाने खाबाते ईन सिन मिओनगी छ्या स्येस्यीत सिन थेकी थेला स्यिसादुकी सोम्बो लोक्पा ओत,” सिन बात खासुङ।
लो थोक ईन्सीन ङ्योकोनगी नासरतपे येशू ख्रीष्ट मिन लाकीन दि मि ख्याम्बा थुप्स्यीत सानामेई थेकीराङ दिला ख्याम्बा थुप्च्या जोबाते ईन। दि बात था ख्योकोनगीकामा मेन, इस्राएली गाङेकी छ्या स्येबा खि। थोक खित्कान्ते येशू ख्रीष्टला ख्योकोनगीचेन स्यिङगी थामला टाँए खाईन सेत च्युत्सुङ। ख्योकोनगी थोक खासीनोङ परमेश्वरगी थेला स्यिसादुकी सोम्बो लोक च्युता ओत।
थोरूम ज्येन बात च्यि सासीन ङ्योकोननी परमेश्वर विषयला ईनराङ मेन्दाते बात लोप्कान्ते मिका ओङसुङ। च्यिला सासीन परमेश्वरगीराङ ख्रीष्टला सोम्बो लोक्पाते ईन सिन ङ्योकोनगी मिओनला साबा ओत। तर मि स्यिनामेई स्याप्ते स्यापराङ ओङच्या ईन्सीनका परमेश्वरगी ख्रीष्टलाङ सोम्बो लोक्पाते ईनराङ मेन।
लो आज्यो न्वावे, था ज्येन बातका च्यि सिरच्ये, ख्योकोनगी परमेश्वरगी खेराङला ज्वा चाला च्योकराङ लेमु मि ओङस्यीत सिन थोक्ते मि ओङच्ये छ्य्वापा स्येत खि। ङे लाःपा कोताते ङेन्ला था चुक खिता फाप्कीका थोककामा खि, ख्योकोन गाङेराङ सेमज्यीकराङ खाला डिक्ला थुन्ला देत। थोक खासीन गाङेला ङिङज्ये खित्कान्ते थेमे डिक्ला थुन्ला देत ज्युत्कान्ते परमेश्वर ख्योकोनताङ ङ्योम्बुराङ देत्क्यो।
चुक सासीन ख्योकोनला बप्तिस्मा तेरजीन ख्योकोन छ्युई नाङ नुप्जीन ख्रीष्टताङराङ स्यिइन थेत्ताङ दिबाते ईन। थेमे छ्युदुई थेन्जीन परमेश्वरगी ख्योकोनला ख्रीष्टताङराङ सोम्बो लोक्पाते ईन। ख्रीष्टला स्यिसादुकी सोम्बो लोक्कान्ते परमेश्वरताङ छ्येज्यीक शक्ति ओत सिन थेला विश्वास खाबेकी थेकी ख्योकोनला थोक खाबाते ईन।
दोस्यिककामा मेन, थेबेकीचेन था स्वर्गनेकी ग्युरला ओङगो साबाते परमेश्वर फुज्युङ येशूला ख्योकोन गुकीनराङ देत्ला दुक्लो सिरच्येते बादोङ खिदुक। थेला परमेश्वरगी स्यिसादुकी सोम्बो लोक्पा ओत। मिओनला था तिरी परमेश्वरगी स्येदाङगी चूर गाल्ला तेरच्येते सजायदुकी ङुरूङला जोए खित्कान्ते थेराङ ईन।
थेमे सेमला ढुक्क लोङकान्ते परमेश्वरगी ख्योकोनगी मेलेबाते कामताङ बात सिराते छ्याःङ मिक्किस्यीत सिन ख्योकोन सेम खुदुक जोइन देत्स्यीत थेमे ख्योकोन आत्मा, सेम थेमे जीउ जेसुकैला लेमु खाला तेइनराङ देत्स्यीत। दोक खाला था ङुरूङ प्रभु येशू ख्रीष्ट ग्युरला ओङे छोमु ख्योकोन छ्याःङ दोष मेताते मि ओङस्यीत सिन ङ्योकोन प्रार्थना खिओ।
बात दोक दोक ईन्देकी छ्याःङ शंका मिक्किता खाला परमेश्वरला विश्वास खिन सेमदु पाप सिराते छ्याःङ मोज्योबा खाला ङुरूङ थे दोन्दु ड्वा फाप्क्यो। च्यिला सासीन येशू ख्रीष्टकी खाबाते कामगी खित्सादु ङुरूङ पाप गाङे माफ ओङेकी था ईन्सीन ङे पाप पूरो खाईन माफ ओङसुङ सिन ङुरूङ ढुक्क खाला देता थुप्च्या ओङा ओत। थेमे चङगेते छ्युईकी ठु खाईन चोके खाबाते मि ओङा ओत।
होथोक्ते मिकीनी थोक ज्यीबा लाङच्याई सजाय ङेत्क्यो सासीन परमेश्वर फुज्युङला काम्बे पुज्या छेदोङ गने मिक्किकान्ते, दाक्पोन सेम खुदुक जोच्येते जमान पूरो खित्कान्ते परमेश्वर फुज्युङ ठाकला छ्याःङ काम लै मिक्किच्येते च्योक ठाने खित्कान्ते थेमे मिओनला दया खित्कान्ते परमेश्वर आत्मे विरोध खित्कान्ते मिकी झन चुक ज्यीबा लाङच्याई सजाय ङेदोङा सिन ख्योकोन खेराङराङ विचार खि।
ကြော်ငြာတွေ