हिब्रू 13:18 - जिरेल18 थेमे ङ्योकोन लाईदु परमेश्वरला प्रार्थना खिन देता मातोङ। जे खित्जीनोङ सेमदु पापताङ लोभ सिराते छ्याःङ मोज्योबा खाला खिता छोल्कान ईन्देकी ङे दोक खिता ठीक मेन सिराच्योक लाबाते काम ङेराङगी छ्याःङ खाबा मेत सिन ङ्योकोनला लेमु खाला छ्या ओत। အခန်းကိုကြည့်ပါ။ |
हिब्रू 13:18
16 ပူးပေါင်းရင်းမြစ်များ
चुक सासीन ङुरूङगी गाङे ङोन्दु खिता ओङच्येते कामताङ बातकामा खिता फाप्क्यो। ज्येनताङ रूला भक्कुचूर सोला थुला मोज मज्जा खित्च्येते, छ्याङ रक्सीकी जिला ख्याम्च्येते थेमे रन्डीबाजीताङ होदि च्योक्ते खिता मेङच्येते ङोचा लाङच्येते काम खिता मेङगो। ज्येनताङ थोम्मु जीङगा खित्च्येते थेमे मिला डार खित्च्येतेङ खिता मेङगो।
थेमे आज्यो न्वावे, था ङा ख्योकोनला च्यि खि सिन बिन्ती खिते सासीन ङुरूङ प्रभु येशू ख्रीष्टला विश्वास खित्कान्ते मि ईन्देकी थेमे परमेश्वर आत्मेकी ङुरूङला दोक्पोईकी ज्येनज्यीकला ङिङज्ये खित ज्युत्च्येते ईन्देकी ख्योकोनगी ङे लाईदु आउदी खाला परमेश्वरताङ प्रार्थना खि। ङा ङाराङोङ प्रार्थना खिन ओत।
थेमे दि बात ङ्योकोन छ्याःङ ज्यीबा मिक्किता खाला सिरा थुप्क्यो। च्यि सासीन ज्येनगी दोन्दु ईन्स्यीत, ख्योकोन दोन्दु ईन्स्यीत जे खासीनोङ जहिलेङ ङ्योकोनगी सेमला पाप सिराते छ्याःङ मोज्योबा खाईन परमेश्वरगी खि साबा च्योकराङ खाईन लेमुते कामताङ साँचोते बातकामा खाबा ओत। ङेराङ स्येतताङ बुद्धिकी खित्सादु ङ्योकोनगी थोक खिता थुपाते मेन। परमेश्वर दयेकी खित्सादुराङ थोक खिता थुपाते ईन।
थोगी बात चुक सासीन आज्यो न्वावे, ख्योकोनगी लेमुते थेमे खिता ओङच्येते कामताङ बातकीतेकामा विचार खि। चुक सासीन ख्योकोनगी साँचोते बातकामा खित्च्येते, लेमुते कामताङ बातकामा खित्च्येते, अन्याय मिक्किच्येते, मेलेबाते कामताङ बात छ्याःङ मिक्किच्येते, लेमु लाङच्येते थेमे मि सेमला डोच्येते कामताङ बातकीतेकामा विचार खि।
ङे खोल्ला होथे मिओनला दोक खि, थोक माकेत सिन कोत साबातेचेन थेबेकी ज्येनतेबाला ङिङज्ये खित्स्यीत सिनराङ ईन। थोक खाला ङिङज्ये खिताला थेबे सेम लेमु ओङा फाप्क्यो, दाक्पोनला ङे दोक खिता ठीक मेन सिराच्योक लाबाते काम छ्याःङ खिता मेङगो, थेमे खेकीकामा मेन्देकी येशू ख्रीष्टला पक्काराङ खाला विश्वास खिता फाप्क्यो।
परमेश्वरला छ्या मेस्येकान्ते खेराङला मेलेबा मि ईन सिरकान्ते मिओन नाङराङ देता ओत्सीनोङ काम बात जे खित्जीनोङ ख्योकोनगी लेमुतेकामा खि। दोक खाईन ख्योकोनगी लेमुकामा खानामेई था परमेश्वरगी वाला मि गाङे न्याय खिते छोमु ख्योकोनला मेलेबा मि सिन सिरकान्ते होथे मिओनगी ख्योकोन थोक्ते मि मेन्दाक्वा सिन छ्या स्येला परमेश्वरते जय जय खिओ।
ख्योकोनगी काम बात जे खित्जीनोङ हत्तेरिका ङे थोक खिता ओङच्या मेतान सिराच्योक लाङच्येते छ्याःङ माकेत। दोक्ते काम मिक्किता खाईन देत्सीन खेराङ ख्रीष्टकी मि ईन्गीन लेमु कामताङ बातकामा खाबा ओत्सीनोङ मेन्दा मेन्दे बात खाला खेराङला दोष लै खित्कान्ते मिओनगी खोपरोङगी ख्योकोन लेमु मि मेन साबाते बात ठीक मेन्दाक्वा सिन छ्या स्येला ङोचेकी खाराक्पा देत्क्यो।
थे भलदुकी थोक खाईन नूहताङ थे मिओन सोन्दाते बातचेन थरिङोला परमेश्वरगी मिला पापदुकी डेल्च्येते बप्तिस्मा तेरच्येते बातताङ डिइओ। चुक खाला सासीन छ्युला लुक्ला बप्तिस्मा तेरच्येते काम ठु खाला जीउकी ङेक्च्युक क्युरच्येते च्योक मेन। बप्तिस्मा लिन्कान्ते मिकीनी परमेश्वरगी ङाला पापदुकी टाल्ला ङे सेम लेमु जोरस्यीत सिन बप्तिस्मा लिन्च्येते ईन। परमेश्वरगी थोक्ते मिला पापदुकी डेल्च्येतेचेन येशू ख्रीष्ट सोम्बो लोक्पा ओतेकीराङ ईन।
ကြော်ငြာတွေ