हिब्रू 12:27 - जिरेल

²⁷ “ङीमा लेनज्‍यीक लोक्‍ला” साबाते बात च्‍यि ईन्‍दे सासीन थोक खिते छोमुचेन ङुरूङ मिगी थोङच्‍येते थे खोरोङगी जोबातेबरी परमेश्‍वरगी गाङे तोर ज्‍युत्‍क्‍यो। थेकी तोर माच्‍युताते जति ज्‍येनचेन गाङे देत्‍क्‍यो।

हिब्रू 12:27 ပူးပေါင်းရင်းမြစ်များ

मत्ती 24:35

दि साताङ नाम नाश गाल्‍ला तोरला डुइओ। तर ङे साबाते बातचेन फरकराङ परे मिक्‍किओ।

रोमी 8:19

दोक खाला था ङीमाई परमेश्‍वरगी गाङेकी थोङच्‍या खाला थे खोरोङ फुज्‍युङ फुमुला थे खोरोङगी ज्‍वा चाला च्‍योकराङ लेमु जोच्‍येते दिन ओङगो। मि ईन्‍स्‍यीत, जीव जन्‍तु ईन्‍स्‍यीत परमेश्‍वरगी जोबातेबरी जेसुकै थे दिन नाम लेबोङा सिन गुकीनराङ देता ओत।

रोमी 8:21

चुक सासीन थे छोमु परमेश्‍वरगी थे खोरोङ फुज्‍युङ फुमुला पीरताङ दुक्‍पा थेमे स्‍यिच्‍येते कालदुकी टाल्‍ला थे खोरोङगी ज्‍वा चाला च्‍योकराङ लेमु जोइओ। दोक खाला थे खोरोङगी जोबाते जति गाङेला थेकी सजायदुकी डेल्‍ग्‍यो। थेमे थेरू स्‍यिच्‍येते, नाश डोच्‍येते सिराते छ्याःङ मेङगो।

१ कोरिन्‍थी 7:31

ख्‍योकोन गाङेकी दि सा लुङबादु देत देतसाक गोच्‍येते सामानताङ दुरू खिता फाप्‍च्‍येते कामगी विचारकामा खिन मादेत। च्‍यिला सासीन दि सा लुङबादु ओताते जति था जेसुकै सिन्‍ला तोरला डुइओ।

हिब्रू 1:10

परमेश्‍वरगी थे खोरोङ फुज्‍युङ चुक्‍ते ईन्‍दे सिन साबाते बातलाराङ लोक्‍ला “प्रभु परमेश्‍वर, गाङे भन्‍दा गोमा खुईराङ दि सा लुङबा जोबाते ईन। नामताङ नामगी नाङला ओताते जति जोकान्‍तेङ खोराङ ईन।

हिब्रू 13:14

च्‍यिला सासीन दि सा लुङबा ङुरूङते सधैँ देत्‍च्‍येते ठाउँ मेन, ङुरूङनी था स्‍वर्गने ओताते सारदु देतालाका गुकीन देता ओत।

हिब्रू 9:11

तर ख्रीष्‍टचेन मिला पूरो खाला पापदुकी टाल्‍ला लेमु खिताला वाबा ओतान। दि काम खित्‍कान्‍ते थे गाङे भन्‍दा छ्येते पूजारी ईन्‍देकी था थे गाल्‍गीन मि लाईदु पूजारी काम खित्‍च्‍येते ठाउँचेन मिकी जोबाते ठाउँ मेन। थोगी थे ठाउँ दि सा लुङबादु मेत। थे ठाउँनी थाङबो मिओनगी जोबाते पाल भन्‍दा खापान खापान लेमुते ठाउँ ईन।

छ्या स्‍ये च्‍युताते बात 11:15

थेमे पालो दुईनगी बाजि परमेश्‍वर दूतकीङ थे खोरोङ बिकुल फुसुङ। थेमे ङे स्‍वर्गने आउदी कस्‍स्‍ये खाईन “थानामेई दि सा लुङबा गाङे ङुरूङ प्रभु परमेश्‍वर थेमे थेकी छाने खाबाते ख्रीष्‍टकी राज्‍य ओङा ओत। था थेबेकी सधैँभरि राज्‍य खिनराङ देत्‍क्‍यो,” सिन साबाते ङोरो काल्‍बेई थोसुङ।

छ्या स्‍ये च्‍युताते बात 21:1

थेमे ङे साम्‍बाते नामताङ पृथ्‍वी थोङसुङ। थे थोङगी नामताङ पृथ्‍वीचेन तोरगीन सिन्‍दा ओतान। थाचेन थेरू समुन्‍द्रङ मेतान।

छ्या स्‍ये च्‍युताते बात 21:4

था थेकी थेबा गाङे मिकच्‍युक पिला तेरग्‍यो। स्‍यिच्‍येते सिरातेचेन था थेबे नाङ नोमुङ मेङगो। थोकराङ खाला पीर खित्‍च्‍येते, ङ्वा फाप्‍च्‍येते, नाचाताङ दोक्‍ते ज्‍येनतोक दुक्‍पा सिराते था थेबाला छ्याःङ मेङगो। दोक्‍ते गोमे बात था गाङे सिन्‍गीन सिन्‍दा ओत,” सिन सिरा ङे थोसुङ।

छ्या स्‍ये च्‍युताते बात 21:5

थेरूई थे सिंहासन लाक्‍तु देत्‍कान्‍तेकी “था ङा ओताते जति गाङे साम्‍बा जोइओ,” सिन सिदुक। थेमे थेकी ङाला “दि बातओन टि। दिबा गाङे साबाते भन्‍दा नोमुङ खुदुक मोन्‍डोच्‍येते साबा च्‍योकराङ ओङच्‍येते बात ईन,” सिदुक।