हिब्रू 12:14 - जिरेल14 थुपासम्म ख्योकोन ज्येन गाङेताङ डिक्ला थुन्ला देत। सेम खुदुक गालाते मिओनगी खिता फापा च्योकराङ परमेश्वरला मन परे खित्च्येते कामताङ बातकामा खि। दोक मिक्किकान्ते सुङगीङ प्रभु परमेश्वरला थोङा मेङेदो। အခန်းကိုကြည့်ပါ။ |
हिब्रू 12:14
48 ပူးပေါင်းရင်းမြစ်များ
परमेश्वर दोकस्यिकराङ दुक सिन थरिङोलाचेन ङुरूङगी टिक्पी टिक्पीकामा थोङच्येते ऐनाला थोङाच्योक खाला थोङगो। था तिरीचेन थे दोकस्यिक ओताक्वा सिन थेला ठामासोमुला मिगी दोन्दुराङ थोङगो। परमेश्वर सु ईन्दे, थेकी चुक खाला काम खिते सिरच्येते बात थरिङोला ङे टिक्पी टिक्पीकामा छ्या स्येबा ओत। थेकी ङाला दि मि दोक्ते ईन सिन छ्या स्येबाच्योक खाला था तिरीचेन परमेश्वर दोक्ते दुका, थेकी दोकराङ खाला काम खित्च्याक्वा सिन ङे गाङे लेमु खाला छ्या स्येक्यो।
दोक ईन्सीन च्यि थे नियमचेन परमेश्वरगी आशी तेरग्यो सिन खाबाते जमान बातताङ बान्दा मिडिक्च्येते ईन ओना? मेन मेन, दोक पक्काराङ मेन। मिओनगी नोमुङ मिसिन्च्येते जुनी ङेत्स्यीत सिन परमेश्वरगी थे नियम बिन्दा मेतान। थोक ईन्दा ईन्सीन थे नियमला खि साबाते ङेन्कान्तेबाला थेकी दोषी मेन सिरच्या ओतान।
ङे छ्या स्येबा चालाते होथे बातबरी गाङे छ्या स्येकीन सिन्दा ओत थेमे ङाराङगी ङेत्च्येते गाङे ङेत्कीन सिन्दा ओत सिन ङा मिसिरो। थेमे परमेश्वरगी ज्वा चाला च्योकराङ ङाराङ लेमु ओङगीन सिन्दा ओत सिनोङ मिसिरो। येशू ख्रीष्टकी ङाला थे खोरोङ मि जोबा ओतेकी परमेश्वरगी तेरग्यो साबाते इनाम ङेत्च्ये छ्य्वापा ङा थुपासम्म स्येत खिन ओत।
तर खोचेन परमेश्वरगी खि साबाते काम खित्कान्ते मि ईन। थोगी खुई थोक्ते मेलेबा काम छ्याःङ माकेत। खुईचेन परमेश्वरगी खि साबा च्योकराङ खिन देत, थेला चुक खाला माने खिता फाप्च्येते ईन्दे थोकराङ खाला माने खि, येशू ख्रीष्टला विश्वास खिन देत। दोस्यिककामा मेन, ज्येनला ङिङज्ये खि, दुक्पा ओङसीनोङ खपे खिन देत थेमे गाङेताङ खा छ्येत लेमु खि। खुई होदोक दोक खित्च्ये छ्य्वापाकामा सेम लै खि।
थोगी खुईचेन स्यारातेबाला खिता सेम लाङच्येते दाक्पोन सेमला लाबा लाबाच्योक खित्च्येते मेलेबा काम सिराते नोमुङ माकेत। परमेश्वरगी खि साबा च्योकराङ खि, येशूला विश्वास खिन देत, ज्येनला ङिङज्ये खि थेमे ज्येनतेबाताङ डिक्ला थुन्ला देत। येशू ख्रीष्टला प्रभु सिन सिरकान्ते सेमला छ्याःङ पाप मेताते मिओनताङ खुई होदोककामा खिन देत।
थोक ईन्देकी मि काल्बेईला थेबेकी खाबाते गाङे पापदुकी डेलाला ख्रीष्टोङ बाजिईकामा थे खोरोङ ज्यान बिन्गीन स्याप्ते ईन। था थे लोक्ला देमा ग्युरला ओङगो। थोक खाला ओङच्येते लोक्ला गोमा च्योकराङ मि पापकी सजाय भोगे खाला स्याप्ला मेन। थानी ङीमाई थे ग्युरला ओङगो सिन गुकीन देताते मिओनला पूरो खाला पापदुकी टाल्ला स्वर्गने देत खेराला लिन्दालाका ओङच्येते ईन।
ကြော်ငြာတွေ