हिब्रू 11:40 - जिरेल

⁴⁰ थेबे पालोलाराङ थे पूरो माक्‍याबातेचेन थेकी ङुरूङ लाईदु झन लेमुज्‍यीक काम खिताला ठीक खाबा ओतान। च्‍यिला सासीन ङुरूङ लाईदु खिताला ठीक खाबाते कामगी छ्य्‌वापेईराङ थेकी थेबालाङ ङुरूङलाङ पालोईला पूरो खाला पापदुकी टाल्‍ला थे खोरोङ दोन्‍दु ड्वा ङेत्‍कान ज्‍वा चाला ओतान।

हिब्रू 11:40 ပူးပေါင်းရင်းမြစ်များ

हिब्रू 11:16

तर था थेबा देताला डुइन ओताते लुङबानी खोपरोङगी ताङगीन वाबाते लुङबा भन्‍दाङ खापान खापान लेमुते ईन। थेचेन स्‍वर्गने ओत। थोगीराङ खोचेन अब्राहाम, इसहाक थेमे याकूबकी माने खाबाते परमेश्‍वर ईन सिरजीन थेला छ्याःङ ङोचा मालाङो। थेबे परमेश्‍वर ईन्‍देकीराङ थेकी स्‍वर्गने थेबा देत्‍च्‍येते सारोङ जोबा ओत।

हिब्रू 5:9

दोक खाईन परमेश्‍वरगी खि साबाते जति पूरो खाबा ओतेकी थे खोरोङ बात ङेन्‍कान्‍तेबाला थेकी पूरो खाला पापदुकी टाल्‍ला सधैँ स्‍वर्गने देत ज्‍युत्‍क्‍यो।

हिब्रू 7:19

च्‍यिला सासीन थे नियमला खि साबाच्‍योक खासीनोङ मि सुङ पूरो खाईन पापकी छ्य्‌वापेई ठाला माथुप्‍सुङ। तर नियम साटोला थानी परमेश्‍वरगी पूरो खाला पापदुकी ठाल्‍च्‍येते ज्‍येन लाम जोबा ओतेकी ङुरूङते आश ओत। थेकी दोक खाबा ओतेकी थाचेन ङुरूङ थे दोन्‍दु ड्वा थुप्‍क्‍यो।

हिब्रू 7:22

थेकी ना क्‍याल्‍गीन येशूला पूजारी जोबा ओतेकी मोशे पालोला खाबाते जमान भन्‍दा तिरी खाबाते दि जमान छ्ये ईन सिन दाक छ्या स्‍येकीदुक। दि जमान पूरो खित ज्‍युत्‍कान्‍ते येशूराङ ईन।

हिब्रू 8:6

थोक ईन्‍देकी परमेश्‍वरगी मोशे पालोला खाबाते जमान भन्‍दाङ येशूकी खित्‍सादु पूरो ओङाते जमान छ्ये ईन। थोकराङ खाला दुरू पूजारीओनगी खित्‍च्‍येते काम भन्‍दा परमेश्‍वरगी येशूला सोम्‍पे खाबाते पूजारी काम छ्ये ईन। च्‍यिला सासीन येशूकी खित्‍सादु पूरो ओङाते जमानलाचेन झन छ्ये छ्ये बात ओत।

हिब्रू 9:23

थोगीराङ परमेश्‍वरला देताला सिन जोबाते पालचेन स्‍वर्गने ओतातेते नक्‍कलकामा ईन्‍देकी होथोक खाला ठाक थोरला चोके खिता फाप्‍कीन ओतान। तर स्‍वर्गने बात दोक मेन। दुरू पाल चोके खाबाच्‍योक मेन्‍देकी थेने चोके खितालाचेन दुरू जोबाते पालदु तेरच्‍येते भन्‍दा खुदुकराङ छ्येज्‍यीक भोग तेरा फाप्‍च्‍या ओतान।

छ्या स्‍ये च्‍युताते बात 6:11

थेमे थेबा गाङेला खोन्‍दाला कार्मुते खोलाक रेरे तेरगीनकामा “खेराङ च्‍योकराङ परमेश्‍वर काम खित्‍कान्‍ते थोरूम सेता बाँकी ओताते खेराङ आज्‍यो न्‍वालाङ ख्‍योकोनला च्‍योकराङ खाईन सेत्‍कीन मासिनथुप टिक्‍पी दिन गुकीन खि,” सिन सिदुक।