हिब्रू 11:31 - जिरेल

³¹ थे सारदुराङ ओताते राहाब रन्‍डीकी परमेश्‍वरगी थे सार इस्राएलीओनला तेरग्‍यो सिन परमेश्‍वरला विश्‍वास खाबा ओतान। थेमे थे लुङबा चुक दुका सिन चिवा खित डोकान्‍ते इस्राएलीओनला थेकी लेमु खाबा ओतान। थोगीराङ परमेश्‍वर बातला नामज्‍योक मेसेत्‍कान्‍ते थे सारगी मि गाङेला सेत्‍जीन इस्राएलीओनगी थेलाचेन मासेत्‍सुङ।

हिब्रू 11:31 ပူးပေါင်းရင်းမြစ်များ

मत्ती 1:1

येशू ख्रीष्‍टचेन अब्राहाम थेमे दाऊद गेल्‍बो सन्‍तान ईन। थे ज्‍युज्‍यु पुर्खा सु सु ओताने सिन दुरू टिबा ओत। थेबे मिनचेन दिबाराङ ईन।

मत्ती 1:5

बोअज आमे मिन राहाब ओतान। बोअजतेङ ओबेद सिराई फुज्‍युङ ओतान। ओबेद आमे मिनचेन रूथ ओतान। थेमे ओबेद फुज्‍युङ यिशै,

शक्ति काम 15:33

थोक खाला लोप्‍कीन थेबा ङिबो टिक्‍पी दिन थेरूराङ देत्‍सुङ। थेमे थेबा यरूशलेमपा ग्‍युरच्‍येते बात खित्‍जीन थेरू आज्‍यो न्‍वाओनगी खोले खोले ग्‍युगा सिन थेबाला लेमु खाईन ताङसुङ।

हिब्रू 3:18

थेमे परमेश्‍वरगी “ङा ख्‍योकोनला ढुक्‍क खाला देता ङेत्‍च्‍येते ङे खेरग्‍यो साबाते लुङबादु खेरराङ मेखेरो,” सिन ना क्‍यालाते च्‍यि थे खोरोङगी लाःपाते मेङेन्‍कान्‍ते होथे मिओनलाराङ मेनरो?

याकूब 2:25

थोकराङ खाईन राहाब रन्‍डीलाङ थेकी खाबाते कामगी खित्‍सादुराङ परमेश्‍वरगी दोषी मेन सिन साबा ओतान। थेकीचेन खोपरोङ सारगी चिवा खिताला वाबाते मिओनला स्‍यासा बिन्‍गीन थेबाला ज्‍येन लामलेई खाला ग्‍युक सिन ताङा ओतान।

१ पत्रुस 2:8

परमेश्‍वर बातलाराङ “थे दोला मि काल्‍बेई नार्दोक देइओ। ठाःक छेतज्‍यीक ओताते थे दोला मि काल्‍बेई ठोके खाला रिल्‍ग्‍यो,” सिनोङ टिला दुक। परमेश्‍वर बातला नामज्‍योक मेसेत्‍कान्‍ते मिओनराङ थोक खाला रिल्‍ग्‍यो। थोक्‍ते मिओनला होदोक ओङ ज्‍युत्‍क्‍यो सिन परमेश्‍वरगी गोमाका साबा ओतान।

१ पत्रुस 3:20

होथे मिओनगीचेन थाङबो अटेरी खाईन परमेश्‍वर बातला नामज्‍योकराङ सेता मेतान। थेजीन नूहेकी पानीजहाज जोला सिन सिनसाकराङ परमेश्‍वरचेन ना थेबेकी थे खोरोङ बात ङेन्‍गीता सिन गुकीनराङ देता ओतान। थेजीन थे पानीजहाज नाङ स्‍यूकीन मि टिक्‍पीस्‍यिक, खालि मेरा गेतकामा थे छ्युई भलदुई सोन्‍दा ओतान।