हिब्रू 11:25 - जिरेल

²⁵ परमेश्‍वरला विश्‍वास मिक्‍किकान्‍ते मिओनताङ टिक्‍पी दिन किम्‍मु खाला ङ्योम्‍बु देत्‍ला पाप खिता भन्‍दा थेलाचेन परमेश्‍वरगी छाने खाबाते मिओनताङ दुक्‍पा खपे खिताराङ लेमु लासुङ।

हिब्रू 11:25 ပူးပေါင်းရင်းမြစ်များ

मत्ती 13:21

ईन्‍सीनोङ थे बात लेमु खाला सेमगी नाङ मोज्‍योओ। थोगी थे बात ङेन्‍देकी खित्‍सादु तिरी खइँदा दुक्‍पा ङेत्‍जीन, ज्‍येनगी खेदापानी खित्‍जीन थेबेकी थे बात ङेन्‍दा दाक तोङगो।

लूका 16:25

थेकी थोक सिरजीन अब्राहामगी ‘फुज्‍यो, खुई गोमे बात ठेम्‍बा खि। थोङला खुई स्‍यीम्‍बु स्‍यीम्‍बु सोकीन थुकीन जुनी क्‍याङा ओतान। थेजीन लाजरसकी चुकस्‍यिक दुक्‍पा ङेता ओताने सिन खुई टोक ज्‍येता मेतासीन। था दि दुरू आनन्‍द खाईन देत्‍ला दुक। थेमे खोचेन दुक्‍पा भोगे खिन दुक।

शक्ति काम 7:34

थेमे ङे बात ङेन। च्‍यि सासीन मिश्रदु देत्‍कान्‍ते ङे ङाराङ मि सिन छाने खाबाते मिओनगी दुक्‍पा ङेताते ङे थोङा ओत। थेबेकी खोपरोङला दुक्‍पादुकी टाल्‍ला नाङ सिन ङाला प्रार्थना खाबातेङ ङे थोबा ओत। थेबाला थे दुक्‍पा ङेत्‍कीन देताते लुङबादुकी तेन्‍ला खुलाङाला ङा देमा वाबाते ईन। थोगी थेबाला थे दुक्‍पादुकी डेलाला था खो मिश्रमा ग्‍युरला ग्‍युक,’ सिन थेला थेमा ताङसुङ।

रोमी 5:3

दोस्‍यिककामा मेन, ङुरूङनी पीरताङ दुक्‍पे बेलालाङ गा खिओ। च्‍यिला सासीन दुक्‍पा ङेत्‍लाराङ ङुरूङ दुक्‍पा खपे खिता थुप्‍च्‍या डुइओ।

२ कोरिन्‍थी 5:17

च्‍यिला सासीन ख्रीष्‍टताङ जीउज्‍यीकराङ ओङाते मिचेन साम्‍बाते जुनी ङेताते मि ईन। थोगी गोमे बात तोरगीन था थे मिकी गोमा च्‍योक दाक्‍पोन खुशी मिक्‍किता खाला परमेश्‍वरगी खि साबा साबाच्‍योक खिओ।

कलस्‍सी 1:24

ख्‍योकोन लाईदु दुक्‍पा भोगे खित्‍च्‍येतेनी ङाला गा लाङच्‍येते बातका ईन। ख्रीष्‍टकी खिता चालाते काम पूरो ओङस्‍यीत सिन ङाङ ङाराङला ङे जीउकी थोई दुक्‍पा भोगे खिता फाप्‍क्‍यो सिन ओताने थोस्‍यिकराङ दुक्‍पा भोगे खिन ओत। दि दुक्‍पाचेन ङे येशू ख्रीष्‍ट थे खोरोङ जीउ ईन्‍दाते मिओनला लेमु ओङाला भोगे खिता फाप्‍क्‍यो।

२ तिमोथी 1:8

थोक ईन्‍देकी ज्‍येनला ङुरूङ प्रभु येशू बात लोपा नोमुङ ङोचा माकेत। थेमे थे बात लापेकी ङाला जेलदु ज्‍याक्‍पा ओत्‍सीनोङ खो छ्याःङ ङोचा माकेत। बरू थे गा लाङच्‍येते बात लोप्‍जीन खुईङ ङे च्‍योकराङ खाला दुक्‍पा भोगे खिता फाप्‍च्‍या दुक सासीनोङ थोकराङ खि। थोक खिताला परमेश्‍वरगीराङ खोल्‍ला थे खोरोङ शक्ति तेरग्‍यो।

हिब्रू 10:32

थेमे गा लाङच्‍येते बात ङेन्‍दाला स्‍यूनामेई खेराङगी चुक चुक्‍तेन्‍दे दुक्‍पा भोगे खिता फापा ओताने होथे गोमे बाततेबा ठेम्‍बा खि। थे बात ङेन्‍नामेई ङेतासम्‍म दुक्‍पा ङेत्‍जीनोङ ख्‍योकोनगी थे बात ङेन्‍दा बान्‍दा ताङा मेतान।

हिब्रू 11:37

कोईला दोईकी ग्‍याप्‍कीन सेता ओतान, कोईला आरेकी काकीन फेक ङि जोकीन सेता ओतान थेमे कोईला तरवारगी तुप्‍कीन सेता ओतान। थोक खाईन ज्‍येनगी थेबाला खेदा खाईन तेरासम्‍म दुक्‍पा बिन्‍दा ओतान। थोक खाबेकी दुक्‍पा ङेत्‍कीन थेबा रा लुगी कोक्‍तेन खोलाक खोन्‍गीन युगीन देता फापा ओतान।

हिब्रू 4:9

थोगी बात च्‍यिन्‍दे सासीन परमेश्‍वरगी थे खोरोङ मिओनला देत ज्‍युता चालाच्‍योक खाला ढुक्‍क खाला देत ज्‍युत्‍क्‍यो साबाते कामनी थाका पूरो खिओ।

याकूब 1:20

स्‍येदाङ खित्‍कान्‍ते मिकी परमेश्‍वरगी खि साबाच्‍योक खाला लेमु काम खिता मुथुबो।

याकूब 5:5

ख्‍योकोन स्‍यीम्‍बु स्‍यीम्‍बु सेइन थुङगीन किम्‍मु खाईन देत्‍ला दुक। दोक खाईन ख्‍योकोनगी था परमेश्‍वरगी मि गाङे न्‍याय खित्‍च्‍येते दिनगी लाईदु खेराङला पोस्‍ये खाईन ज्‍याक्‍ला दुक।

१ पत्रुस 2:10

गोमा ख्‍योकोनला परमेश्‍वरगी थे खोरोङ मि साबा मेतान, थानी ख्‍योकोन थे मिराङ ईन। परमेश्‍वर चुक ङिङज्‍ये खित्‍कान्‍ते ईन्‍दे सिन थेजीन ख्‍योकोनगी छ्याःङ छ्या स्‍येबा मेतान, थेकी चुक आउदी ङिङज्‍ये खित्‍च्‍या ईन्‍दाका सिन थानी ख्‍योकोनगी छ्या स्‍येबा ओत।

छ्या स्‍ये च्‍युताते बात 18:7

जति थेकी ङा छेतते सु ईन्‍दे, ङात्ताङ छेत सम्‍पत्ति सुङताङ मेत सिन छ्ये खिन किम्‍मु खिन देता ओतान थोस्‍यिकराङ था थेला सुक देक छ्युत, था थेला नोमुङ सेम सन्‍तो खाला देत माज्‍युत। च्‍यिला सासीन थेकी थे मोरोङ सेमगी नाङ ‘ङानी गेल्‍मुका ईन, ङा नोमुङ ख्‍योबो स्‍याप्‍ते फेम्‍मे मि च्‍योक ओङा माफाबो, दुक्‍पाताङ पीर सिराते च्‍यि ईन्‍दे सिन ङे नोमुङ थोङा माफाबो,’ सिन छ्ये खिदुक।