हिब्रू 11:19 - जिरेल

¹⁹ इसहाक विषयला परमेश्‍वरगी साबाते बात थे खोरोङ सेमगी नाङ ओतेकी इसहाकला भोग बिन्‍सीनोङ परमेश्‍वरगी थेला दाक सोम्‍बो लोक्‍पा थुप्‍क्‍यो सिन अब्राहामगी विचार खाबा ओतान। थोगी भोग तेराला ठीक खाबे छोमु परमेश्‍वरगी थोक खित माच्‍युतेकी इसहाकला परमेश्‍वरगी सोम्‍बो लोक्‍पा च्‍योकराङ ओङसुङ।

हिब्रू 11:19 ပူးပေါင်းရင်းမြစ်များ

मत्ती 12:36

दि बात ङेन। च्‍यि सासीन था तिरी परमेश्‍वरगी न्‍याय खिते छोमु मिओनगी दाक्‍पोनगी खाबाते सिरा मेङच्‍येते कामराङ लै मिक्‍किच्‍येते गाङे बातकी हर हिसाब परमेश्‍वरला तेरा फाप्‍क्‍यो।

मत्ती 9:28

येशू थे खोरोङ देत्‍च्‍येते खाम्‍बे नाङने स्‍यूक्‍जीन थेबा ङिबोङ थे तिरी तिरी नाङनेराङ स्‍यूसुङ। थेमे थेकी “च्‍यि ङे ख्‍योकोन मिक थोङच्‍या ज्‍वा थुप्‍क्‍यो सिन ख्‍योकोन पत्ते खिओ?” सिरजीन थेबेकी “खिओ प्रभु, खुई थोक खिता थुप्‍क्‍यो,” सिन सिदुक।

रोमी 5:14

थोक ईन्‍सीनोङ परमेश्‍वरगी गाङे भन्‍दा गोमा जोबाते मि आदम पालोमेकी मोशे पालोसाक मि सुङ कालगी खादुकी थारा माथुप्‍सुङ। च्‍यिला सासीन आदमगी च्‍योक परमेश्‍वर थे खोरोङ खेकीराङ दोक माकेत साबाते माङेन्‍गीन पाप खाबाच्‍योक मेन्‍सीनोङ थेबेकीङ पापचेन खाबा ओतान। थेमे परमेश्‍वरगी तोङगो साबाते मित्ताङ आदमला दाँजे खाला ताजीन थेबे नाङ कोई कोई बात डिक्‍च्‍या कोई बात मिडिक्‍च्‍या थोङगीदुक।

एफिसी 3:20

ङुरूङ नाङ काम खिन ओताते छ्येज्‍यीक शक्ति छ्य्‌वापेई परमेश्‍वरगी ङुरूङगी थेला नाङ साबा भन्‍दाङ काल्‍बेई तेरग्‍यो। थेमे ङुरूङगी विचार खाबा भन्‍दा खापान खापान छ्ये काम खिता थुप्‍क्‍यो।

हिब्रू 9:24

च्‍यिला सासीन ख्रीष्‍ट गाल्‍गीन स्‍यूबाते ठाउँचेन स्‍वर्गने ओतातेते नक्‍कल खाईन परमेश्‍वर देताला सिन मिओनगी जोबाते पाल च्‍योक्‍ते मेन। ख्रीष्‍टनी स्‍वर्गने परमेश्‍वर दोन्‍दुराङ गाला ओत। थे दोन्‍दुराङ देत्‍ला थरिङोला थेकी ङुरूङ लाईदु परमेश्‍वरताङ बात खिओ।

हिब्रू 9:9

थे गोमे कोठाताङ थे नाङ खित्‍च्‍येते गाङे कामगी विचार खित्‍जीन ङुरूङगी थरिङोला दि बातज्‍यीक लेमु खाला खोबा थुप्‍कीदुक। च्‍यि सासीन परमेश्‍वरला जे चढे खासीनोङ, भोग बिन्‍सीनोङ सुङ मि था ईन्‍सीन ङे पाप पूरो खाईन पाप ओङसुङ सिराच्‍योक खाईन ढुक्‍क खाईन देता थुपा मेतान।