हिब्रू 10:36 - जिरेल

³⁶ परमेश्‍वरगी खित ज्‍युता चाला च्‍योकराङ खिता थुप्‍स्‍यीत सिन जस्‍तो दुक्‍पा ओङसीनोङ ख्‍योकोन सेम मेसेता खाला देता फाप्‍क्‍यो। दोक खिन देत्‍सीनकामा थेकी तेरग्‍यो सिन साबाते जति ख्‍योकोनगी ङेत्‍क्‍यो।

हिब्रू 10:36 ပူးပေါင်းရင်းမြစ်များ

मत्ती 10:22

ङे मि ईन्‍देकीराङ मि गाङेकी ख्‍योकोनला मिगी थोङसार्मु खिओ। थोक थोक दुक्‍पा ओङजीनोङ सेम मेसेता खाला ङाला विश्‍वास खिन देत्‍कान्‍ते मिलाचेन परमेश्‍वरगी गाङे दुक्‍पादुकी डेल्‍ग्‍यो।

मत्ती 12:50

स्‍वर्गने देत्‍कान्‍ते ङे आबेकी खि साबा साबाच्‍योक खित्‍कान्‍ते मिओनराङ ङे आमाताङ न्‍वा नुमु ईन,” सिन सिदुक।

मत्ती 21:31

लो था ख्‍योकोन सिते, थेबा ङिबो नाङ खाङगी आबातेकी कोताते ङेन्‍सुङा?” सिन सिरजीन थेबेकी “छ्येतेकीराङ ङेन्‍सुङ,” सिन सिदुक। थेमे थेकी थेबाला “दि बात ङेन। च्‍यि सासीन कर लिन्‍कान्‍ते मिओन थेमे रन्‍डीओन ख्‍योकोन भन्‍दाङ गोमा परमेश्‍वर राज्‍यने स्‍यूक्‍पा ङेत्‍क्‍यो।

मत्ती 24:13

थोक थोक दुक्‍पा ओङजीनोङ सेम मेसेता खाला ङाला विश्‍वास खिन देत्‍कान्‍ते मिलाचेन परमेश्‍वरगी गाङे दुक्‍पादुकी डेल्‍ग्‍यो।

मत्ती 7:21

थेमे ङाला माने खित्‍कान ईन सिन प्रभु खो छ्ये ईन सिन सिरकान्‍ते मि गाङेराङ स्‍वर्गे राज्‍यने स्‍यूक्‍पा मेङेदो। स्‍वर्गने देत्‍कान्‍ते ङे आबेकी खि साबा साबाच्‍योक खित्‍कान्‍ते मिओनकामा थेने स्‍यूक्‍पा ङेत्‍क्‍यो।

मर्कूस 3:35

परमेश्‍वरगी खि साबा साबाच्‍योक खित्‍कान्‍ते मिओनराङ ङे आमाताङ न्‍वा नुमुबा ईन,” सिन सिदुक।

लूका 21:19

थोक थोक दुक्‍पा ओङजीनोङ सेम मेसेता खाईन ङाला विश्‍वास खिन देत्‍सीन ख्‍योकोनगी नोमुङ मिसिन्‍च्‍येते जुनी ङेत्‍क्‍यो।

लूका 8:15

कोई कोईकीचेन परमेश्‍वर बात थोनामेई आउदी लेमु खाला ङेन्‍ग्‍यो। थेबेकी खोपरोङला जे ओङसीनोङ थे बात ङेन्‍दा मोतोङा खाला लेमु काम खिन देत्‍क्‍यो। सबी लेमु ओत्‍साला फापाते सोन साबातेचेन होथोक्‍ते मिओनला साबाते ईन।

यूहन्‍ना 7:17

परमेश्‍वरगी खि साबाते ङेन्‍दा छोल्‍कान्‍ते मिकीकामा ङे लोप्‍च्‍येते बात ङाराङगी जोला लोप्‍च्‍येते ईन्‍दाना परमेश्‍वरगीराङ लोप च्‍युताते ईन्‍दे सिन लेमु खाला छ्या स्‍येक्‍यो।

शक्ति काम 13:22

परमेश्‍वरगी थे लाःक्‍तुकी गेल्‍बो अधिकार ठ्वासुङ। थेमे थे साटोला दाऊदला गेल्‍बो जोसुङ। दाऊद चुक्‍ते मि ईन्‍दे सिन बात खिन परमेश्‍वरगी ‘यिशै फुज्‍युङ दाऊदचेन ङेते मन परे खाबाते मि ईन, दिकीचेन ङे खि साबा साबा च्‍योकराङ खिओ,’ सिन साबा ओतान।

शक्ति काम 13:36

गेल्‍बो दाऊदकीचेन थे खोरोङ पालो मिओनला परमेश्‍वरगी थे खोरोङला खित च्‍युता च्‍योकराङ खाला राज्‍य खिन ओतान। उमेर छाङनामेकी थे स्‍यिसुङ। थेमे थेला थे खोरोङ पुर्खाओन दिसे खादुराङ दिसुङ। थेमे थे दाक रूल्‍गीनोङ गाल्‍सुङ।

रोमी 12:12

थेमे परमेश्‍वरगी ख्‍योकोनगी आश खाईन देता च्‍योकराङ खित्‍च्‍येते ईन्‍देकी ख्‍योकोन गा खिन गुला देत। ज्‍येनगी दुक्‍पा तेरजीन थेमे आपत् विपत् आइ परे खित्‍जीन सेम मेसेता खाला देत। परमेश्‍वरताङ प्रार्थना खिन देता नोमुङ मातोङ।

रोमी 12:2

था ख्‍योकोनगी परमेश्‍वरला माने मिक्‍किकान्‍ते दि सा लुङबे मिओनते च्‍योक्‍ते चालचलनताङ बानी बिवारा गाङे थोङ। खेराङ सेम परमेश्‍वरला खुदुक जोला नाङ साला ख्‍योकोन सेम लेमु ओताते मि ओङा फाप्‍क्‍यो। दोक ओङनामेई परमेश्‍वरगी खेराङला च्‍यि च्‍यि खि सिरच्‍या ईन्‍दाका सिन ख्‍योकोनगी लेमु खाला छ्या स्‍येबा थुप्‍क्‍यो। दोक खाला ख्‍योकोनगी परमेश्‍वरला मन परे खित्‍च्‍येतेताङ लेमुते काम च्‍यि ईन्‍दाका सिन डेला थुप्‍क्‍यो।

रोमी 2:7

था तिरी परमेश्‍वरगी खोपरोङला थेकी ज्‍वा चाला च्‍योकराङ लेमु जोइओ थेमे मान बिन्‍ला नोमुङ मिस्‍यिच्‍येते जुनी तेरग्‍यो सिन थेकी साबाते ङेन्‍ला लेमु कामकामा खिन देत्‍कान्‍ते मिओनलाचेन थेकी नोमुङ मिसिन्‍च्‍येते जुनी तेरग्‍यो।

रोमी 8:25

थोगी परमेश्‍वरगी ङुरूङ लाईदु खिओ साबाते थेकी ङीमाई गाङे साबा च्‍योकराङ खिओ सिन ङुरूङ सेम मेसेता खाईन गुकीनराङ देता ओत।

१ कोरिन्‍थी 13:7

थेकी दाक्‍पोनला जति दुक्‍पा बिन्‍सीनोङ थोक्‍ते मिलाङ ङिङज्‍ये खिन देत्‍क्‍यो, थेकी सुङलाङ शंका मिक्‍किओ, थेकी जो मिङ लेमु काम खित्‍कान ओङा थुप्‍क्‍यो सिन आश खिओ थेमे जस्‍तो दुक्‍पा ओङसीनोङ थे सेम मेसेता खाला देत्‍क्‍यो।

गलाती 6:9

थोगी आ लेमु खालाङ च्‍यि ओङगीतेरो सिराच्‍योक खाला ङुरूङगी लेमु खिन देता तोङा मेङगो। सेम मेसेता खाईन लेमु खिनराङ देत्‍सीनचेन बाली लै खानामेई तिरी बाली रूक्‍पा ङेता च्‍योकराङ खाला लेमु खाबेकी खित्‍सादु ङीमाई ङुरूङगीङ इनाम ङेत्‍क्‍यो।

एफिसी 6:6

थेबेकी खेराङला आउदी लेमु खाला काम खित्‍कान्‍ते दुका सिरस्‍यीत सिन थेबे मिगी दोन्‍दुकामा स्‍याप स्‍याप खाला काम खित्‍जुम माकेत। ख्रीष्‍ट खेराङ मालिक ईन सिन टोक मेज्‍येता खाला परमेश्‍वरगी खि साबाते लेमु खाईन ङेन्‍दा च्‍योकराङ खाला खेराङ काम लेमु खाला खि।

कलस्‍सी 1:11

दोस्‍यिककामा मेन, जस्‍तो ओङसीनोङ सेम मेसेता खाला गा खिन जस्‍तो दुक्‍पाङ खपे खिन देताला परमेश्‍वरगी ख्‍योकोनला थे खोरोङ छ्येज्‍यीक शक्ति तेरस्‍यीत

कलस्‍सी 3:24

थेकी तिरी थे खोरोङ मिओनला इनाम सिन तेरग्‍यो साबाते जति ख्‍योकोनगीङ ङेत्‍क्‍यो सिन ख्‍योकोनला छ्याराङ ओत। ख्‍योकोनगी खिन ओताते काम खेराङ मालिक प्रभु ख्रीष्‍ट लाईदु ईन सिन टोक माज्‍येत।

कलस्‍सी 4:12

थोकराङ खाला खेराङ युलगी मि इपाफ्रासतेङ ख्‍योकोनला नमस्‍ते ओत्‍लो। थेङ येशू ख्रीष्‍ट काम खित्‍कान्‍ते मिराङ ईन सिन ख्‍योकोनला छ्याराङ ओत। ख्‍योकोन काम बात जे कुरोलाङ पाको गालाते मि ओङस्‍यीत थेमे परमेश्‍वरगी खेराङला च्‍यि खि सिका सिन लेमु खाला छ्या स्‍येला खि साबा च्‍योकराङ खित्‍स्‍यीत सिन दिकी ख्‍योकोन लाईदु परमेश्‍वरताङ आउदी खाला प्रार्थना खिदुक।

१ थिस्‍सलोनिकी 1:3

धन्‍यवाद सिरजीनराङ ख्‍योकोनगी येशू ख्रीष्‍टला विश्‍वास खाईन लेमु काम खिताला स्‍यूबाते थेमे ज्‍येनला ङिङज्‍ये खिन झन झन लेमु खाबाते बातकी लाईदु ङुरूङ आबा परमेश्‍वरला धन्‍यवाद सिओ। थे लाईदुकामा मेन, था ङीमाई ङुरूङ प्रभु येशू ख्रीष्‍ट ग्‍युरला ओङगो सिन आश खाईन गुकीन देता ओतेकी जस्‍तो दुक्‍पा ओङसीनोङ ख्‍योकोन सेम मेसेता खाईन देता ओताते बातकी लाईदुङ ङ्योकोन थेला धन्‍यवाद सिओ।

हिब्रू 11:39

परमेश्‍वरगी थे खोरोङला होथोक खाला विश्‍वास खित्‍कान गाङेकी थोक खाबाते लेमु ईन सिन साबा ओतान। ईन्‍दानी परमेश्‍वरगी जमान खाबा च्‍योकराङ खाबाते थेबेकी खोपरोङ सोम्‍बो ओत्‍केलाराङ थोङा माङेत्‍सुङ।

हिब्रू 12:1

परमेश्‍वरला सु सुकी चुक खाईन विश्‍वास खासुङा सिन ङोला ङ्वा मुथुप्‍च्‍या मि बात छ्या स्‍येनामेकी था ङुरूङगी परमेश्‍वरगी दाक्‍पोनला लेपा फाप्‍क्‍यो सासासाक लेपाला जस्‍तो ओङसीनोङ सेम मेसेता खाला जुनी खाङ थेला विश्‍वास खिन देता फाप्‍क्‍यो। दाक्‍पोनला दोक खिताला रोके खित्‍च्‍येते कामताङ बात खिता ङुरूङगी गाङे तोङा फाप्‍क्‍यो। पाप खिता तोङा दुक्‍पा ओत्‍सीनोङ पाप खिताङ ङुरूङगी पूरो खाला तोङा फाप्‍क्‍यो।

हिब्रू 13:21

होदोक खित्‍कान्‍ते परमेश्‍वरगी ख्‍योकोनगी थेकी खिता चालाच्‍योक खिताला ख्‍योकोनला गोच्‍येते स्‍येतताङ बुद्धि तेरस्‍यीत। दोक खाला थेकी ख्‍योकोनला येशू ख्रीष्‍ट छ्य्‌वापेई थे खोरोङला मन परे खित्‍च्‍येते काम खित्‍च्‍येते सेम तेरस्‍यीत। थेते सधैँभरि जय जय ओङस्‍यीत। आमेन।

हिब्रू 6:12

थोगी ख्‍योकोनगीङ अल्‍छी मिक्‍किता खाला चुक खिसे सासीन परमेश्‍वरला विश्‍वास खिन जस्‍तो ओङसीनोङ सेम मेसेता खाला देत्‍कान्‍ते मिओनला ताला होथेबेकी खाबा च्‍योकराङ खि। होथोक खित्‍कान्‍ते मिओनगीचेन परमेश्‍वरगी तेरग्‍यो सिन जमान खाबाते गाङे ङेत्‍क्‍यो।

हिब्रू 6:15

थेमे अब्राहामगी परमेश्‍वरगी थे खोरोङताङ जमान खाबा च्‍योकराङ खिओ सिन लो काल्‍बेईसाक सेम मेसेता खाईन गुकीनराङ देतेकी परमेश्‍वरगी थेला तेरग्‍यो सिन साबाते गाङे बिन्‍सुङ।

हिब्रू 6:17

थे खोरोङगी जमान खाबाच्‍योक पक्‍काराङ खिओ थेमे थे बात बान्‍दा खुदुक मोजोओ सिन सिराला परमेश्‍वरगीङ ना क्‍याला ओतान।

हिब्रू 9:15

थोक खाईन स्‍यिइन ख्रीष्‍टचेन परमेश्‍वरगी तिरी खाबाते जमान पूरो खाला तेरकान्‍ते ओङा ओत। थे थोक खित्‍कान्‍ते ओङेकी खित्‍सादु परमेश्‍वरगी थे खोरोङ दोन्‍दु स्‍योक सिन काताङाते मिओनला नोमुङ मोतोरच्‍या खाला तेरग्‍यो सिन साबाते जति था थेबेकी गाङे ङेत्‍च्‍या ओङा ओत। परमेश्‍वरगी गोमे जमान खानामेई तिरी जमान खित खितसाक मिओनगी खाबाते गाङे पाप माफ तेराला थेबे पापकी सजाय ख्रीष्‍टकी भोगे खाईन स्‍याप्‍की खित्‍सादु थेबेकी ङेत्‍च्‍येते जति ङेत्‍च्‍या ओङाते ईन।

१ पत्रुस 1:9

च्‍यिला सासीन परमेश्‍वरगी खेराङला पूरो खाला पापदुकी टाल्‍ला थे खोरोङताङ देत ज्‍युत्‍क्‍यो सिन ख्‍योकोनला छ्या ओत। ख्‍योकोनगी येशू ख्रीष्‍टला विश्‍वास खाबेकी खित्‍सादु थेकी दोक खित्‍च्‍येते ईन।

१ यूहन्‍ना 2:17

होथोक थोक खित्‍कान्‍ते मिओन स्‍यिला डुइओ थेमे दि सा लुङबाङ था पालोई नाश गाल्‍ला तोरला डुइओ। परमेश्‍वरगी साबा च्‍योकराङ खित्‍कान्‍ते मिचेन सधैँभरि थेत्ताङराङ देता ङेत्‍क्‍यो।

छ्या स्‍ये च्‍युताते बात 13:10

चुक सासीन परमेश्‍वर सन्‍तान नाङ सुइँदा जेलला ड्वा फाप्‍च्‍या ओत्‍सीन थे पक्‍काराङ जेलला डुइओ। थेमे तरवारगी तुप्‍ला सेत्‍च्‍या दुक सासीन थेला तरवारगीराङ तुप्‍ला सेत्‍क्‍यो। दोक ओङसीनोङ परमेश्‍वर सन्‍तानओनगी सेम मेसेता खाला दुक्‍पा खपे खिन देता फाप्‍क्‍यो, येशूला विश्‍वास खिन देता तोङा मेङगो।

छ्या स्‍ये च्‍युताते बात 14:12

परमेश्‍वरगी कोताते खिन येशूला विश्‍वास खिन देत्‍कान्‍ते परमेश्‍वर सन्‍तानओनगी जस्‍तो दुक्‍पा ओङसीनोङ सेम मेसेता खाला थोक्‍ते दुक्‍पा खपे खिन देता फाप्‍क्‍यो।