थेमे थेकी “खोल्ला परमेश्वरगी खि साबा साबा च्योककामा खाला साँच्चीराङ नोमुङ मिसिन्च्येते जुनी ङेता सेम लाङगीदुक सासीन था गाल्ला खोरोङते ओताते जति जेसुकै च्वाला पैसाचेन दुक्पा ङेताते मिओनला गोला बिन। थोक खासीन खुई मिनला स्वर्गने नोमुङ सिन्ला तोरला मोन्डोच्येते स्वर्गे सम्पत्ति जम्मा ओङला देत्क्यो। ङे थाल्ला साबाच्योक खाला खोरोङचेन ङात्ताङ ख्योम,” सिन सिदुक।
हिब्रू 10:34 - जिरेल34 जेलला लुक्पाते मिओनला थुप थुपला ठेत्च्येते थेमे थेबे दुक्पाला ताच्येतेङ ख्योकोनगी खिनराङ ओतान। खेराङगी नोमुङ सिन्ला तोरला मोन्डोच्येते स्वर्गे सम्पत्ति ङेता ओत सिन छ्या ओतेकी खेराङ सम्पत्ति ठ्वाला खेरजीनोङ ख्योकोन सेम मेसेता खाईन देता ओतान। အခန်းကိုကြည့်ပါ။ |
हिब्रू 10:34
28 ပူးပေါင်းရင်းမြစ်များ
थरिङोले ङुरूङ जीउ ङीमा ङि सुम देताला टाँए खाबाते पाल च्योक्तेकामा ईन। स्यिनामेकी ङुरूङ दाक रूल्ला डुइओ सिन ङुरूङला छ्या ओत। ईन्सीनोङ था तिरी परमेश्वरगी ङुरूङला नोमुङ स्यिला रूल्ला मोन्डोच्येते जीउ तेरग्यो। थे जीउचेन मिकी जोबाते खाम्बा च्योक मेन्देकी नोमुङ माराम्च्येते स्वर्गे खाम्बा च्योक्ते ईन।
ख्योकोन विषयला खाबाते दि बात ङे थाराङ खाबाते मेन। ङा ङीन नुप ख्योकोनला सम्झे खिनराङ देत्क्यो। ङा दुरू जेलदु देता ओत्सीनोङ थेमे ङाराङगी लोप्च्येते बात सत्यते ईन सिन बेला बेलाला अड्डादु बयान तेरा फाप्सीनोङ परमेश्वर दयेकी खित्सादुराङ ङे दोक दोक खिता थुपा ओत। ङाला दया खित्कान्ते परमेश्वरगी ख्योकोन गाङेलाङ ङाला च्योकराङ खाला दया खिन ओत।
परमेश्वरगी था तिरी खेराङला स्वर्गने तेरग्यो सिन साबातेबा ङेत्क्यो सिन खेराङगी आश खाईन देताते पक्काराङ ङेत्क्यो सिन छ्या स्येबेकीराङ ख्योकोनगी थोक लेमु खिन ओताते ईन। परमेश्वरगी खेराङला तेरग्यो साबाते ङेत्क्यो सिनचेन ख्योकोनगी सत्यते बात थोनामेई छ्या स्येबा ओत। सत्यते बातचेन गा लाङच्येते बात ईन।
थोगी ङा परमेश्वरगी खि साबा साबा च्योकराङ खित्कान्ते मि ईन सिन था ङे इनाम ङेत्क्यो। थे इनामचेन सुङलाङ काका पाका मिक्किता खाला न्याय खित्कान्ते प्रभु येशू ख्रीष्टकी थे खोरोङ ग्युरला ओङे छोमु ङाला तेरग्यो। थे इनाम थेकी ङालाकामा मेन, थे स्वर्गनेकी ग्युरला ओङगो सिन गा खिन गुला देत्कान्तेबा गाङेला तेरग्यो।
थोक खाईन स्यिइन ख्रीष्टचेन परमेश्वरगी तिरी खाबाते जमान पूरो खाला तेरकान्ते ओङा ओत। थे थोक खित्कान्ते ओङेकी खित्सादु परमेश्वरगी थे खोरोङ दोन्दु स्योक सिन काताङाते मिओनला नोमुङ मोतोरच्या खाला तेरग्यो सिन साबाते जति था थेबेकी गाङे ङेत्च्या ओङा ओत। परमेश्वरगी गोमे जमान खानामेई तिरी जमान खित खितसाक मिओनगी खाबाते गाङे पाप माफ तेराला थेबे पापकी सजाय ख्रीष्टकी भोगे खाईन स्याप्की खित्सादु थेबेकी ङेत्च्येते जति ङेत्च्या ओङाते ईन।
ङिङज्येते फिजावे, था ङुरूङ परमेश्वर फुज्युङ फुमु ओङगीन सिन्दा ओत। था तिरी ङुरूङ चुक ओङोङा सिरच्येते बात थोरूमसाक ङुरूङला छ्या मेत। दि बातज्यीकचेन ङुरूङला लेमु खाला छ्या ओत। च्यि सासीन येशू ख्रीष्ट ग्युरला ओङे छोमु ङुरूङोङ थे च्योकराङ ओङगो। च्यिला सासीन थे जस्तो दुक उस्तोराङ ङुरूङगी थेला थोङा ङेत्क्यो।
ကြော်ငြာတွေ