हिब्रू 10:25 - जिरेल25 थेमे कोई कोईकी गाङेराङ जम्मा ओङसाला ड्वा ताङला दुक। दोक खिता मेङगो। प्रभु येशू ग्युरला ओङच्येते दिन था काल्बेई बाँकी मेत सिन ङुरूङला छ्या ओतेकी बरू ङुरूङगी गाङेराङ जम्मा ओङला परमेश्वरला विश्वास खिनराङ देताला दोक्पोईकी ज्येनज्यीकला आँट तेरा फाप्क्यो। အခန်းကိုကြည့်ပါ။ |
हिब्रू 10:25
32 ပူးပေါင်းရင်းမြစ်များ
ङीमाई लोईन परमेश्वरला प्रार्थना खित्च्येते ठाउँनामा डोजीन ङ्योकोनगी फेम्मे फिजाज्यीकला ठेत्सुङ। थे फेम्मे फिजा योङमु ओतान। थेला खोबा ओताते ल्हन्डीक शक्तिकी खित्सादु थेकी ज्येनला तिरी ओङच्येते बात लाःपा थुप्कीन ओतान। थोगी मि काल्बेई थे ओत्सादु वाला खोपरोङला तिरी चुक चुक ओङच्या दुका सिन तार ज्युत्कीन ओतान। थोक खाईन थे फेम्मे फिजेकी जोबाते पैसाबरीचेन मालिकतेबेकी लिन्च्येते ईन्देकी थेबा आउदी छ्युक्पु गाला ओतान।
ज्येनला सल्लाह बिन्ला आँट तेरा थुप्कान्ते मिकी ज्येनतेबे नाङ दोक खिता फाप्क्यो। थेमे दुक्पा ङेता ओताते मिओनताङ गोला साच्येते सीप बिन्दा ओताते मिकीङ कुच्यीरी मिक्किता खाला तेरा थुपासम्म तेरा फाप्क्यो। थोकराङ खाला सुइँदाला परमेश्वरगी थे खोरोङ सन्तानओनला ताकान्ते छ्येते मि जोला दुक सासीन थोक्ते मिकीङ अल्छी मिक्किता खाला लेमु खाला थे काम खिता फाप्क्यो। नाबाते थेमे सुङ मेताते गरीब दुःखीला ताच्येते सीप ङेता ओताते मिकीङ सुइँदे करला फाप्कीन खाबाच्योक मिक्किता खाला सोचित्तेकीराङ थे काम खिता फाप्क्यो।
था सिइना, येशू ख्रीष्ट मि ख्योकोन गाङेराङ रूबा ओते बेलाला परमेश्वर बात छ्याःङ छ्या मेताते कि येशूला विश्वास खाबा मेताते मिज्यीक थेरू ख्योल्सुङ थेमे थे बेलाला ख्योकोन खेराङगी छ्या मास्येबाते खुदुक खुदुकते भाषाला बात खिन ओता थोसुङ सासीन थेकी ख्योकोनला च्यि सारोङा? च्यि थेकी ख्योकोनला ङ्योबाते मि दुका सिन मिसिरोतरो?
थोगी ङिङज्येते आज्यो न्वावे, था तिरी दोक दोक ओङगो सिन खेराङ गुकीन देता ओतेकी ख्योकोन छ्याःङ गल्ती मेताते, सुङगीङ दिबेकी दोक दोक गल्ती खाबा ओत सिरा मुथुप्च्या थेमे परमेश्वरताङ डिक्ला देत्कान्ते मि ओङा थुप्स्यीत सिन ख्योकोनगी काम बात जे खित्जीनोङ लेमु खित्च्ये छ्य्वापाकामा स्येत खि।
ကြော်ငြာတွေ