हिब्रू 10:23 - जिरेल

²³ ङुरूङचेन परमेश्‍वर खिओ साबा च्‍योकराङ खित्‍कान्‍ते ईन्‍देकी थेकी दाक्‍पोनला तेरग्‍यो साबाते जति गाङे ङेत्‍क्‍यो सिन सिओ। थोगी थेकी थोक खिओ सिन आश खाईन गुकीन देताते ङेत्‍क्‍योतराङ सिन ङुरूङ छ्याःङ शंका मिक्‍किता खाला देता फाप्‍क्‍यो।

हिब्रू 10:23 ပူးပေါင်းရင်းမြစ်များ

१ कोरिन्‍थी 1:9

परमेश्‍वरचेन थे खोरोङगी खिओ साबा च्‍योकराङ खित्‍कान्‍ते ईन। थेकीराङ ख्‍योकोनला थे खोरोङ फुज्‍युङ ङुरूङ प्रभु येशू ख्रीष्‍टताङ ङ्योम्‍बुराङ डिक्‍ला देताला थे खोरोङ दोन्‍दु स्‍योक सिन काताङाते ईन।

१ कोरिन्‍थी 10:13

थेमे दुक्‍पेकी कि खइँदा कारणगी खित्‍सादु मिला खइँदा दोक खिइ खिइ सिराच्‍योक लाङच्‍येते ख्‍योकोनलाकामा ओङच्‍येते मेन। परमेश्‍वर थे खोरोङगी खिओ साबा च्‍योकराङ खित्‍कान्‍ते ईन्‍देकी होथोक खाला खेराङला खिइ खिइ सिराच्‍योक लाबाते माक्‍याबाला ओङराङ मेङगो सिराच्‍योक ओङे बेलाला थेकी ख्‍योकोनला पाप खित्‍सादुकी रोके खिओ। दोक्‍ते बेलाला थेकी ख्‍योकोनला पाप खिता माफाप्‍च्‍येते शक्ति बिन्‍ला थार ज्‍युत्‍क्‍यो।

२ कोरिन्‍थी 9:13

ख्‍योकोनगी थेबे लाईदु खाबाते दि कामगी खित्‍सादु ख्‍योकोनगी ख्रीष्‍टते गा लाङच्‍येते बात ङेन्‍गीन थेरू खि साबा च्‍योकराङ लेमु खाबाते थोङला थेबेकी परमेश्‍वरते जय जय खिओ। ख्‍योकोनगी थेबाला थेमे ज्‍येनला गोच्‍येते तेरा थुपासम्‍म बिन्‍गीन लेमु खाबे लाईदुङ थेबेकी परमेश्‍वरते जय जय खिओ।

१ थिस्‍सलोनिकी 5:24

ख्‍योकोनला थे खोरोङ दोन्‍दु स्‍योक सिन कातोङकान्‍ते परमेश्‍वर थे खोरोङगी खिओ साबा च्‍योकराङ खित्‍कान्‍ते ईन्‍देकी थेकी ख्‍योकोनला ङ्योकोनगी प्रार्थना खाबाच्‍योक खाला लेमु खिओ।

२ थिस्‍सलोनिकी 3:3

प्रभु येशू थे खोरोङगी खिओ साबा च्‍योकराङ खित्‍कान्‍ते ईन्‍देकी थेकी ख्‍योकोनला थे खोरोङला विश्‍वास खिन देत्‍च्‍येते शक्ति तेरग्‍यो थेमे खेराङला मेलेबा खित्‍कान्‍ते शैतान लाःक्‍तुकीङ जोए खाला ज्‍य्‌वाक्‍यो।

तीतस 1:2

ङे थेबे नाङ दि काम खित्‍जीन थेबेकी नोमुङ मिसिन्‍च्‍येते जुनी ङेत्‍क्‍यो सिरच्‍येते बात पक्‍काराङ ईन सिन आश खाला गुला देता थुप्‍क्‍यो। दोक खाला मिओनला नोमुङ मिसिन्‍च्‍येते जुनी तेरग्‍यो सिन परमेश्‍वरगी थाङबो जुगलाराङ साबा ओतान। थेकी नोमुङ ढाँर मिक्‍किओ।

हिब्रू 11:11

परमेश्‍वरगी साबा च्‍योकराङ खिओ सिन अब्राहामगी थेला विश्‍वास खाबेकीराङ थे खोरोङ थेमे फेम्‍मेते सारा थोक गान्‍दा गाम्‍मा गाला ओत्‍सीनोङ थेबेते फिजा केसुङ। सारा नोमुङ फिजा क्‍या मुथुप्‍च्‍या ओत्‍सीनोङ परमेश्‍वरगी जमान खाबा च्‍योकराङ खिओ सिन अब्राहामगी थेला विश्‍वास खाबेकी थेबेते फिजा केसुङ।

हिब्रू 3:1

बात दोक दोक ईन्‍देकी आज्‍यो न्‍वावे, ख्‍योकोनचेन स्‍वर्गने देताला परमेश्‍वरगी थे खोरोङ दोन्‍दु स्‍योक सिन काताङाते मि ईन्‍देकी येशू चुक छ्ये ईन्‍दे सिरच्‍येते बातकीतेकामा ध्‍यान खिन देत। थेचेन परमेश्‍वरगीराङ खटे खाईन ताङाते थेमे गाङे भन्‍दा छ्येते पूजारी ईन। थे पक्‍काराङ होदोक छ्ये ईन सिन ङुरूङ थेला विश्‍वास खिओ।

हिब्रू 3:14

च्‍यिला सासीन स्‍याप छोमुसाकराङ ङुरूङगी परमेश्‍वरगी खिओ साबाच्‍योक पक्‍काराङ खिओ सिरच्‍येते बातला गोमा खाबा च्‍योकराङ छ्याःङ शंका मिक्‍किता खाला देता फाप्‍क्‍यो। दोक खाईन देत्‍सीन ख्रीष्‍टताङ डिक्‍ला ङुरूङगी थेकी ङेत्‍च्‍येते आशी ङेत्‍क्‍यो।

हिब्रू 3:6

ख्रीष्‍टकीङ थे खोरोङ काम लेमु खाईन खाबा ओतान। तर थेचेन मोशा च्‍योक्‍ते मेन। मोशा सुइँदे खाम्‍बादु काम खित्‍कान्‍ते मि च्‍योक ओतान सासीन ख्रीष्‍टचेन होथे खाम्‍बे धनी फुज्‍युङ च्‍योकराङ ईन। थेमे ङुरूङचेन थे खाम्‍बे मि ईन। थोक ईन्‍सीनोङ जस्‍तो ओङजीनोङ ज्‍यीबा मिक्‍किता खाईन थेमे सेम मेसेता खाईन परमेश्‍वरगी था तिरी दाक्‍पोनला तेरग्‍यो साबाते गाङे ङेत्‍क्‍यो सिन थेला विश्‍वास खिन देत्‍सीनकामा ङुरूङ थे खाम्‍बे मि ईन।

हिब्रू 4:14

स्‍वर्गने गाल्‍गीन परमेश्‍वर दोन्‍दु देताते परमेश्‍वर फुज्‍युङ येशू ङुरूङते गाङे भन्‍दा छ्येते पूजारी ईन्‍देकी ङुरूङगी थेला विश्‍वास खाईन ङेन्‍दाते बात ङेन्‍दा मोतोङा खाला देता फाप्‍क्‍यो।

हिब्रू 6:18

परमेश्‍वरगी पालोई खाबाते बात बान्‍दा फरक परे मिक्‍किओ सिन छ्या स्‍येबाला बात ङि ओत। बातज्‍यीकचेन परमेश्‍वरगी मिओनला ङा दोक दोक खिओ सिन जमान खाबा ओतान। थेमे ज्‍येनतेचेन खाबाते जमान पक्‍काराङ पूरो खिओ सिन ना क्‍याला ओतान। दि बात ङि नोमुङ खुदुक ड्वा मुथुबो। परमेश्‍वरगी नोमुङ ढाँर मिक्‍किओ। दोक ईन्‍देकी थेकी खिओ साबाच्‍योक पक्‍काराङ खिओ सिन दाक्‍पोनगी आश खाईन देताते बातला ङुरूङ छ्याःङ शंका मिक्‍किता खाला देता थुप्‍क्‍यो।

याकूब 1:6

ईन्‍दालाचेन परमेश्‍वरला दोक सिन प्रार्थना खित्‍कान्‍ते मिकी थेकी ङे नाङ साबाते तेरगीता मेतेरता सिन छ्याःङ शंका खिता मेङगो। थे खोरोङगी नाङ साबाते परमेश्‍वरगी पक्‍काराङ तेरग्‍यो सिन थेकी थेला विश्‍वास खिता फाप्‍क्‍यो। शंका खित्‍कान्‍ते मिनी ल्‍हाबेकी जता जता हुत्ते खाला खेरगीदुक थेपा थेपाराङ डोच्‍येते समुन्‍द्रे छाल च्‍योकराङ ईन।

छ्या स्‍ये च्‍युताते बात 3:11

था ङा होत्ताराङ ओङगीन ओत। खेराङगी थोरूमसाक खिन ओताच्‍योक लेमु खिनराङ देत। दोक खिनराङ देत्‍सीन ख्‍योकोनला ङे तेरच्‍येते श्रीपेज सुङगीङ ठ्वाला खेरा मुथुबो।