थेमे ङाचेन खालि खोपरोङ पापी दुका सिन छ्या स्येकीन परमेश्वर छ्य्वापा लै खाबाते मिओनला छ्युलाकामा लुक्ला बप्तिस्मा तेरग्यो। था ङे तिरी मिज्यीक ओङगो। थेचेन ङा भन्दा खापान खापान छ्ये ईन। सिइराङ सासीन ङानी थेते योक्पो ओङला काचाप खुरला थे तिरी ख्याम्बालाङ सोई मिक्किओ। थेकीचेन ख्योकोनला परमेश्वर आत्मा तेरच्येतेताङ मेला लुक्ला न्याय खित्च्येते काम ङिकाराङ खिओ।
हिब्रू 10:22 - जिरेल22 बात दोक दोक ईन्देकी छ्याःङ शंका मिक्किता खाला परमेश्वरला विश्वास खिन सेमदु पाप सिराते छ्याःङ मोज्योबा खाला ङुरूङ थे दोन्दु ड्वा फाप्क्यो। च्यिला सासीन येशू ख्रीष्टकी खाबाते कामगी खित्सादु ङुरूङ पाप गाङे माफ ओङेकी था ईन्सीन ङे पाप पूरो खाईन माफ ओङसुङ सिन ङुरूङ ढुक्क खाला देता थुप्च्या ओङा ओत। थेमे चङगेते छ्युईकी ठु खाईन चोके खाबाते मि ओङा ओत। အခန်းကိုကြည့်ပါ။ |
हिब्रू 10:22
66 ပူးပေါင်းရင်းမြစ်များ
ङुरूङला पापकी सजायदुकी टाल्सुङ। थेकी थोक खाबाते ङुरूङगी थेकी खि साबा साबाच्योक खाबेकी खित्सादु मेन। ङुरूङला आउदी खाला ङिङज्ये खितेकी खित्सादुकामा थेकी थोक खाबाते ईन। थेकी ङुरूङला ठु खाईन चोके खाबाच्योक खाईन परमेश्वर आत्मे छ्य्वापेकी लोईन केर च्युताच्योक खाईन साम्बाते जुनी बिन्गीन खुदुक जोसुङ।
परमेश्वरगी मि नाङ थे खोरोङ नियम छ्य्वापेई खिता चालाते कामताङ तिरी थेबाला लेमु खिओ साबाते काम दोक्पोईराङ मेतान। थे नियमचेन तिरी थेकी लेमु खिओ साबाते कामगी नक्कलकामा ओतान। थोगीराङ थे नियमला साबाच्योक खाईन पूजारीओनगी लोई ठाङमा परमेश्वरला याङ याङ पशुतेबा भोग तेरगीन देत्सीनोङ थेला माने खिताला थे दोन्दु डोकान सुङगीङ नोमुङ था ईन्सीन ङे पाप गाङे माफ ओङसुङ सिन सिरा थुपा मेतान।
ईन्दालाचेन परमेश्वरला दोक सिन प्रार्थना खित्कान्ते मिकी थेकी ङे नाङ साबाते तेरगीता मेतेरता सिन छ्याःङ शंका खिता मेङगो। थे खोरोङगी नाङ साबाते परमेश्वरगी पक्काराङ तेरग्यो सिन थेकी थेला विश्वास खिता फाप्क्यो। शंका खित्कान्ते मिनी ल्हाबेकी जता जता हुत्ते खाला खेरगीदुक थेपा थेपाराङ डोच्येते समुन्द्रे छाल च्योकराङ ईन।
थे खोरोङगी गोमामेई खिता चाला च्योकराङ खाईन आबा परमेश्वरगी ख्योकोनला थे खोरोङ मि सिन छाने खाबा ओत। ख्योकोनगी येशू ख्रीष्टकी खि साबा साबा ङेन्स्यीत सिन परमेश्वर आत्मेकी ख्योकोन सेम खुदुक जोबा ओत। थेमे येशू ख्रीष्ट स्यिजीन थे जीउदुकी थेन्दाते ठागी खित्सादु ख्योकोन पाप माफ ओङा ओत। आबा परमेश्वरताङ प्रभु येशू ख्रीष्टकी ख्योकोनला झन झन दया खाला लेमु खिनराङ देत्स्यीत।
थे भलदुकी थोक खाईन नूहताङ थे मिओन सोन्दाते बातचेन थरिङोला परमेश्वरगी मिला पापदुकी डेल्च्येते बप्तिस्मा तेरच्येते बातताङ डिइओ। चुक खाला सासीन छ्युला लुक्ला बप्तिस्मा तेरच्येते काम ठु खाला जीउकी ङेक्च्युक क्युरच्येते च्योक मेन। बप्तिस्मा लिन्कान्ते मिकीनी परमेश्वरगी ङाला पापदुकी टाल्ला ङे सेम लेमु जोरस्यीत सिन बप्तिस्मा लिन्च्येते ईन। परमेश्वरगी थोक्ते मिला पापदुकी डेल्च्येतेचेन येशू ख्रीष्ट सोम्बो लोक्पा ओतेकीराङ ईन।
ကြော်ငြာတွေ