हिब्रू 1:14 - जिरेल14 परमेश्वर दूतओननी गाङेराङ परमेश्वरगी कोता कोता खित्कान्तेबाकामा ईन। थेबा दोकस्यिकराङ दुक सिन मिगी थोङा मुथुबो। परमेश्वरगी थेबाला थे खोरोङगी पूरो खाला पापदुकी टाल्ला स्वर्गने देत ज्युत्च्येते मिओनला मद्धत तेराला गाङेपा ताङा ओत। အခန်းကိုကြည့်ပါ။ |
हिब्रू 1:14
65 ပူးပေါင်းရင်းမြစ်များ
थोक खाईन थे ज्योतिषीओन गाल्नामेकी थे छोमु ग्वासेराङ यूसुफकी मिलामला प्रभु परमेश्वर दूतज्यीकला थोङसुङ। थेमे थे दूतकी थेला “यूसुफ, खोक ल्वा थेमे दि फिजाताङ आमातेला टीला दुरूकी छिटो मिश्रे लुङबामा ग्युक। लोईन ङे छ्याःङ मासाथुपचेन थेमाराङ देत। च्यिला सासीन हेरोद गेल्बोकी दि फिजाला सेता चाल्ला दुक,” सिन बात खासुङ।
ज्येन ज्येन जातकी मि नाङ काम खिताला थेकीराङ ङाला येशू ख्रीष्ट काम खित्कान्ते मि सिन खटे खाबाते ईन। थोगी ङा ज्येन ज्येन जातकी मिला परमेश्वर गा लाङच्येते बात लोप्क्यो। परमेश्वर आत्मेकी थेबे सेम खुदुक जोला थेबा परमेश्वरला चढे खाबाते थेला मन परे खित्च्येते भोग च्योकराङ ओङस्यीत सिन ङा दोक खाला लोप्च्येते काम खिओ।
खोपरोङ खुशीकीराङ थेबेकी थोक खाबा ओतान। ईन्दाका थेबेकी दोक खिता फाप्च्येतेराङ ईन। च्यिला सासीन परमेश्वरगी खोपरोङला आशी बिन्गीन लेमु खानामेई यहूदी परमेश्वर सन्तानओनगी ज्येन ज्येन जातकी मिलाङ थे बात लाप्कीन बिन्देकी थेबेकीङ परमेश्वरगी तेरच्येते आशी ङेत्च्या ओङाते ईन। दोक खाईन थेबेकी यहूदीओनला परमेश्वरगी बिन्दाते आशी ङेत्नामेई थेबेकीङ खोपरोङताङ ओताते सम्पत्ति यहूदीओनताङ गोला साच्येते ठीकराङ ईन।
थे फुज्युङ फुमु ओङनामेई थे खोरोङ फुज्युङ फुमुला तेरग्यो साबाते जेसुकै परमेश्वरगी ङुरूङला तेरग्यो। थोक खाला येशू ख्रीष्टकी ङेत्च्येते ङुरूङगीङ ङेत्क्यो। ईन्दालाचेन येशू ख्रीष्टकी खाबा च्योकराङ ङुरूङगीङ थरिङोला दुक्पा भोगे खिता फाप्क्यो। थेमे थेला छ्येज्यीक मान बिन्दा च्योकराङ परमेश्वरगी ङुरूङलाङ मान बिन्ला थे खोरोङगी ज्वा चाला च्योकराङ लेमु जोइओ।
दोक खाईन आउदी बुद्धि पुरे खाला काम खित्कान्ते परमेश्वरगी दि सा लुङबे मिओनगी जति बुद्धि खिये खासीनोङ खोपरोङ बुद्धिकी थेला छ्या स्येबा मुथुबो सिन तेन्गीन बिन्दा ओत। मिओनगी लेम्बे बात ईन सिरच्येते ङ्योकोनगी लोप्च्येते बातराङ मिओनगी ङेन्स्यीत थेमे दि बात ङेन्ला येशूला विश्वास खित्कान्तेबाला पापकी सजायदुकी डेल्ग्यो सिन परमेश्वरगी टुङ्गो खाईन दोक खिताराङ थेला लेमु लासुङ।
थे बातचेन दिराङ ईन। च्यि सासीन येशू ख्रीष्टकी खाबाते कामगी खित्सादु थाचेन परमेश्वरगी ज्येन ज्येन जातकी मिलाङ थे खोरोङगी छाने खाबाते इस्राएलीओनला तेरच्येते जति गाङे तेरच्या ओङा ओत, थेबालाङ ज्येन गाङेताङ डिक्पा खाईन जीउज्यीकराङ जोबा ओत थेमे गोमा थेकी थे खोरोङ मिओनताङ लेमु खिओ सिन जमान खाबा ओताते जति गाङे थेबे लाईदुङ खाला तेरच्या ओङा ओत। दि बाततेबा थेबाला लोप्च्येते गा लाङच्येते बातला साबा ओत।
थेमे ङाला ङाराङ न्वा इपाफ्रोडिटसला ख्योकोन ओत्सापा ग्युरला तोङा लेमु ईन सिराच्योक लाबेकी ङे दिला थेपा ताङा ओत। दि ङात्ताङ डिक्ला गा लाङच्येते बात लोप्कान्ते थेमे ङाराङ च्योकराङ दुक्पा खाला ज्येनला दि बात लोप्च्येते काम खित्कान्ते मि ईन। ङाला मद्धत खित्स्यीत सिन ख्योकोनगी दिला ङा ओत्सापा ताङा ओतान।
थे नियम मेङेन्कान्तेबेकीनी सजाय ङेता ओतान सासीन परमेश्वरगी मिओनला पापकी सजायदुकी डेल्ग्यो सिरच्येते दोक लेमुते बात माङेन्सीन ङुरूङ चुक खाला सजाय छ्य्वापेई थारगीतेरो? परमेश्वरगी मिला पापकी सजायदुकी डेल्च्येते बात गोमा प्रभु येशूकी लापाते ईन। थेमे थेकी लापाते बात थोकान्तेबेकी थे बात सत्यते ईन सिन ङुरूङला लाप्कीन बिन्दा ओत।
थोक ईन्देकी मि काल्बेईला थेबेकी खाबाते गाङे पापदुकी डेलाला ख्रीष्टोङ बाजिईकामा थे खोरोङ ज्यान बिन्गीन स्याप्ते ईन। था थे लोक्ला देमा ग्युरला ओङगो। थोक खाला ओङच्येते लोक्ला गोमा च्योकराङ मि पापकी सजाय भोगे खाला स्याप्ला मेन। थानी ङीमाई थे ग्युरला ओङगो सिन गुकीन देताते मिओनला पूरो खाला पापदुकी टाल्ला स्वर्गने देत खेराला लिन्दालाका ओङच्येते ईन।
ङिङज्येते आज्यो न्वावे, दि बात लेमु खाला ङेन। येशू ख्रीष्टला विश्वास खित्कान्ते मि ओङला थे खोरोङ राज्यदु देताला च्यि परमेश्वरगी ज्येनगी छ्याःङज्यीक खाङज्यीक मेताते मि ईन सिरच्येते मिओनलाराङ छाने खाबाते मेनरो? था थेबा परमेश्वरगी थे खोरोङला ङिङज्ये खित्कान्ते मिओनला तेरग्यो साबाते राज्यदु देता ङेत्क्यो।
परमेश्वरगी खोपरोङला सिर च्युताते होदि बातओन थेबा खोपरोङ लाईदु मेन्देकी ख्योकोन लाईदु ईन सिन परमेश्वरगी थेबाला छ्या स्ये च्युता ओतान। थेबेकी साबाते होथे बाततेबा थरिङोला गा लाङच्येते बात लोप्कान्ते मिओनगी ख्योकोनला लाप्कीन बिन्दा ओत। दि गा लाङच्येते बात परमेश्वरगी स्वर्गनेकी ताङाते परमेश्वर आत्मे छ्य्वापेई थेबेकी ख्योकोनला लाप्कीन बिन्दा ओत। होदि बातओन परमेश्वर दूतओनगीङ आउदी खाला छ्या स्येबा सेम खिओ।
थेमे ख्योओ मिवे, फेम्मे मि खेराङ छेत ङार्मा मेङगो सिरच्येते बात टोक मेज्येता खाला ख्योकोनगी दाक्पोन फेम्मेला लेमु खि। परमेश्वरगी थेबालाङ ख्योकोनला च्योकराङ खाला दया खाला नोमुङ मिसिन्च्येते जुनी तेरग्यो सिरच्येते बादोङ टोक माज्येत। ख्योकोन खेराङ खेराङगी चुक खिता फाप्च्या ईन्दाका थोकराङ खासीन परमेश्वरगी ख्योकोनगी खाबाते प्रार्थना ङेन्ग्यो।
थेरूई ङे थे सिंहासन दोन्दु लाकीन देताते लुई रीउज्यीक थोङसुङ। थे सिंहासनताङ थे लुई रीउकी फेरोलाचेन थे ङेपाक ओताते थरी स्यीबो थेमे थे मेरा खालज्यीकताङ स्यीबो छ्ये छ्येतेबा देता ओतान। थेला थोताते मा ताजीन थे लुई रीउ सेताते च्योकराङ थोङगीन ओतान। थेते रोज्यो दुईनताङ मिक दुईन ओतान। थे मिक दुईनचेन दि सा लुङबा खाङ खुदुक खुदुक काम खिताला ताङाते परमेश्वर आत्मा दुईनबो ईन।
ကြော်ငြာတွေ