गलाती 6:1 - जिरेल1 आज्यो न्वावे, ख्योकोन नाङ सुइँदेकी गल्ती खासीन परमेश्वर आत्मेकी खि साबाच्योक खित्कान ख्योकोनगीचेन खेराङगीङ दाक गल्ती खिता थुप्क्यो सिन टोक मेज्येता खाला थेकी थोक खाबाते लेमु मेन, थानामेकी थोक माकेत सिन खा छ्येत लेमुकीराङ सम्झे खाला बिन। အခန်းကိုကြည့်ပါ။ |
गलाती 6:1
41 ပူးပေါင်းရင်းမြစ်များ
आज्यो न्वावे, ङे ख्योकोनताङ परमेश्वर आत्मेकी खित ज्युता चालाच्योक खित्कान्ते मिओनताङ च्योक खाईन बात खिता माथुप्सुङ। बरू दाक्पोन खुशीला ख्याम्कान्ते मिओनताङ च्योक खाईन बात खिता फाप्सुङ। ख्रीष्टला विश्वास खित्च्येते बात विचार खित्जीन ख्योकोन थोरूमसाक पाको गाला मिन्दुक, बालकते फिजा च्योकराङ दुक।
ख्यावा फेम्मे ओङगीन सिन्नामेई दोक्पोईकी ज्येनज्यीक खाँचो टारे खिता फाप्च्येते ईन्देकी ख्योकोन ठाल्ला माङ्याल। परमेश्वरताङ प्रार्थना खिताला कहिलेकहीँ ङिकारगी सल्लाह खाला ङ्योम्बुराङ ङ्याल्च्येते बातकीते ङुरूङ छ्याःङ विचार मिक्किकी सिन सासीनोङ ज्येन बेलाला ठाल्ला माङ्याल। ठाल्गीन ङ्याल्सीन ख्योकोनगी दाक्पोन सेम थामे खिता मुथुबो। थेमे शैतानगी ख्योकोनला पाप खित ज्युत्क्यो।
थेमे ज्येन बात कोई कोईकी ङा ख्योकोन दोन्दु ओत्जीनचेन बात खितालाङ ज्यीबा खिन ओतान, थारीला गाल्नामेईचेन ङाराङ ईन सिराच्योक खाला बात खित्च्याक्वा सिन ङे बात खिदुक्लो। था ङा पावल ख्रीष्टकी खाबा च्योकराङ ङाराङ ईन सिराच्योक मिक्किता खाला थेमे स्येदाङ मिक्किता खाला ख्योकोनताङ बात खितामीन।
आज्यो न्वावे, था ज्येन बात च्यि सासीन परमेश्वरला चुक्ते काम मन परे खिते, ख्योकोनगी चुक खाला देता फाप्कीते सिन ङ्योकोनगी ख्योकोनला लाप्कीन बिन्दा ओत। ङ्योकोनगी लापाच्योक खाला ख्योकोन कामोङ खिनराङ दुक। प्रभु येशूताङ जीउज्यीकराङ ओङाते मि ईन्देकी ङ्योकोन ख्योकोनला थोरूमसाक खिन ओताच्योक खिन देता मातोङ, झन लेमु खाला दोक खिनराङ देत सिन सिओ।
थेकीचेन थे खोरोङगी लोप्च्येते बातताङ मिडिक्च्येते बात खित्कान्ते मिओनताङ खा छ्येत लेमुकीराङ थेबेकी चुक्ते बात लोपा फाप्च्येते ईन्दे सिन लाप्ला तेरा फाप्क्यो। परमेश्वरगी थेबाला खोपरोङगी चुक मेलेबा खाबा ओता ईन्दाका सिन छ्या स्येच्येते मौका तेरगीतासीन सिन थेमे थेबेकी सत्यते बात च्यि ईन्दाका सिन लेमु खाला छ्या स्येकीतासीन सिन थेबाला होदोक खाला लाप्ला तेरा फाप्क्यो।
बरू येशू ख्रीष्टराङ खेराङ मालिक ईन सिन टोक माज्येत, थेला मान खि। थेमे परमेश्वरगी तिरी तेरग्यो साबातेबा ङेत्क्यो सिन खेराङगी आश खाबाते पक्काराङ ङेत्क्यो सिन ख्योकोन चुक खाला सिते सिन ठिकान गाङेला ख्योकोनगी जहिलेङ लाःप्ला बिन। थेबे सेमला फोक्च्येते बात छ्याःङ मिक्किता खाला थोक्ते मिओनताङ ख्योकोनगी खा छ्येत लेमु खाला बात खि।
थेमे ख्योकोन सुइँदेकी खेराङ आज्यो न्वा सुइँदेकी पाप खिता थोङसीन थेमे थे पाप खाबेकी थे स्यिला नरककुण्डमा स्यूक्पा फाप्च्या मेत्सीन ख्योकोन थोक खिता थोङकानगी परमेश्वरगी थेला थारच्येते लाम तेरस्यीत सिन प्रार्थना खि। दोक खाईन प्रार्थना खानामेई परमेश्वरगी थेला नोमुङ मिसिन्च्येते जुनी मेतेरो सिन मिसिरो। ङे थोक्ते मि लाईदु प्रार्थना खि साबातेचेन खालि पाप खाबेकी खित्सादु स्यिला नरककुण्डमा स्यूक्पा माफाप्कान्ते मि लाईदुकामा ईन। पाप खाबेकी स्यिला नरककुण्डमा स्यूक्पा फाप्कान्ते मि लाईदु थोक खि सिनचेन ङे साबाते मेन। च्यिला सासीन दोक्ते पापोङ ओङगो, थे पाप खित्कान्ते मिचेन स्यिला नरककुण्डमा स्यूइओ।
ကြော်ငြာတွေ