गलाती 5:22 - जिरेल22 परमेश्वर आत्मेकी खित ज्युता चालाच्योक खित्कान्ते मिलाचेन थेकी फलफूल गोन ज्युताच्योक खाला लेमु कामताङ बात खित ज्युत्क्यो। थोगी थोक्ते मिकीचेन ज्येनला ङिङज्ये खिओ, थे गा खिन देत्क्यो थेमे सेमदु ढुक्क खाला देत्क्यो। थोक्ते मि होत्ताराङ स्येदाङ मिक्किओ, थेकी ज्येनला दया खिओ थेमे लेमु खिओ, थेकी खिओ साबा च्योकराङ खिओ, အခန်းကိုကြည့်ပါ။ |
गलाती 5:22
44 ပူးပေါင်းရင်းမြစ်များ
दि बातओन ङे च्यिला खाबाते ईन्दे सासीन परमेश्वर राज्यदु स्यूबाते मिओन नाङ दि सा थुङा ओङगो, थे सा थुङा मेङगो सिरच्येते बात छ्याःङ छ्येते बात मेन। छ्येते बातचेन परमेश्वर आत्मे छ्य्वापेई परमेश्वरगी खि साबा साबाच्योक खित्च्येते, दाक्पोन नाङ डिक्ला थुन्ला देत्च्येते थेमे गा खिन देत्च्येतेराङ ईन।
थेमे आज्यो न्वावे, था ङा ख्योकोनला च्यि खि सिन बिन्ती खिते सासीन ङुरूङ प्रभु येशू ख्रीष्टला विश्वास खित्कान्ते मि ईन्देकी थेमे परमेश्वर आत्मेकी ङुरूङला दोक्पोईकी ज्येनज्यीकला ङिङज्ये खित ज्युत्च्येते ईन्देकी ख्योकोनगी ङे लाईदु आउदी खाला परमेश्वरताङ प्रार्थना खि। ङा ङाराङोङ प्रार्थना खिन ओत।
आज्यो न्वावे, ख्योकोन बादोङ होदोकराङ ईन। च्यि सासीन ख्रीष्ट स्यिजीन ख्योकोनोङ थेत्ताङराङ स्याप्ते ईन्देकी परमेश्वर नियम लाईदु ख्योकोन स्याप्ते छेतराङ ओङसुङ। थोक ओङनामेईचेन ख्योकोन स्यिसादुकी सोम्बो लोक्पाते ख्रीष्टकीतेराङ ओङा ओत। दोक ओङा ओतेकी ङुरूङ परमेश्वरगी खि साबाते लेमु काम खिता थुप्च्या गाला ओत।
ज्येनतोक गाङे ङीमा लेनज्यीक छ्याःङ काम लै मिक्किच्या गाल्सीनोङ परमेश्वरला विश्वास खित्च्येते, थेकी ङुरूङला तेरग्यो साबाते ङेत्क्यो सिन खित्च्येते आश थेमे ज्येनला ङिङज्ये खित्च्येते दि बात सुमचेन नोमुङ छ्याःङ काम लै मिक्किच्या मोन्डोओ। दि बात सुमगी नाङदुङ छ्येते बातचेन ज्येनला ङिङज्ये खित्च्येतेराङ ईन।
आज्यो न्वावे, ख्योकोन थे खोरोङ नियम अधीनला देता माफाप्स्यीत सिन परमेश्वरगी ख्योकोनला थे खोरोङ दोन्दु स्योक सिन काताङाते ईन। दोक सिरजीनमेईराङ थोक ईन्सीन थानी जे खासीनोङ ओङच्याक्वा सिन खेराङ सेमला लाबा लाबा माकेत। बरू ख्योकोनगी दाक्पोन नाङ ङिङज्ये खितरीङ खिन दोक्पोईकी ज्येनज्यीकला लेमु खि।
प्रभु येशू मिकी चुक खिता फाप्कीते सिन छ्या स्येला ख्योकोनगी थोकराङ खित्स्यीत, काम बात जे खासीनोङ थेला मन परे मिक्किच्येते सिराते छ्याःङ मिक्किस्यीत बरू झन झन लेमुते कामकामा खित्स्यीत थेमे परमेश्वर सु ईन्दे, चुक्ते ईन्दे सिन झन लेमु खाला छ्या स्येस्यीत सिन ङ्योकोन दोक खाला प्रार्थना खिओ।
खो थोरूमोङ स्याराराङ ओत्सीनोङ थोक खाला लोप्जीन कोत्जीन दि भर्खरगी फिजेकी साबाते बादोङ च्यि ङेन्च्ये, दिलाङ च्यि छ्या ओते सिन सिरच्येते लाम थेबा सुङलाङ मातेर। खो स्याराराङ दुक सिन हेपे मिक्किस्यीत सिन खोरोङगी खाबाते ताला येशू ख्रीष्टला विश्वास खित्कान्ते मिओनगी चुक चुक खिता फाप्च्या ईन्दाका सिन लोप्स्यीत सिन खुई दोक दोक खि। चुक सासीन खुई काम बात जे खासीनोङ लेमु खाला खि, ज्येनला ङिङज्ये खि, जे ओङसीनोङ येशू ख्रीष्टला विश्वास खिन देत, सेमला छ्याःङ पाप मोज्योबा खाला काम खि,
दि चिट्ठी ङे सिल्वानसला टिक च्युताते ईन। सिल्वानसचेन खिओ साबा च्योकराङ खित्कान्ते मि ईन। दि ङेते ङाराङ न्वा च्योकराङ ईन। जति दुक्पा ओङजीनोङ ख्योकोन सेम मेसेता खाला देत्स्यीत सिन आँट तेराला थेमे परमेश्वरगी पक्काराङ दया खिओ सिन ख्योकोनगी लेमु खाला छ्या स्येस्यीत सिन ङे थुम्मी खाईन दि चिट्ठी टिबाते ईन। परमेश्वरगी खेराङला दया खिनराङ देत्स्यीत सिन थेला माने खिन देता मातोङ।
ကြော်ငြာတွေ