गलाती 5:19 - जिरेल19 दाक्पोन खुशीला ख्याम्कान्ते मिकी चुक चुक खिते सिन ङुरूङ गाङेला लेमु खाला छ्याराङ ओत। थोक्ते मिकीचेन रन्डीबाजी थेमे होदि च्योक्ते खिता मेङच्येते ङोचा लाङच्येते काम खिओ, အခန်းကိုကြည့်ပါ။ |
गलाती 5:19
30 ပူးပေါင်းရင်းမြစ်များ
ङाला थोक खाला तेरकान्ते परमेश्वरराङ ईन। ङुरूङ प्रभु येशू छ्य्वापेई ङा थेला जय जय साला धन्यवाद सिओ। ङे ङाराङगी खिता थुप्च्येते कामकामा तासीन ङेते छ्याःङ आश मेत। ङे खिता थुप्च्येते कामनी खालि परमेश्वर नियमला साबा च्योकराङ खिता सेम खाला थोक खिता छोल्च्येतेकामा ईन। ङाराङ परमेश्वरगी खि साबाच्योक खिता मुथुप्कान्ते मिकामा ईन्देकी ङे पापकामा खिता फाप्कीदुक।
ङुरूङ परमेश्वरगी खि साबाच्योक खिता मुथुप्कान्ते मि ईन्देकी ङुरूङला पापदुकी डेल्च्येते थेमे स्यिसादुकी जोए खित्च्येते काम परमेश्वर नियम छ्य्वापेकी ओङा थुपा मेतान। थोगी दि काम खिताला मि जुनीराङ लाला केला च्याला स्याप्ला परमेश्वरगी थे खोरोङ फुज्युङराङ देमा ताङसुङ। मि जुनी लासीनोङ थेकी नोमुङ छ्याङ पाप खाबा मेतान। थेमे पापकी सजाय जति परमेश्वरगी थेलाराङ भोगे खित च्युत्सुङ। थे थोक खाईन स्याप्की खित्सादु परमेश्वरगी मिओनला पाप खित्च्येते बानीदुकी टाल्गीन बिन्सुङ।
थोगी ङा ख्योकोनला च्यि सिते सासीन रन्डीबाजी थेमे होदि च्योक्ते खिता मेङच्येते काम सिराते ख्योकोनगी खितराङ माकेत। रन्डीबाजी थेमे होदि च्योक्ते खिता मेङच्येते काम खित्कान्ते मिकीचेन दाक्पोनलाराङ मेलेबा ओङ ज्युत्क्यो। ज्येनतोक पाप जे खासीनोङ पापनी पापराङ ईन। ईन्सीनोङ ज्येनतोक पापकी दाक्पोन जीउला मेलेबा ओङ मुज्युदो।
आज्यो न्वावे, ख्योकोन थे खोरोङ नियम अधीनला देता माफाप्स्यीत सिन परमेश्वरगी ख्योकोनला थे खोरोङ दोन्दु स्योक सिन काताङाते ईन। दोक सिरजीनमेईराङ थोक ईन्सीन थानी जे खासीनोङ ओङच्याक्वा सिन खेराङ सेमला लाबा लाबा माकेत। बरू ख्योकोनगी दाक्पोन नाङ ङिङज्ये खितरीङ खिन दोक्पोईकी ज्येनज्यीकला लेमु खि।
दाक्पोन खुशीला ख्याम्कान्ते मिकी परमेश्वर आत्मेकी खित ज्युता चालाच्योक खिता मोछोलो। थोकराङ खाला परमेश्वर आत्मेकी खित ज्युता चालाच्योक खित्कान्ते मिकीचेन दाक्पोन सेमला लाबा लाबा खिता मोछोलो। दोक खाला परमेश्वर आत्मेकी खित ज्युत्च्येते कामताङ दाक्पोन खुशीला ख्याम्च्येते बात डिकराङ मिडिगो। दाक्पोन खुशीला माख्याम्स्यीत सिन परमेश्वर आत्मेकी ख्योकोनला थे खोरोङगी खि साबाच्योक खित ज्युता छोल्ग्यो।
गोमाबा ङुरूङोङ सो साकान पशु च्योकराङ ओतान। ङुरूङगी परमेश्वरगी साबाते खाङोङ बात माङेन, ङुरूङ ङ्येकीन गाला ओतान। थेजीन ङुरूङ दोक माक्याबाला ओङराङ मेङगो सिराच्योक खाला दाक्पोन सेमला लाबा लाबा खिता ओङच्या मेङच्या कामओन खिन ओतान। ङुरूङ जहिलेङ मेलेबाकामा खिन थेमे ज्येनला डार खिन ओतान। दोक खाला ङुरूङ गाङे नाङ दोक्पोईकी ज्येनज्यीकला मिगी थोङसार्मु खित्च्येतेकामा खिन ओतान।
तर ङे मि ईन सिरा ज्यीबा खित्कान्तेबा, ङाला विश्वास मिक्किकान्तेबा, मेलेबा मेलेबा काम खित्कान्तेबा, मि सेत्कान्तेबा, रन्डीबाजी थेमे होदि च्योक्ते खिता मेङच्येते काम खित्कान्तेबा, स्युत्च्या फुत्च्याताङ मन्तर तन्तर खित्कान्तेबा, ल्हा लुला माने खित्कान्तेबा थेमे ढाँर खित्कान्तेबाचेन गाङेराङ गन्धकताङ मे बाराते ज्यीबा लाङच्याज्यीक मे धुनीमा स्यूक्पा फाप्क्यो। था तिरी ज्यीबा लाङच्याज्यीक मे धुनीमा स्यूक्च्येते सिरातेचेन होदिराङ ईन,” सिन सिदुक।
थे सारगी फिनामाचेन फेत्कान्ते कि च्योकराङ मेलेबा खित्कान्ते मिओन, स्युत्च्या फुत्च्याताङ मन्तर तन्तर खित्कान्ते मिओन, रन्डीबाजी थेमे होदि च्योक्ते खिता मेङच्येते काम खित्कान्ते मिओन, मि सेत्कान्तेबा, ल्हा लुला माने खित्कान्तेबा थेमे ढाँर खिताला छ्याःङ च्योक मिक्किकान्ते मिओनकामा देत्क्यो।
ကြော်ငြာတွေ