गलाती 5:17 - जिरेल

¹⁷ दाक्‍पोन खुशीला ख्‍याम्‍कान्‍ते मिकी परमेश्‍वर आत्‍मेकी खित ज्‍युता चालाच्‍योक खिता मोछोलो। थोकराङ खाला परमेश्‍वर आत्‍मेकी खित ज्‍युता चालाच्‍योक खित्‍कान्‍ते मिकीचेन दाक्‍पोन सेमला लाबा लाबा खिता मोछोलो। दोक खाला परमेश्‍वर आत्‍मेकी खित ज्‍युत्‍च्‍येते कामताङ दाक्‍पोन खुशीला ख्‍याम्‍च्‍येते बात डिकराङ मिडिगो। दाक्‍पोन खुशीला माख्‍याम्‍स्‍यीत सिन परमेश्‍वर आत्‍मेकी ख्‍योकोनला थे खोरोङगी खि साबाच्‍योक खित ज्‍युता छोल्‍ग्‍यो।

गलाती 5:17 ပူးပေါင်းရင်းမြစ်များ

मत्ती 12:30

थोगी बात च्‍यि ईन्‍दे सासीन ङात्ताङ मिडिक्‍कान्‍ते मिचेन ङे विरोध खित्‍कान्‍ते ईन। थोकराङ खाला ङे र्‍वा च्‍योक ओङला मिओनला परमेश्‍वर छ्य्‌वापा लै खित मुज्‍युत्‍कान्‍ते मिङ ङे काम ङ्ये ज्‍युत्‍कान्‍ते ईन।

मत्ती 16:17

थोक सिरजीन थेकी थेला “खुई ठीक सिदुक योने फुज्‍युङ शिमोन, खो थोई भाग्‍यमानीज्‍यीक ओता ईन्‍दाका। च्‍यिला सासीन दि बात खुई खोरोङगीराङ छ्या स्‍येबाते मेन, मिकी लाप्‍कीन बिन्‍दातेङ मेन। स्‍वर्गने देत्‍कान्‍ते ङे आबेकी खोल्‍ला दि बात छ्या स्‍ये च्‍युताते ईन।

मत्ती 16:23

थोक खित्‍जीन ख्‍युर ग्‍युरगीन थेकी थेला “शैतान, खो दुरू ङे मिगी दोन्‍दु मादेत। खो ङे काम ङ्ये ज्‍युता छोल्‍गीदुक। परमेश्‍वरगी दोक खाला काम मिक्‍किओ। खुई साबाते दि बातनी परमेश्‍वरगी खित्‍च्‍येते कामताङ डिकराङ मिडिक्‍च्‍येते ईन,” सिन ङारसुङ।

मत्ती 26:41

ख्‍योकोन च्‍याङबो खाला देत। था दि दुक्‍पे बेलाला खेराङगी ङाला विश्‍वास खिनराङ देता थुप्‍स्‍यीत सिन परमेश्‍वरला प्रार्थना खि। ख्‍योकोन लेमु खिता छोल्‍गीदुक तर खेराङगी खिता चालाच्‍योक खिता मुथुप्‍तुक,” सिन सिदुक।

मत्ती 5:6

परमेश्‍वरगी खि साबा साबाच्‍योक खिता आउदी सेम खित्‍कान्‍ते मिओन भाग्‍यमानी ईन। च्‍यिला सासीन परमेश्‍वरगी थेबेकी सेम खाबा च्‍योकराङ ओङ ज्‍युत्‍क्‍यो।

लूका 22:33

थेकी थोक सिरजीन पत्रुसकीचेन “प्रभु, च्‍यि ङे थोक खाओङ साबाप? ङानी खोत्ताङ जेलला ड्वाप्‍लानी च्‍यि स्‍याप्‍ला समेदोङ ज्‍यीबा मिक्‍किओ,” सिनकामा फिरसुङ।

लूका 22:46

थेमे थेकी थेबाला “माङ्यालना माङ्याल ल्‍वा। थेमे दि दुक्‍पे बेलाला खेराङगी ङाला विश्‍वास खिनराङ देता थुप्‍स्‍यीत सिन परमेश्‍वरला प्रार्थना खि,” सिन सिदुक।

यूहन्‍ना 3:6

मिकी केबाते फिजेते सेमताङ स्‍या ठाक थेला केकान्‍तेते च्‍योकराङ ओङगो। परमेश्‍वर आत्‍मे छ्य्‌वापेई केबाते मिचेन थोक मेन्‍देकी खुदुकराङ ओङगो।

रोमी 8:13

च्‍यिला सासीन काम बात जे खित्‍जीनोङ दाक्‍पोन खुशीराङ खिन देत्‍सीनचेन ख्‍योकोन स्‍या फाप्‍क्‍यो। परमेश्‍वर आत्‍मे छ्य्‌वापेई दाक्‍पोन खुशी खिता ताङला होथोक्‍ते कामताङ बात खिता ताङसीनकामा ख्‍योकोनगी नोमुङ मिसिन्‍च्‍येते जुनी ङेत्‍क्‍यो।

गलाती 3:21

दोक ईन्‍सीन च्‍यि थे नियमचेन परमेश्‍वरगी आशी तेरग्‍यो सिन खाबाते जमान बातताङ बान्‍दा मिडिक्‍च्‍येते ईन ओना? मेन मेन, दोक पक्‍काराङ मेन। मिओनगी नोमुङ मिसिन्‍च्‍येते जुनी ङेत्‍स्‍यीत सिन परमेश्‍वरगी थे नियम बिन्‍दा मेतान। थोक ईन्‍दा ईन्‍सीन थे नियमला खि साबाते ङेन्‍कान्‍तेबाला थेकी दोषी मेन सिरच्‍या ओतान।

याकूब 3:2

ङुरूङ गाङेकी थोकज्‍यीक मेन्‍सीनोङ थोकज्‍यीक दाक गल्‍ती खिओ। दाक्‍पोन खा थाताला ज्‍याक्‍ला बात खित्‍कान्‍ते मिकीचेन गल्‍ती मिक्‍किओ। थोक्‍ते मिकी दाक्‍पोनला पूरो खाला काबूला ज्‍य्‌वाबा थुप्‍क्‍यो।