गलाती 4:24 - जिरेल

²⁴ दि बातकीते खुदुक खुदुक अर्थ ओत। थे फेम्‍मे मि मेरा ङिकी बातकी छ्य्‌वापेई ङुरूङगी परमेश्‍वरताङ मिओन फारगी नाङ थरी ङि बात ओत सिन छ्या स्‍येबा थुप्‍क्‍यो। च्‍यि सासीन योङमु हागार बातताङ डिक्‍च्‍येते थरीज्‍यीक बातचेन सीनै बोमदुकी शुरू ओङाते ईन। होथे बोमदुराङ परमेश्‍वरगी यहूदीओनला थे खोरोङ नियम बिन्‍दा ओतान। दोक खाईन थेबा थे नियम अधीनला देता फाप्‍कीन योक्‍पो योङमु च्‍योकराङ ओङसुङ।

गलाती 4:24 ပူးပေါင်းရင်းမြစ်များ

मत्ती 13:35

थोक खाईन थाङबोका परमेश्‍वरगी थे खोरोङ बात खित्‍कान्‍ते छ्य्‌वापेकी साबाते दि बात साबा च्‍योकराङ ओङसुङ। थेकी “ङा मिओनला कथा लाःप्‍लाकामा ङाराङ बात लोप्‍क्‍यो। थोक खाला ङा थेबाला दि साताङ नाम जोजीनमेकी थातासाक छ्या स्‍ये च्‍युता मेताते बातओन लाप्‍ला तेरग्‍यो,” सिन साबा ओतान।

रोमी 8:15

योक्‍पो योङमुकी मालिकतेकी दुङगीता सिन ज्‍यीबा खुराच्‍योक खाला था लोक्‍ला ख्‍योकोनगीचेन परमेश्‍वरगी सजाय तेरगीता सिन थेत्ताङ छ्याःङ ज्‍यीबा खिता माफाबो। च्‍यिला सासीन परमेश्‍वरगी थे खोरोङ आत्‍मा बिन्‍गीन ख्‍योकोनला थे खोरोङ धर्म-पुत्र जोबा ओत। थेमे परमेश्‍वर आत्‍मे छ्य्‌वापेकीराङ परमेश्‍वरला ङुरूङ दाक आबा सिन सिओ।

१ कोरिन्‍थी 10:11

थेबेकी च्‍यि खित्‍जीन चुक चुक ओङसुङा सिरच्‍येते दि बातओन ताला ङुरूङ दाक्‍पोनगी चुक खिता फाप्‍च्‍या ईन्‍दाका सिन छ्या स्‍येबा फाप्‍क्‍यो। था दि जुग सिन्‍ला डोच्‍ये बेला ख्‍योल्‍गीन सिन्‍सुङ। थोगी ङुरूङगीङ थेबेकी खाबाच्‍योक खिता मेङगो सिन छ्या स्‍येस्‍यीत सिनराङ दि बातओन टिबा ओतान।

१ कोरिन्‍थी 10:4

थोकराङ खाईन थेबेकी परमेश्‍वरगी बिन्‍दाते छ्युराङ थुबा ओतान। थेबा गाङेकी ठाःकज्‍यीकलाराङ दोलाते छ्यु थुबा ओतान। दि छ्यु दोल्‍च्‍येते ठाःक साबातेचेन थेबाताङ ङ्योम्‍बुराङ ख्‍याम्‍बाते ख्रीष्‍टराङ ईन।

गलाती 4:25

दि हागार साबातेचेन थरिङोला अरबदु ओताते सीनै बोम ईन। थरिङोले बातराङ खिइ सासीनचेन हागार बातताङ यहूदीओन छ्येते सार यरूशलेम बात डिगो। च्‍यिला सासीन परमेश्‍वर नियम ङेन्‍दा फाप्‍क्‍यो सिन थे नियम अधीनला देतेकी यरूशलेम मिओन छ्ये टेक्‍टे गाङेराङ योक्‍पो योङमु च्‍योकराङ ईन।

गलाती 4:3

होथोक्‍ते धनीते मि फुज्‍युङगी थे खोरोङ उमेर माछाङथुप ज्‍येनगी अधीनला देता फापा च्‍योकराङ दाक्‍पोनगी बात लेमु खाईन छ्या मास्‍येथुप गोमा ङुरूङोङ दि सा लुङबादु थाङबोमेई चले खिन वाबाते रीतिथिति माने माक्‍याबाला ओङराङ मेङगो सिराच्‍योक खाला थे रीतिथितिओन माने खिन ओतान।

गलाती 5:1

ख्रीष्‍टकी खाबाते कामगी खित्‍सादु ङुरूङगी परमेश्‍वर नियम अधीनला देता माफाबो। ङुरूङगी गोमाबा खिन ओताच्‍योक नोमुङ खिता माफाबो। बात थोक ईन्‍देकी था ख्‍योकोनगी खुरा मुथुप्‍च्‍येते खुर्बु खुरा छोलाच्‍योक खाला परमेश्‍वरगी यहूदीओनला बिन्‍दाते नियम ङेन्‍ला थेरू खि साबा साबा खिता माछोल।

हिब्रू 11:19

इसहाक विषयला परमेश्‍वरगी साबाते बात थे खोरोङ सेमगी नाङ ओतेकी इसहाकला भोग बिन्‍सीनोङ परमेश्‍वरगी थेला दाक सोम्‍बो लोक्‍पा थुप्‍क्‍यो सिन अब्राहामगी विचार खाबा ओतान। थोगी भोग तेराला ठीक खाबे छोमु परमेश्‍वरगी थोक खित माच्‍युतेकी इसहाकला परमेश्‍वरगी सोम्‍बो लोक्‍पा च्‍योकराङ ओङसुङ।

हिब्रू 12:24

येशू देत्‍सादुराङ ख्‍योकोन ख्‍योलाते ईन। थेकी खित्‍सादुराङ परमेश्‍वरगी मिओनताङ तिरी खिओ साबाते जमान पूरो ओङाते ईन। येशू स्‍यिजीन थे जीउदुकी थेन्‍दाते ठागी खित्‍सादु परमेश्‍वरगी मि पाप माफ तेरच्‍या खाबाते ईन। थोगी येशू स्‍याप्‍तेचेन हाबिल स्‍याप्‍ते च्‍योक मेन, दिनी खापान खापान छ्येते बात ईन।

हिब्रू 13:20

परमेश्‍वरगी खाबाते नोमुङ खुदुक मोन्‍डोच्‍येते जमान येशूकी थे खोरोङ ज्‍यान बिन्‍ला स्‍यिजीन थे जीउदुकी थेन्‍दाते ठागी खित्‍सादु पूरो खाबा ओत। येशूचेन लुक लेमु खाला ताकान्‍ते छ्येते लुई गोठाला च्‍योक्‍ते ईन। मि सेम ढुक्‍क लोङकान्‍ते परमेश्‍वरगी ङुरूङ प्रभु येशूला स्‍यिसादुकी सोम्‍बो लोक्‍पा ओत।

हिब्रू 7:22

थेकी ना क्‍याल्‍गीन येशूला पूजारी जोबा ओतेकी मोशे पालोला खाबाते जमान भन्‍दा तिरी खाबाते दि जमान छ्ये ईन सिन दाक छ्या स्‍येकीदुक। दि जमान पूरो खित ज्‍युत्‍कान्‍ते येशूराङ ईन।