गलाती 3:28 - जिरेल28 थोगी येशू ख्रीष्टताङ जीउज्यीकराङ ओङा ओतेकी यहूदी ईन्स्यीत कि ग्रीक ईन्स्यीत, योक्पो योङमु ईन्स्यीत कि ज्येन ईन्स्यीत, ख्योओ मि फेम्मे मि जोराङ ईन्सीनोङ था ख्योकोन गाङेराङ थोजोराङ ईन। အခန်းကိုကြည့်ပါ။ |
गलाती 3:28
31 ပူးပေါင်းရင်းမြစ်များ
था ङा काल्बासाक दुरू मेदेदो। ङा खो ओत्साने ओङगीन ओत। दोक ईन्सीनोङ दिबाबरीनी दुरूराङ देत्क्यो। थोगी आबा खुई ङाला बिन्दाते खोरोङ शक्तिकीराङ दिबाला मेलेबा ओङसादुई जोए खाला स्योक। सेमला पाप सिराते छ्याःङ मेताते खोकामा ईन। खुई दिबाला जोए खाईन ज्याक्नामेई आबा खोत्ताङ ङा दोक्पोईराङ ईन्दा च्योकराङ खाला दिबाबरीङ सेमज्यीकराङ खाला डिक्ला देता थुप्क्यो।
गा लाङच्येते बात लोपाला ङाला सुङताङ छ्याःङ ङोचा मालाङदुक। च्यिला सासीन दि बातला परमेश्वरताङ चुक छ्येज्यीक शक्ति ओते सिरच्येते बात ओत। दि बात ङेन्ला येशूला विश्वास खित्कान्ते मिबरी गाङेला परमेश्वरगी पापदुकी डेल्ग्यो। दि पापदुकी डेल्च्येते काम परमेश्वरगी गोमा यहूदीओनला खासीनोङ ज्येन ज्येन जातकी मिलाङ खिओ।
ङे च्यिला दोक साबाते ईन्दे सासीन सुइँदेते ख्योबोते येशूला विश्वास खित्कान मेन्सीनोङ फेम्मेताङ ङ्योम्बुराङ देत्सीन थेलाङ परमेश्वरगी थे खोरोङ मि ईन सिओ। थोकराङ खाला सुइँदेते फेम्मेते येशूला विश्वास खित्कान मेन्सीनोङ ख्योबोताङ ङ्योम्बुराङ देत्सीन थेलाङ परमेश्वरगी थे खोरोङ मि ईन सिओ। थोक ईन्देकीराङ ख्योकोन फिजाओनलाङ परमेश्वरगी थे खोरोङ मि ईन सिओ। थोक मेन्दा ईन्सीन थेकी थेबाला थे खोरोङला माने मिक्किकान्ते मि फिजा च्योकराङ ईन सिरच्या ओतान।
थेजीन ङा थोक खाईन नाबा ओत्सीनोङ ख्योकोनगी ङाला छ्यि चुक मेलेबा खाईन नाला दुका सिराच्योक माक्यासुङ, ङिङमारोङ माक्यासुङ। बरू ख्योकोनगीनी खेराङ दोन्दु परमेश्वर दूत वाबा च्योकराङ खाईन ङाला लेमु खाबा ओतान। दूत छेतकामा मेन, येशू ख्रीष्ट थे खोरोङराङ ख्योकोन ओत्सादु वाबा छेत खाईन ङाला मान खाबा ओतान।
येशू ख्रीष्टताङ जीउज्यीकराङ ओङाते मिओनगीचेन थानामेई थोक मिक्किओ सिन दाक्पोन खुशीला ख्याम्च्येते बानी येशू ख्रीष्ट टाँए खाईन स्याप्ते स्यिङगी थामला टाँए खाईन सिन्दा ओत। थोक खाईन दाक्पोन खुशीला ख्याम्च्येते बानी ताङगीन सिन्दा ओतेकी था थेबेकी दाक्पोनला च्यि च्यि खिता सेम लाङगीका थोकराङ खिता माफाबो।
दि चिट्ठी टिक्कान्ते ङा पावल थेमे तिमोथी ईन। ङ्योकोन येशू ख्रीष्ट काम खित्कान्ते मि ईन। ङ्योकोन दि चिट्ठी फिलिप्पी सारदु ओताते परमेश्वर सन्तानओनला ताकान्तेबे नाङ छ्येते मिओन थेमे थेबाला थोक खिताला मद्धत तेरकान्ते मिओनला टिगीन ओत। थेबालाकामा मेन्देकी दि चिट्ठी येशू ख्रीष्टताङ जीउज्यीकराङ ओङाते परमेश्वर सन्तान ख्योकोन गाङेला टिगीन ओत।
थेकी दोक लेमु खिन ओताते मि नाङ ग्रीक ईन्स्यीत कि यहूदी ईन्स्यीत, जीउला खतकी चिनु जोबाते मि ईन्स्यीत कि थे चिनु माजोबाते मि ईन्स्यीत, ज्येन ज्येन लुङबे मि ईन्स्यीत कि सिथिया सिराते मिओन ईन्स्यीत, योक्पो योङमु ईन्स्यीत कि ज्येन ईन्स्यीत गाङे थोजोराङ ईन। सु च्यि जातकीते ईन्दे, सु छ्ये टेक्टे ईन्दे सिरच्येते बात ओङा मेङगो। ख्रीष्टकामा छ्ये ईन। थे खोरोङ मि गाङे सेमगी नाङ थेराङ देत्क्यो।
ကြော်ငြာတွေ